Ebʼ li loqʼlaj hu
Tzol’leb’ ut Sumwank 5
Eb’ li raqalil
Tema

Tasal 5

K’utb’esinb’il na’leb’ k’eeb’il rik’in xtz’uumal re laj Jose Smith li Profeet, sa’ Harmony, Pennsylvania, Marzo 1829, chi tz’aamanb’il xb’aan laj Martin Harris.

1–10, Li tasal tenamit a’in tixk’ul li raatin li Qaawa’ rik’in xtz’uumal re laj Jose Smith; 11–18, Oxib’ aj yehol nawom te’xch’olob’ xyaalal lix Hu laj Mormon; 19–20, Taak’utmanq xyaalal li raatin li Qaawa’ jo’ sa’eb’ li kutan junxil; 21–35, Laj Martin Harris taaruuq chixjalb’al xk’a’uxl ut chi wank choq’ jun reheb’ li oxib’ chi aj yehol nawom.

1 K’e reetal, ninye aawe, naq jo’ lin moos aj aMartin Harris xtz’aama jun xk’utb’al xyaalal sa’ wuq’, naq laa’at, inmoos Jose Smith, alalb’ej, wan aawik’in eb’ li bperel ch’iich’ li xach’olob’ xyaalal ut xaye resil naq xak’ul wik’in;

2 Ut anajwan, k’e reetal, a’in taaye re—li ani ki’aatinank aawe, kixye aawe: Laa’in, li Qaawa’, Diosin, ut kink’e li k’a’aq re ru a’in aawe laa’at, inmoos Jose Smith, alalb’ej, ut katintaqla naq tatxaqliiq jo’ aj ayehol nawom chirix li k’a’aq re ru a’in;

3 Ut katintaqla naq tat-ok sa’ jun sumwank wik’in, naq ink’a’ taak’ut, ka’ajwi’ reheb’ li aani katintaqla wi’; ut maajun baawankil wan sa’ xb’een, ka’ajwi’ wi k’eeb’il aawe inb’aan.

4 Ut wan jun aamaatan re xjaltesinkil ru eb’ li perel ch’iich’, ut a’in li xb’een maatan li kink’e sa’ aab’een; ut kintaqla naq maajun chik maatan taab’aanu aawib’ jo’ ta wank aawe toj reetal naq taatz’aqloq ru li wajom rik’in a’in; xb’aan naq maajun chik maatan tink’e aawe toj reetal naq taachoymanq.

5 Chi yaal, ninye aawe, naq rahilal taachalq sa’ xb’eeneb’ li wankeb’ sa’ li ruchich’och’ wi aink’a’ te’ab’inq chiru li waatin;

6 Xb’aan naq chirix a’in atatk’ojob’aaq ut tatxik ut taaq’axtesi li bwaatin reheb’ li ralal xk’ajoleb’ li winq.

7 K’e reetal, wi ink’a’ ate’xpaab’ li waatin, ink’a’ tate’xpaab’ laa’at, at inmoos Jose, wi ta taaruuq naq taak’ut chiruheb’ chixjunil li k’a’aq re ru a’in li kinq’axtesi aawe.

8 Aay, li tasal tenamit a’in li amaak’a’eb’ xpaab’aal ut bjipeb’ xk’a’uxl—lochlo injosq’il chirixeb’.

9 K’e reetal, chi yaal ninye aawe, laa’in akink’uula li k’a’aq re ru a’an li kink’e sa’ aawuq’, at inmoos Jose, choq’ re jun chaab’il ajom li wan wik’in, ut a’an taak’ehe’q chi nawmank chiruheb’ li tasal tenamit li toj te’chalq;

10 A’b’an li tasal tenamit a’in te’xk’ul li waatin sa’ xtz’uumal aawe;

11 Ut rochb’een li yaal taach’olob’ laa’at, ali yaal te’xch’olob’ oxib’ reheb’ inmoos, li teb’inb’oq ut teb’ink’ojob’, chiruheb’ li tink’ut wi’ li k’a’aq re ru a’in, ut eb’ a’an toxe’elq rik’in li waatin li k’eeb’il rik’in xtz’uumal aawe.

12 Relik chi yaal, te’xnaw chi ch’olch’o naq yaal li k’a’aq re ru a’in, xb’aan naq chalen chaq sa’ choxa tinch’olob’ chiruheb’.

13 Tink’e wankilal reheb’ re te’xk’e reetal ut te’ril li k’a’aq re ru a’in jo’ chanru naq wan;

14 Ut amaa’ani chik aj-e tink’e li wankilal a’in, re xk’ulb’al li yaal a’in re xch’olob’ankil sa’ xyanqeb’ li tasal tenamit a’in, sa’ a’in, lix tiklajik lix waklijik ut xk’utunik lin biglees chalen chaq sa’ li yamyookil ch’och’—saqen ru jo’ li cpo, ut chaq’al ru jo’ li saq’e, ut xuwajel jo’ jun teep aj pleet naq taqsinb’il li reetalil.

