Xtikib’ankil

Li K’utul Raqal reheb’ li Loq’laj Hu

Li K’utul Raqal reheb’ li Loq’laj Hu naxye resil junjunq li tzol’leb’, li na’leb’, li winq, ut li na’ajej li neke’tawman sa’ li Santil Hu, lix Hu laj Mormon, li Tzol’leb’ ut Sumwank, ut li Q’ol Nim Xtz’aq. Naxye ajwi’ junjunq raqal reheb’ li loq’laj hu, re taatzol chirix li junjunq chi na’leb’. Li K’utul Raqal a’in naru chatenq’ankil aajunes ut sa’ laa junkab’al sa’ xtzolb’aleb’ li loq’laj hu. Naru tatxtenq’a chixsumenkil li patz’om chirix li evangelio, chixtzolb’al li jar paay chi na’leb’ sa’ li loq’laj hu, chixkawresinkil aawib’ re taak’e li aatin, ut chixnimob’resinkil aana’leb’ ut aanawom chirix li evangelio.

Li eetalil taq’a naxch’olob’ chanru neke’k’anjelak li aatin sa’ li K’utul Raqal reheb’ li Loq’laj Hu:

Jalam-uuch

re k’utuk

Ruchich’och’

Li t’oram chi ch’och’ wanko wi’, yo’ob’tesinb’il xb’aan li Dios rik’in ruq’ li Jesukristo re naq oksinb’ilaq xb’aaneb’ li winq chiru lix wanjikeb’ sa’ li yu’am a’in. A’an jun na’ajej re te’yale’q rix li winq sa’ li yu’am a’in. Sa’ roso’jik taak’ehe’q xloq’alil ut tixk’ul li taqenaqil loq’al (Tz. ut S. 77:1–2; 130:8–9). Li ruchich’och’ taawanq choq’ junelikil reechanihomeb’ li ani ke’wan chi k’ulub’ej choq’ re li choxahil loq’alil (Tz. ut S. 88:14–26). Eb’ a’an te’wanq rik’in li Yuwa’b’ej ut li K’ajolb’ej (Tz. ut S. 76:62).

Li ruchich’och’ a’an ajwi’ na’ok choq’ jaljookil ru aatin chirixeb’ li ink’a’ neke’ab’in chiruheb’ lix taqlahom li Dios.

Yo’ob’tesinb’il choq’ re li winq

Ruchich’och’ reheb’ li musiq’ej

Sachenaqil teep

Tz’iib’anb’il li jolomil na’leb’ chi q’eq.

Yeeb’il xyaalalil li junjunq chi na’leb’.

Junjunq li na’leb’ wan xtasalil li na’leb’ rub’el. Eb’ lix tasalil li na’leb’ tz’iib’anb’ileb’ chi jo’ka’in.

Jalaneb’ chik raqal chirix nak’eeman sa’ parentesis.

Wan naq li aatin chirix jun li na’leb’ moko natawman sa’ li na’leb’ xasik’. Li aatin Chi’ilmanq naxk’ut chawu b’ar wan li na’leb’ taataw wi’ li aatin.

Wan naq wankeb’ chik li na’leb’ sa’ li k’utul raqal li wan wi’ li aatin chirix li yookat chixtzolb’al. Li aatin Chi’ilmanq ajwi’ tixk’ut chawu b’ar wankeb’ li na’leb’ a’an.

Li jar raqal reheb’ li loq’laj hu li tate’xtenq’a chixtawb’al ru li yeeb’il xyaalal wan sa’ parentesis.

Rik’in li junjunq raqal reheb’ li loq’laj hu wan b’ayaq li aatin isinb’il chaq sa’ li jun raqal a’an, malaj li naxye resil.

Li aatin Chi’ilmanq (malaj Chi’ilmanq ajwi’) rochb’een li eetalil (—) naxye aawe naq li na’leb’ nakasik’ wan rub’el jun xtasalil li na’leb’ (“Roso’jik li ruchich’och’”) a’an jun tasal li na’leb’ (“Ruchich’och’”).