Tasal 52
K’utb’esinb’il na’leb’ k’eeb’il rik’in xtz’uumal re laj Jose Smith li Profeet reheb’ li xb’eenil re li Iglees, sa’ Kirtland, Ohio, 6 Junio 1831. Ki’uxman chaq jun ch’utub’aj-ib’ aran Kirtland, li kitikla sa’ li oxib’ ut kiraqe’ sa’ li waqib’ xb’e li po Junio. Sa’ li ch’utub’aj-ib’ a’an, ki’uxman li xb’een tz’aqal k’ojob’ank sa’ ropiis li taqenaqil aj tij, ut kitz’ile’ rix ut kiq’use’ junjunq xk’utb’esihom li musiq’ej aj b’alaq’ ut aj tik’ti’.
1–2, Li ch’utub’aj-ib’ jun chik naxaqab’aman chi uxmank sa’ Missouri; 3–8, Nak’eeman xxaqab’ankil junjunq li xb’eenil re te’b’eeq sa’ komonil; 9–11, Eb’ li xb’eenil tento te’xk’ut li k’a’ru tz’iib’anb’il xb’aaneb’ li apostol ut li profeet; 12–21, Eb’ li kutanob’resinb’ileb’ xb’aan li Musiq’ej neke’uuchin rik’in li nimank loq’al ut li chaab’il na’leb’; 22–44, Junjunq reheb’ li xb’eenil neke’xaqab’aman re te’xik chixjultikankil li evangelio naq yookeb’ chi b’eek Missouri choq’ re li ch’utub’aj-ib’.
1 K’ehomaq reetal, jo’ka’in naxye li Qaawa’ reheb’ li xb’eenil li akixb’oq ut kixsik’ ru sa’eb’ li roso’jik kutan a’in, rik’in lix yaab’ xkux lix Musiq’—
2 Li naxye: Laa’in, li Qaawa’, tink’e chi nawmank cheru k’a’ru nawaj naq teeb’aanu chalen sa’ li kutan a’in toj sa’ li ch’utub’aj-ib’ jun chik, li taa’uxmanq Missouri, sa’ xb’een li ach’och’ li btinwosob’tesi choq’ re lin tenamit, a’aneb’ jun crela’ laj Jakob, ut eb’ li ani aj eechanineleb’ jo’ chanru li dsumwank.
3 Jo’kan ut, chi yaal ninye eere, eb’ lin moos aj Jose Smith, alalb’ej, ut aj Sidney Rigdon che’xchapaq lix b’e a’ yaal sa’ junpaat jo’ naru chi kawresimank re xkanab’ankil li rochocheb’, ut che’b’eeq sa’ li ch’och’ Missouri.
4 Ut a’ yaal jo’ tiikeb’ chinpaab’ankil, taak’eemanq che’xnaw k’a’ru te’xb’aanu;
5 Ut jo’kan ajwi’, a’ yaal jo’ tiikeb’ chi paab’ank, taak’eemanq chixnaweb’ lix ach’och’il eereechanihom.
6 Ut a’ yaal jo’ moko tiikeb’ ta chi paab’ank, te’isiiq chaq, jo’ chanru ajwi’ nawaj, jo’ nink’oxla naq us.
7 Ut jo’kan wi’chik, chi yaal ninye eere, lin moos aj Lyman Wight ut lin moos aj John Corrill che’xchapaq xb’e chi seeb’,
8 Ut jo’kan ajwi’ lin moos aj John Murdock ut lin moos aj Hyrum Smith che’xchapaq xb’e sa’ li na’ajej ajwi’ a’an chiru li b’e naxik Detroit.
9 Ut che’elq chaq aran rik’in xjultikankil li aatin chire li b’e, ut amaajun chik k’a’aq re ru che’xye, ka’ajwi’ li ke’xtz’iib’a li bprofeet ut eb’ li apostol, ut li k’a’ru k’utb’il chiruheb’ xb’aan laj cK’ojob’anel Ch’oolej rik’in li tijok chi wank li paab’aal.
10 Che’xik asa’ ka’kab’il, ut chi jo’kan che’jultikanq aatin chire li b’e sa’ li junjunq ch’utam, ut che’kub’sinq ha’ rik’in bha’, ut rik’in xk’eeb’al li cuq’ej chire li ha’.