15 Ut li yaal te’xch’olob’ oxib’ chi aj ayehol nawom, tintaqla laa’in chirix li waatin.

16 Ut k’e reetal, eb’ li ani aneke’paab’ank re li waatin, eb’ a’an bte’wula’ani rik’in lix ck’utb’esihom dinMusiq’; ut ete’yo’laaq wik’in, rik’in ajwi’ li ha’ ut rik’in li Musiq’ej—

17 Ut tento tex’oyb’eninq jun k’amok chik, xb’aan naq toj maji’ anekexk’ojob’aak

18 Ut li yaal te’xch’olob’ a’an taaxik ajwi’ choq’ re axk’utb’al xmaak li tasal tenamit a’in wi te’xkawob’resi li raameb’ chirixeb’;

19 Xb’aan naq taaxik jun arapleb’ aj sachonel sa’ xyanqeb’ li wankeb’ sa’ li ruchich’och’, ut toj yooq chi hoymank chi yalaq jo’q’e wi bink’a’ neke’xjal xk’a’uxl, toj reetal naq cyamyooq li ruchich’och’, ut li ani wankeb’ chi sa’ oso’jenaqaqeb’ ut sachb’ilaqeb’ chi jun waakaj xb’aan xlemtz’unkil ru dink’ulunik.

20 K’ehomaq reetal, ninye aawe li k’a’aq re ru a’in, jo’ chanru naq akinye ajwi’ re li tenamit chirix lix sachlijik Jerusalen; ut taak’utmanq xyaalal li bwaatin sa’ li kutan a’in jo’ chanru xk’utman chaq xyaalal toj anajwan.

21 Ut anajwan nakatintaqla, at inmoos Jose, chixjalb’al aak’a’uxl ut chi b’eek chi tiik wi’chik chiwu, ut naq ink’a’ chik taaq’axtesi aawib’ chiru lix q’unb’esinkil aach’ool xb’aaneb’ li winq;

22 Ut naq kawaqat sa’ axpaab’ankil li taqlahom li katintaqla wi’; ut wi nakab’aanu a’in, k’e reetal, nink’e aawe li yu’am chi junelik, us ta bnakatkamsiik.

23 Ut anajwan, jun sut chik nakatwaatina, at inmoos Jose, chirix li awinq li taa’ajoq re naq taawanq xk’utb’al li yaal chiru—

24 K’e reetal, ninye re a’an, a’an naxterq’usi rib’ ut moko tz’aqal ta naq naxtuulanob’resi rib’ chiwu; a’b’anan wi tixkub’si rib’ chiwu, ut tixtuulanob’resi rib’ rik’in xnimal li tijok ut paab’aal, sa’ x’anchalil lix ch’ool, rik’in a’in tink’e re a’an jun arilom li k’a’aq re ru naraj rilb’al.

25 Toja’ ut naq tixye reheb’ li wankeb’ sa’ li tasal tenamit a’in: K’ehomaq reetal, wilom li k’a’aq re ru kixk’ut li Qaawa’ re laj Jose Smith, alalb’ej, ut aninnaw chi ch’olch’o naq yaaleb’, xb’aan naq wilomeb’, xb’aan naq k’utb’ileb’ chaq chiwu rik’in lix wankil li Dios ut moko xwankil ta li winq.

26 Ut laa’in li Qaawa’ nintaqla a’an, lin moos aj Martin Harris, naq maak’a’ chik tixye reheb’ chirix li k’a’aq re ru a’in, ka’ajwi’ wi tixye: Wilomeb’, ut k’utb’ileb’ chiwu rik’in lix wankil li Dios; ut a’in li aatin li tixye.

27 A’b’anan wi tixsach xyaalal a’in tixq’et li sumwank li ki’ok wi’ sa’ sumwank wik’in, ut k’ehomaq reetal, k’eeb’il sa’ tojb’a-maak.

28 Ut anajwan, wi ink’a’ tixtuulanob’resi rib’ ut tixch’olob’ chiwu li k’a’aq re ru ink’a’ us li xb’aanu, ut taa’ok sa’ sumwank wik’in naq tixpaab’ lin taqlahom, ut tixk’anjela li paab’aal chiwix, k’e reetal, ninye re, maajun rilomaq xkomon a’an tixk’ul, xb’aan naq ink’a’ tink’e chiril li k’a’aq re ru li xin’aatinak wi’.

29 Ut wi jo’kan na’uxman, nakatintaqla, at inmoos Jose, naq taaye re, naq maak’a’ chik tixb’aanu, chi moko chik tinixch’i’ch’i’i chirix li na’leb’ a’in.

30 Ut wi jo’ka’in na’uxman, k’e reetal, ninye aawe laa’at, at Jose, chirix naq xajaltesi ru junjunq perel chik, taaxaqab’ aawib’ chiru jarub’aq kutan, toj reetal ajwi’ naq tatintaqla wi’chik; toja’ ut naq tatruuq wi’chik chixjaltesinkil ru li aatin.

31 Ut wi ink’a’ nakab’aanu a’in, k’e reetal, maak’a’aq chik aamaatan, ut tinwisi chaq li k’a’aq re ru xink’e sa’ aawuq’.

32 Anajwan ut, rik’in naq nawil chi rub’elaj li oyb’enink wan re aasachb’al; relik chi yaal, nawil chi rub’elaj naq wi lin moos aj Martin Harris ink’a’ naxtuulanob’resi rib’ ut naxk’ul jun xk’utb’al xyaalal sa’ wuq’, naq a’an taat’ane’q sa’ li q’etok aatin.

33 Ut wankeb’ naab’al li neke’wan chi oyb’enink re aaasachb’al chaq chiru lix b’een li ruchich’och’; ut xb’aan li ajom a’in, re naq taanajto’q ru laa kutan, kink’e aawe eb’ li taqlahom a’in.

34 Relik chi yaal, xb’aan li ajom a’in xinye: Xaqab’ wan aawib’, ut mat-eek’an toj reetal naq nakatintaqla, ut atink’uub’ chan ru naq tatruuq chixb’aanunkil li k’a’ru katintaqla wi’.

35 Ut wi atiikat chixpaab’ankil lin taqlahom, btatwaklesiiq sa’ roso’jik li kutan. Amen.