Tasal 91
K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ Kirtland, Ohio, 9 Marzo 1833. Sa’ li kutan a’in li Profeet yoo chi k’anjelak sa’ xjaltesinkil ru li Najter Chaq’rab’. Naq kiwulak sa’ li jun raqal chi najter tz’iib’ahom li Hu Dewterokanoniko yeeb’il re, kipatz’ok chiru li Qaawa’ ut kib’eresiik xna’leb’ chi jo’ka’in.
1–3, Lix k’ihal li Hu Dewterokanoniko jaltesinb’il ru chi us, a’b’an wan naab’al li tiqb’il xb’aan ruq’eb’ li winq li moko yaal ta; 4–6, Naxk’e chaab’ilal reheb’ li ani kutanob’resinb’ileb’ xb’aan li Musiq’ej.
1 Chi yaal, jo’ka’in naxye li Qaawa’ eere chirix li aHu Dewterokanoniko—Wan k’iila na’leb’ li wankeb’ chi sa’ li yaaleb’, ut lix k’ihal jaltesinb’il ru chi us;
2 Wan k’iila na’leb’ li wankeb’ chi sa’ li moko yaaleb’ ta, li yal tiqb’il xb’aan ruq’eb li winq.
3 Chi yaal ninye eere, naq moko aajel ta ru naq taajaltesimanq ru li Hu Dewterokanoniko.
4 Jo’kan ut, ani na’ilok ru, achixtawaq xyaalal, xb’aan naq li Musiq’ej naxk’utb’esi li yaal;
5 Ut ani kutanob’resinb’il xb’aan li aMusiq’ej tixtaw chaab’ilal rik’in;
6 Ut ani moko nak’uluk ta rik’in li Musiq’ej, ink’a’ naru chixtawb’al chaab’ilal. Jo’kan naq moko aajel ta ru naq taajaltesimanq ru. Amen.