Ebʼ li loqʼlaj hu
3 Nefi 26


Ch’ol 26

Li Jesus naxch’olob’ chixjunil li k’a’aq re ru chalen chaq xtiklajik toj sa’ roso’jik—Eb’ li k’uula’al ut li kok’al neke’xye li sachb’a-ch’oolejil aatin li ink’a’ naru natz’iib’aman—Eb’ li wankeb’ sa’ lix Iglees li Kristo wan chixjunil li k’a’aq re ru sa’ komonil sa’ xyanqeb’. Wan na 34 chihab’ xyo’lajik li Kristo.

1 Ut anajwan kik’ulman naq chirix naq li Kristo kixye li k’a’aq re ru a’in, kixch’olob’ a’an chiru li ch’utch’uukil tenamit, ut kixch’olob’ chixjunil li k’a’aq re ru chiruheb’, li nim jo’ ajwi’ li ka’ch’in.

2 Ut kixye: aLi loq’laj hu a’in, li moko kiwan ta eerik’in, li Yuwa’b’ej kixtaqla naq tink’e eere, xb’aan naq xchaab’ilal xna’leb’ a’an naq taak’ehe’q reheb’ li tasal tenamit li toj te’wanq.

3 Ut kixch’olob’ chixjunil li k’a’aq re ru, chalen ajwi’ chaq sa’ xtiklajik, toj sa’ li kutan naq taachalq a’an sa’ axloq’al—relik chi yaal, chixjunil li k’a’aq re ru li taachalq chiru lix b’een li ch’och’, toj reetal ajwi’ naq taaha’ob’resiiq li bk’a’ru yiib’anb’il wi’, chi k’a’jo’ xtiqwal, ut li ruchich’och’ ctaab’olob’aaq chanchan jun b’otb’ookil hu, ut li choxa ut li ruchich’och’ te’oso’q;

4 Toj reetal ajwi’ sa’ li axnimal ru ut roso’jikil kutan, naq chixjunileb’ li teepal, ut chixjunileb’ li junkab’al, ut chixjunileb’ li tenamit ut aatinob’aal bte’xaqliiq chiru li Dios, re taaraqmanq aatin chirixeb’ xb’aan lix k’anjeleb’, ma useb’ malaj ink’a’ useb’—

5 Wi useb’, re awakliik chi yo’yo sa’ li yu’am li junelik nakana, ut wi ink’a’ useb’, re wakliik chi yo’yo sa’ li tojb’a-maak, chi ka’pak’al xxikikeb’, li jun chi junpak’al ut li jun chik chi junpak’al chik, jo’ chanru li uxtaan, ut lix btiikal ru na’leb’, ut li santilal li wan rik’in li Kristo, li kiwan naq ctoj maji’ natikla li ruchich’och’.

6 Anajwan ut ink’a’ naru natz’iib’aman sa’ li hu a’in yal ta jun amiin raqal li k’a’aq re ru kixk’ut li Jesus chi yaal chiru li tenamit;

7 A’ut k’ehomaq reetal, sa’eb’ lix aperel ch’iich’ laj Nefi wan xk’ihal li k’a’aq re ru kixk’ut chiruheb’ li tenamit.

8 Ut li k’a’aq re ru a’in kintz’iib’a, a’an xka’ch’inal li k’a’aq re ru kixk’ut chiruheb’ li tenamit; ut kintz’iib’a choq’ re li ajom naq taaruuq chi k’ame’k wi’chik re li tenamit a’in, chi chalenaq chaq arik’ineb’ laj Gentil, jo’ chanru li aatin kixye li Jesus.

9 Ut chirix naq ke’xk’ul a’in, li aajel ru naq te’xk’ul xb’een wa, re xyalb’al rix xpaab’aaleb’, ut wi taa’uxq naq te’xpaab’ li k’a’aq re ru a’in, rik’in a’an li ak’a’aq re ru q’axal nim wi’chik ru taak’utb’esimanq chiruheb’.

10 Ut wi taa’uxq naq ink’a’ te’xpaab’ li k’a’aq re ru a’in, rik’in a’an li k’a’aq re ru xnimal ru ataarame’q chiruheb’, choq’ xjitb’aleb’.