11 Xb’aan naq jo’ka’in naxye li Qaawa’, laa’in tink’os ru lin k’anjel sa’ atiikilal, xb’aan naq chalel xkutankil naq tintaqla li raqb’a-aatin toj reetal li q’axok-u.
12 Ut lin moos aj Lyman Wight chiril rib’, xb’aan naq laj Satanas taaraj axtz’ilb’al jo’ xmulel q’olom.
13 Ut k’ehomaq reetal, li ani atiik chi paab’ank taak’ehe’q choq’ aj taqlanel sa’ xb’een k’iila k’a’aq re ru.
14 Ut jo’kan wi’chik, tink’e eere jun k’utb’il eetalil sa’ chixjunil li k’a’aq re ru, re naq ink’a’ texwanq chi b’alaq’inb’il; xb’aan naq laj Satanas xikenaq sa’ li ch’och’, ut naxik chixb’alaq’inkileb’ li tenamit—
15 Jo’kan ut, ani natijok, li atuulan xmusiq’, a’an ajwi’ bk’ulub’anb’il inb’aan wi na’ab’in chiruheb’ lin ck’ojob’anb’il k’anjel.
16 Ani na’aatinak, li tuulan xmusiq’, ut li raatin tuulan ut nawaklesin aamej, a’an ajwi’ re li Dios wi na’ab’in chiruheb’ lin k’ojob’anb’il k’anjel.
17 Ut jo’kan wi’chik, ani nasiksot rub’el inwankil taak’ehe’q axnimal xmetz’ew, ut taa’uuchinq rik’in ruuchinihom li nimank loq’al ut li bchaab’il na’leb’, jo’ chanru li k’utb’esinb’il na’leb’ ut li yaal li xink’e eere.
18 Ut jo’kan wi’chik, ani naq’axe’ ru ut amoko na’uuchin ta, jo’ chanru ajwi’ li k’utb’il eetalil a’in, moko we ta.
19 Jo’kan ut, rik’in li k’utb’il eetalil a’in ateenaweb’ li musiq’ej sa’ chixjunil li taa’uxmanq jun sut rub’el choxa.
20 Ut ak chalenaq xkutankil; jo’ chanru lix paab’aaleb’ li winq, ataab’aanumanq reheb’.
21 K’ehomaq reetal, li taqlahom a’in k’eeb’il reheb’ chixjunil li xb’eenil li keb’insik’ ru.
22 Ut jo’kan wi’chik, chi yaal ninye eere, lin moos aj aThomas B. Marsh ut lin moos aj Ezra Thayre che’xchapaq ajwi’ xb’e, ut che’xjultika li aatin chire li b’e, toj sa’ li ch’och’ ajwi’ a’in.
23 Ut jo’kan wi’chik, lin moos aj Isaac Morley ut lin moos aj Ezra Booth che’xchapaq xb’e, ut che’xjultika ajwi’ li aatin chire li b’e toj sa’ li ch’och’ ajwi’ a’in.
24 Ut jo’kan wi’chik, lin moos aj aEdward Partridge ut laj Martin Harris che’xchapaq xb’e rochb’eeneb’ inmoos aj Sidney Rigdon ut aj Jose Smith, alalb’ej.
25 Eb’ lin moos aj David Whitmer ut aj Harvey Whitlock che’xchapaq ajwi’ xb’e, ut che’jultikanq aatin chire li b’e toj sa’ li ch’och’ ajwi’ a’in.
26 Ut eb’ lin moos aj aParley P. Pratt ut aj bOrson Pratt che’xchapaq xb’e, ut che’jultikanq aatin chire li b’e, toj sa’ li ch’och’ ajwi’ a’in.
27 Ut eb’ lin moos aj Solomon Hancock ut aj Simeon Carter che’xchapaq ajwi’ xb’e toj sa’ li ch’och’ ajwi’ a’in, ut che’jultikanq aatin chire li b’e.
