Li Jesukristo a’an li nimla aj Tojol rixeb’ chixjunil li winq, xb’aan naq a’an kixtoj rix lix maakeb’ chixjunil li winq ut kixk’e chi uxmank lix waklijikeb’ chi yo’yo chixjunileb’ li winq.
Jesus taak’e choq’ xk’ab’a’: xb’aan naq a’an tixkol lix tenamit chiru lix maakeb’, Mat. 1:21 .
Li Ralal li Winq kichal re xk’eeb’al lix yu’am choq’ re xtojb’aleb’ rix naab’al, Mat. 20:28 (1 Tim. 2:5–6 ).
Li Qaawa’ Dios re laj Israel xrula’ani ut xtoj rix lix tenamit, Luk. 1:68 .
Xook’ame’ sa’ usilal rik’in li Dios sa’ xk’ab’a’ lix kamik li Ralal, Rom. 5:10 .
Li Jesus kixq’axtesi rib’ choq’ qe, re naq tixtoj qix chiru chixjunil li maa’usilal, Tito 2:13–14 .
Li Jesukristo kooxch’aj chiru li qamaak rik’in tz’aqal lix kik’el, Apok. 1:5 .
Li tojb’al-ix nachal rik’in, ut sa’ xk’ab’a’ li Santil Mesias, 2 Ne. 2:6–7, 26 .
Li K’ajolb’ej kixk’ul sa’ xb’een lix maa’usilaleb’ ut li q’etok aatin reheb’ li winq, kixtojeb’ rix, ut kixk’e li elajinb’il xb’aan li tiik ruhil na’leb’, Mos. 15:6–9, 18–27 .
Li Kristo kichal chixtojb’aleb’ rix li ani te’kub’eeq xha’ choq’ re li jalb’a-k’a’uxlej, Alma 9:26–27 .
A’an taachalq sa’ li ruchich’och’ re xtojb’al rix lix tenamit, Alma 11:40–41 .
Li tojb’al-ix nachal sa’ xk’ab’a’ li jalb’a-k’a’uxlej, Alma 42:13–26 .
Li Jesukristo kichal re xtojb’al rix li ruchich’och’, Hel. 5:9–12 .
Li Kristo kixtojeb’ rix li winq chiru li kamk re tz’ejwalej ut re musiq’ej, Hel. 14:12–17 .
Li tojb’al-ix nachal xb’aan li Kristo, 3 Ne. 9:17 .
Laa’in li kikawresiman chalen chaq sa’ xk’ojlajik li ruchich’och’ re xtojb’al rix lin tenamit, Eter 3:14 .
Li Qaawa’ laj Tojol eerix kixk’ul li kamk sa’ li tz’ejwalej, Tz. ut S. 18:11 .
Li Kristo kixk’ul rahilal choq’ re chixjunileb’ wi te’xjal xk’a’uxl, Tz. ut S. 19:1, 16–20 .
Eb’ li kok’al li ka’ch’ineb’ xyu’am tojb’ileb’ rix sa’ xk’ab’a’ li Junaj Yo’lajenaq, Tz. ut S. 29:46 .
Kintaqla li Walal Junaj Chirib’il sa’ li ruchich’och’ choq’ re xtojb’al rix li ruchich’och’, Tz. ut S. 49:5 .
Li Kristo a’an lix saqen ut laj Tojol rix li ruchich’och’, Tz. ut S. 93:8–9 .
Laj Jose F. Smith kixk’ul jun k’utb’esinb’il matk’ chirix lix tojb’aleb’ rix li kamenaq, Tz. ut S. 138 .