Taqenaqil aj tij

Jun opiis sa’ li tijonelil. Sa’eb’ li loq’laj hu, wiib’ paay chan ru neke’aatinak chirixeb’ li “taqenaqil aj tij”: (1) jun opiis sa’ li Tijonelil re Melkisedek; ut (2) rub’el lix chaq’rab’ laj Moises, li ani najolomin sa’ li Tijonelil re Aaron.

Li xb’een a’an xyaalalil li Jesukristo jo’ li xnimal ru Taqenaqil aj Tij. Laj Adan ut chixjunileb’ li najter yuwa’b’ej a’aneb’ ajwi’ taqenaqil aj tijeb’. Anajwan, oxib’ li jolomil taqenaqil aj tij wankeb’ sa’ li Awa’b’ejil re li Iglees ut neke’jolomink sa’ xb’een chixjunileb’ chik li xe’k’uluk re li tijonelil, ut eb’ li komon sa’ li Iglees. Eb’ li winq li k’ulub’ejeb’ neke’k’ojob’aak choq’ xb’eenil aj tij a’ yaal jo’ na’ajman sa’ li Iglees anajwan. Eb’ li xb’eenil aj tij naru neke’b’oqe’, neke’xaqab’aak, ut neke’k’ojob’aak choq’ obiisp (Tz. ut S. 68:19; 107:69–71).

Li xkab’ xyaalalil, a’an naq rub’el lix chaq’rab’ laj Moises, li ani najolomink re li Tijonelil re Aaron, taqenaqil aj tij nayeeman chaq re. Li opiis a’in wan chi numsinb’il chalen chaq li yuwa’b’ej toj rik’in li alalb’ej, ut kinumsiman chiru li xb’een yo’lajenaq re chixjunil lix junkab’al laj Aaron, ut laj Aaron ajwi’ kiwan xb’een wa choq’ taqenaqil aj tij re lix k’anjelil laj Aaron (Exo. 28–29; Lev. 8; Tz. ut S. 84:18).