Helaman, ralal laj Helaman
Jun profeet ut aj tz’iib’anel esil sa’ lix Hu laj Mormon li kitzolok reheb’ lix tenamiteb’ laj Nefita. A’an li rimam laj Alma li alalb’ej ut xyuwa’ laj Nefi li kik’ehe’ xwankil sa’ xb’een chixjunil li tzuul taq’a. Rochb’een laj Nefi li ralal, laj Helaman kixtz’iib’a lix hu laj Helaman.
Lix hu laj Helaman
Eb’ li ch’ol 1–2 neke’xye resil jun kutan re nimla ch’a’ajkilal sa’ xjolomil li tenamit. Sa’eb’ li ch’ol 3–4 tz’iib’anb’il resil naq laj Helaman ut laj Moronihah, xb’eenileb’ aj taqlanel reheb’ li teep aj pleet reheb’ laj Nefita, ke’ru chixxaqab’ankil li tuqtuukilal chiru jarub’aq chihab’. A’b’anan us ta jolominb’ileb’ xb’aaneb’ li chaab’il winq a’in, eb’ li tenamit ke’niman xmaa’usilal. Sa’ Helaman 5:1–6:14 laj Nefi kixkanab’ li raqleb’aal aatin, jo’ kixb’aanu chaq laj Alma lix yuwa’ch’in, re xtzolb’aleb’ li tenamit. Chiru jarub’aq kutan ke’xjal xk’a’uxl li tenamit. A’b’anan sa’ Helaman 6:15–12:26, li tenamit aj Nefita ke’ok wi’chik choq’ aj maak. Sa’eb’ li ch’ool sa’ roso’jik, 13–16, wan xnimal ru li esil chirix jun profeet aj Samuel aj Lamanita yeeb’il re, li kiyehok resil chi rub’elaj lix yo’lajik ut lix kamik li Kolonel chiru krus, ut eb’ li eetalil li te’k’utunq re reetalinkil a’an.