Ch’ol 25
Sa’ li xkab’ xk’ulunik, eb’ laj q’etq’et ut laj maak te’k’ate’q chanchan roq waj—Laj Elias taasutq’ii’q rub’elaj li xnimal ru ut xuwajel kutan a’an—Chi’ilmanq sa’ Malakias 4. Wan na 34 chihab’ xyo’lajik li Kristo.
1 Xb’aan naq k’ehomaq reetal, chalk re li kutan li ataak’atoq jo’ k’atleb’aal; ut chixjunileb’ laj bq’etq’et, relik chi yaal, ut chixjunileb’ li neke’b’aanunk re li maa’usilal, te’wanq choq’ roq waj; ut li kutan li taachalq tixk’ateb’, chan li Qaawa’ reheb’ li Teepal, jo’kan naq moko tixkanab’ ta choq’ reheb’ xxe’il chi moko ruq’il.
2 A’b’an choq’ eere li nekexxuwank re lin k’ab’a’, taawakliiq li aK’ajolb’ej re Tiikilal chi wank li k’irtesink sa’ xxik’; ut laa’ex texxik ut btexnimanq jo’ ckok’ wakax sa’ xhilob’aaleb’.
3 Ut laa’ex ateeyeq’iheb’ laj maak; xb’aan naq a’anaqeb’ cha rub’el eeroq sa’ li kutan naq tinb’aanu a’in, chan li Qaawa’ reheb’ li Teepal.
4 Chijultiko’q eere lix chaq’rab’ laj Moises, inmoos, li kintaqla wi’ aran aHoreb choq’ reheb’ chixjunil laj Israel, rochb’eeneb’ li k’uub’anb’il aatin ut li raqb’a-aatin.
5 K’ehomaq reetal, tintaqla eere laj aElias li profeet rub’elaj xchalik li xnimal ru ut xuwajel bxkutan li Qaawa’;
6 Ut a’an atixsutq’isi lix ch’ooleb’ li yuwa’b’ej rik’ineb’ li alal k’ajolb’ej, ut lix ch’ooleb’ li alal k’ajolb’ej rik’ineb’ lix yuwa’eb’, maare anchal tink’ulunq ut tinsak’ li ruchich’och’ rik’in jun li majewank.