Raqok aatin, raqb’a-aatin Chi’ilmanq ajwi’ Jesukristo—Aj Raqol Aatin; Raqb’a-aatin sa’ roso’jik; Rub’el tojb’a-maak Xtz’ilb’al rix li b’aanuhom a’ yaal jo’ li jar raqal chi na’leb’ re li evangelio; xk’eeb’al reetal; xtz’ilb’al rix li us chiru li ink’a’ us. Laj Moises kik’ojla re raqok aatin chirixeb’ li tenamit, Exo. 18:13. Sa’ tiikilal tatraqoq aatin sa’ xb’een laa was aawiitz’in, Lev. 19:15. Mexraqok aatin re naq ink’a’ taaraqe’q aatin cherix, Mat. 7:1 (JJS, Mat. 7:1–2; Luk. 6:37; 3 Ne. 14:1). Jo’ k’ihaleb’ xe’maakob’ sa’ li chaq’rab’ taaraqe’q aatin chirixeb’ xb’aan li chaq’rab’, Rom. 2:12. Eb’ laj santil paab’anel te’raqoq aatin sa’ xb’een li ruchich’och’, 1 Kor. 6:2–3. Li Ralal li Dios maajo’q’e na’oso’ kiraqe’ aatin chirix xb’aan li ruchich’och’, 1 Ne. 11:32. Eb’ li Kab’laju chi Apostol re li Karneer te’raqoq aatin chirix lix kab’laju xteepal laj Israel, 1 Ne. 12:9 (Tz. ut S. 29:12). Li kamk, li xb’alb’a, laj tza, ut chixjunileb’ li chapb’ileb’ xb’aaneb’ tento taaraqe’q aatin chirixeb’, 2 Ne. 28:23 (1 Ne. 15:33). Wi nekeraq aatin chirix li winq li natz’aaman cheru re tixk’ul li k’a’ru eere, q’axal tiikaq wi’chik ru eejitb’al laa’ex naq ink’a’ xek’e li k’a’ru wan eere, Mos. 4:22. Eb’ li winq te’raqe’q aatin chirixeb’ jo’ chanru lix k’anjeleb’, Alma 41:3. Chatraqoq aatin chi tiik, ut taak’ojob’aaq wi’chik li tiik ruhil na’leb’ aawe, Alma 41:14. Rik’in li k’a’ru wan sa’eb’ li hu li te’tz’iib’amanq, taaraqe’q aatin chirix li ruchich’och’, 3 Ne. 27:23–26 (Apok. 20:12). Li rela’ li tenamit a’in te’raqe’q aatin chirixeb’ xb’aaneb’ li kab’laju li kixsik’ ru li Jesus sa’ li ch’och’ a’in, Morm. 3:18–20. Laj Mormon kixch’olob’ chanru xtz’ilb’al rix b’ar wan li us ut li ink’a’ us, Moro. 7:14–18. Kanab’ aawib’ chiru li Musiq’ej a’an li nak’amok b’e chi raqok aatin rik’in tiikil ch’oolej, Tz. ut S. 11:12. Tento raj teeye sa’ eech’ool—li Dios chiraqoq aatin sa’ qab’een chiqib’il qib’, tento raj teeye sa’ eech’ool—li Dios chiraqoq aatin sa’ qab’een chiqib’il qib’, Tz. ut S. 64:11. Lix Iglees li Qaawa’ te’xraq aatin chirixeb’ li tenamit, Tz. ut S. 64:37–38. Li k’ajolb’ej kirula’aniheb’ li musiq’ej li tz’aptz’ookeb’ sa’ tz’alam, re taaraqmanq aatin chirixeb’ jo’ chanruheb’ li winq sa’ li tz’ejwalej, Tz. ut S. 76:73 (1 Pe. 4:6). Li obiisp taawanq choq’ b’eresinel raqol aatin, Tz. ut S. 107:72–74. Li Qaawa’ taaraqoq aatin chirix chixjunileb’ li winq jo’ chanru lix k’anjeleb’, jo’ chanru li rajomeb’ lix ch’ool, Tz. ut S. 137:9.