Ebʼ li loqʼlaj hu
Tzol’leb’ ut Sumwank 65
Eb’ li raqalil
Tema

Tasal 65

K’utb’esinb’il na’leb’ chirix li tijok, k’eeb’il rik’in xtz’uumal re laj Jose Smith li Profeet, sa’ Hiram, Ohio, 30 Octubre 1831.

1–2, Eb’ lix laawil li rawa’b’ejihom li Dios q’axtesinb’ileb’ re li winq sa’ ruchich’och’, ut li na’leb’ re li evangelio taaq’axoq-u; 3–6, Taachalq li awa’b’ejihom re choxa sa’ li jun mil chihab’, ut tixjunaji rib’ rik’in li rawa’b’ejihom li Dios sa’ ruchich’och’.

1 Chex’ab’inq, ut ilomaq, jun xyaab’ kuxej jo’ re jun taqlanb’il chalen chaq taqe’q, li kaw xmetz’ew ut nim xwankil, ut toj sa’ xmaril li ruchich’och’ wan xxikik, relik chi yaal, li wan xyaab’ xkux chiruheb’ li winq—aKawresihomaq lix b’e li Qaawa’, tiikob’resihomaq ru li ruq’ xb’e.

2 Eb’ lix alaawil li brawa’b’ejihom li Dios q’axtesinb’ileb’ re li winq sa’ li ruchich’och’, ut chalen chaq a’an taatololnaq li evangelio chi uub’ej toj sa’ xmaril li ruchich’och’, chanchan naq li cpek li k’okb’il chaq sa’ li tzuul moko xb’aan ta uq’ej taatololnaq chi uub’ej, toj reetal naq dxnujob’resi chixjunil li ruchich’och’.

3 Relik chi yaal, jun xyaab’ kuxej li naxjap re chixyeeb’al—Kawresihomaq lix b’e li Qaawa’, k’uub’omaq li awa’ak re li Karneer, kawresihomaq eerib’ choq’ re li bB’eelomej.

4 Tijonqex chiru li Qaawa’, patz’omaq lix santil k’ab’a’, k’ehomaq chi nawmank lix sachb’a-ch’oolejil k’anjel sa’ xyanqeb’ li tenamit.

5 Patz’omaq xk’ab’a’ li Qaawa’, re tol-elq li rawa’b’ejihom a’an chiru li ruchich’och’, re naq eb’ li ani wankeb’ chi sa’ te’ruuq chi k’uluk re, ut te’kawresimanq choq’ re li kutan chalel, sa’ li ataakub’eeq wi’ sa’ choxa li Ralal li Winq, btiqto rik’in xlemtz’unkil ru lix cloq’al, re xk’ulb’al li drawa’b’ejihom li Dios li waklesinb’il sa’ li ruchich’och’.

6 Jo’kan ut, chol’elq li arawa’b’ejihom li Dios, re naq taachalq li bawa’b’ejihom re choxa, re naq laa’at, at Dios, taanimaaq aaloq’al sa’ choxa jo’ sa’ ruchich’och’, re te’kub’simanq xwankil li xik’ neke’ilok aawe; xb’aan naq caawe laa’at, lix nimankil aawu, li wankilal ut li loq’al chi junelik q’e kutan. Amen.