28 Eb’ lin moos aj Edson Fuller ut aj Jacob Scott che’xchapaq ajwi’ xb’e.
29 Eb’ lin moos aj Levi W. Hancock ut aj Zebedee Coltrin che’xchapaq ajwi’ xb’e.
30 Eb’ lin moos aj Reynolds Cahoon ut aj Samuel H. Smith che’xchapaq ajwi’ xb’e.
31 Eb’ lin moos aj Wheeler Baldwin ut aj William Carter che’xchapaq ajwi’ xb’e.
32 Ut eb’ lin moos aj aNewel Knight ut aj Selah J. Griffin che’k’ojob’amanq xkab’ichaleb’, ut che’xchapaq ajwi’ xb’e.
33 Relik chi yaal, ninye chi yaal, chixjunileb’ a’in che’xchapaqeb’ xb’e toj sa’ jun chi na’ajej, chiruhaq xb’e xb’e li junjunq, ut jun winq ink’a’ taakab’lanq sa’ xb’een li ak’ojob’anb’il xb’aan jalan chik, chi moko taab’eeq chirix lix b’eenihom jalan chik.
34 Li ani tiik chi paab’ank, a’an ajwi’ taak’uulamanq ut taa’osob’tesiiq rik’in naab’al li auuchinihom.
35 Ut jo’kan wi’chik, ninye eere, eb’ lin moos aj Joseph Wakefield ut aj Solomon Humphrey che’xchapaq xb’e sa’eb’ li ch’och’ sa’ releb’aal saq’e;
36 Che’k’anjelaq rochb’eeneb’ lix junkab’aleb’, ut chi amaak’a’ chik k’a’ru te’xch’olob’, ka’ajeb’ wi’ li profeet ut eb’ li apostol, li k’a’ru brilomeb’ ut rab’ihomeb’ ut cneke’xpaab’ chi ch’olch’o, re naq te’tz’aqloq ru li profeetil aatin.
37 Xb’aan li q’etok aatin, li k’a’ru k’eeb’il chaq sa’ xb’een laj Heman Basset achi’isiiq chaq chiru, ut chik’eemanq sa’ xb’een xjolom laj Simonds Ryder.
38 Ut jo’kan wi’chik, chi yaal ninye eere, achik’ojob’amanq laj Jared Carter choq’ aj tij, ut jo’kan ajwi’ laj George James chik’ojob’amanq choq’ baj tij.
39 Li rela’eb’ li xb’eenil ache’xk’aak’aleheb’ li iglees, ut che’xch’olob’ li aatin sa’eb’ li na’ajej sa’ xsutameb’, ut che’k’anjelaq rik’in tz’aqal li ruq’eb’, re naq maajun bloq’onink pak’b’il dios chi moko maa’usilal taab’aanumanq.
40 Ut che’jultiko’q eere sa’ chixjunil li k’a’aq re ru, eb’ li aneb’a’ ut li bmaak’a’eb’ wan re, li yaj ut li tawasinb’il, xb’aan naq li ani moko nab’aanunk ta re li k’a’aq re ru a’in, a’an ajwi’ maawa’ intzolom.
41 Ut jo’kan wi’chik, eb’ lin moos aj Jose Smith, alalb’ej, ut aj Sidney Rigdon ut aj Edward Partridge che’xk’amaq rik’ineb’ jun axhuhil li k’ulub’aak k’eeb’il xb’aan li iglees. Ut chitawmanq jun choq’ re ajwi’ lin moos aj Oliver Cowdery.
42 Ut chi jo’kan, jo’ chanru ajwi’ kinye, wi tiikex chi paab’ank teech’utub’ eerib’ re saho’k sa’ eech’ool sa’ xb’een li ch’och’ aMissouri, a’an xch’och’il beereechanihom, li anajwan xch’och’ileb’ li xik’ neke’ilok eere.
43 A’b’anan k’ehomaq reetal, laa’in, li Qaawa’, tinseeb’a xyiib’ankil li tenamit sa’ xq’ehil, ut li tiikeb’ chi paab’ank tink’e choq’ xkorooneb’ li asahil ch’oolejil ut li saho’k ch’oolej.
44 K’ehomaq reetal, laa’in li Jesukristo, li Ralal li Dios, ut laa’in ateb’inwaklesi sa’ roso’jik li kutan. Chi jo’kan. Amen.