Eter

Jun hu sa’ lix Hu laj Mormon wan wi’ jun raqal lix tz’iib’anb’il esileb’ laj Jaredita. Eb’ laj Jaredita a’aneb’ jun ch’uut chi tenamit li ke’wan sa’ li nimla ch’och’ America k’iila cient chihab’ rub’elaj lix tenamit laj Lehi. Lix hu laj Eter ki’isiik chaq sa’eb’ li kaahib’ xka’k’aal perel chi ch’iich’ li ke’tawe’ xb’aan lix tenamit laj Limhi (Mosiah 8:8–9).

Eb’ li ch’ol 1–2 neke’xye resil chanru naq eb’ laj Jaredita ke’xkanab’ li rochoch sa’ xkutankil li najt xteramil kab’l re Babel ut ke’xtikib’ lix b’eenikeb’ toj sa’ li nimla ch’och’ li America nayeeman re anajwan. Sa’eb’ li ch’ol 3–6 ch’olob’anb’il resil naq li ras laj Jared kiril li Kolonel rub’elaj xyo’lajik, ut naq eb’ laj Jaredita ke’b’eek sa’ waqxaqib’ li k’amonel jukub’. Sa’eb’ li ch’ol 7–11 toj yoo chi yeemank resil li maa’usilal li kinumta sa’ xk’ihal lix wanjik li tenamit aj Jaredita. Laj Moroni, li kik’uub’ank re lix tz’iib’anb’il esil laj Eter, kixtz’iib’a sa’eb’ li ch’ol 12–13 chirixeb’ li sachb’a-ch’oolej li ke’b’aanuman rik’in li paab’aal, ut chirix li Kristo ut jun li Ak’ Jerusalen li toj taachalq. Sa’eb’ li ch’ol 14–15 naxye resil chan ru naq eb’ laj Jaredita ke’ok choq’ xnimal ru tenamit, a’b’an ke’sache’ sa’ li pleetink-ib’ sa’ xk’ab’a’ li maa’usilal.