Mana

Jun ch’ina t’ort’ookil tzakemq li wan xsahil jo’ wa re xya’al kab’ (Exo. 16:14–31) malaj li ak’ aseeyt (Num. 11:7–8). Li Qaawa’ kixk’e choq’ xtzakemqeb’ li ralal xk’ajol laj Israel chiru li ka’k’aal chihab’ ke’wan wi’ sa’ li yamyookil ch’och’ (Exo. 16:4–5, 14–30, 35; Jos. 5:12; 1 Ne. 17:28).

Eb’ li ralal xk’ajol laj Israel, mana ke’xye re (malaj man-hu sa’ Hebreo)—li naraj naxye “k’a’ru a’an?”—xb’aan naq ink’a’ neke’xnaw k’a’ru (Exo. 16:15). A’an ajwi’ “xwaheb’ li anjel” ut “wa chalen chaq choxa” yeeb’il re (Sal. 78:24–25; Jwan 6:31). A’an reetalil li Kristo, li taawanq choq’ li Wa re li yu’am (Jwan 6:31–35).