11 K’ehomaq reetal, ok raj we chixtz’iib’ankil, chixjunil li b’arwan tz’iib’anb’il chiruheb’ lix perel ch’iich’ laj Nefi, a’b’an li Qaawa’ kixye naq ink’a’, ut kixye: aTinyal rix xpaab’aaleb’ intenamit.

12 Jo’kan naq laa’in, aj Mormon, nintz’iib’a li k’a’aq re ru taqlanb’ilin wi’ xb’aan li Qaawa’. Anajwan ut laa’in, aj Mormon, nink’e xraqik inyehom, ut nin’ok wi’chik chixtz’iib’ankil li k’a’aq re ru taqlanb’ilin wi’.

13 Jo’kan ut, nawaj raj naq teek’e reetal naq li Qaawa’ chi yaal kixtzoleb’ li tenamit, chiru xnumik oxib’ kutan; ut chirix a’an akixk’ut rib’ chiruheb’ chi kok’ aj xsa’, ut kixjachi li bkaxlan wa chi kok’ aj xsa’, ut kirosob’tesi, ut kixk’e reheb’.

14 Ut kik’ulman naq a’an kixtzoleb’ ut kik’anjelak chiruheb’ lix akok’aleb’ li ch’utch’uukil tenamit li yeeb’il wi’ resil, ut bkirach’ab’ ru’ujeb’ li raq’, ut eb’ a’an ke’xye reheb’ lix yuwa’eb’ xnimal ru ut sachb’a-ch’oolejil na’leb’, li naxq’ax ajwi’ xnimal ru li kixk’utb’esi chaq a’an chiru li tenamit; ut kirach’ab’ ru’uj raq’eb’ re te’ruuq chi aatinak.

15 Ut kik’ulman naq chirix naq ak kitaqe’ sa’ choxa—li xkab’ sut naq kixk’ut rib’ chiruheb’, ut ak xko’o chaq rik’in lix Yuwa’, chirix axk’irtesinkil chixjunileb’ lix yaj, ut lix yeeq roq, ut xteeb’al rilob’aaleb’ lix mutz’ ut risinkil xtz’apb’al xxikeb’ lix tz’ap xikeb’, ut chirix ajwi’ xb’aanunkil li k’iila paay chi k’irtesink sa’ xyanqeb’, ut xwaklesinkil jun winq sa’ xyanqeb’ chaq li kamenaq, ut chirix xk’utb’al chaq lix wankil chiruheb’, ut chirix naq kitaqe’ rik’in li Yuwa’b’ej—

16 K’ehomaq reetal, kik’ulman wulajaq chik naq li k’iila tenamit ke’xch’utub’ rib’, ut ke’ril ut ke’rab’i ajwi’ li kok’al a’in; relik chi yaal, eb’ li ak’uula’al ke’xte ajwi’ xtz’uumaleb’ re ut ke’xye sachb’a-ch’oolejil aatin; ut kitaqlaman naq moko taatz’iib’amanq ta li k’a’aq re ru ke’xye, re naq maajun winq taatz’iib’anq re.

17 Ut kik’ulman naq eb’ li atzolom li kixsik’eb’ chaq ru li Jesus, chirix li hoonal a’an ke’ok chi bkub’sink ha’ ut chixtzolb’al jo’ k’ihal li ke’chal rik’ineb’; ut jo’ k’ihaleb’ li ke’kub’e xha’ sa’ lix k’ab’a’ li Jesus ke’nujak rik’in li Santil Musiq’ej.

18 Ut naab’al reheb’ ke’ril ut ke’rab’i k’a’aq re ru ink’a’ naru xyeeb’al, li amoko naru ta xtz’iib’ankil xb’aan li chaq’rab’.

19 Ut ke’xk’ut li na’leb’, ut ke’k’anjelak chiruheb’ lix komon chirib’ileb’ rib’; ut kiwan achixjunil li k’a’aq re ru reheb’ bsa’ komonil sa’ xyanqeb’, ut li junjunq chi winq naxb’aanu li k’a’ru tiik, li jun re li jun chik.

20 Ut kik’ulman naq ke’xb’aanu chixjunil li k’a’aq re ru jo’ chanru ajwi’ naq kixtaqlaheb’ li Jesus.

21 Ut eb’ li ke’kub’e xha’ sa’ lix k’ab’a’ li Jesus, lix aiglees li Kristo ke’yehe’ re.