Eter

Ebʼ li loqʼlaj hu

Lix Hu laj Mormon

Li wan chi saʼ
Xtikib’ankil ut Eb’ laj Yehol Nawom
1 Nefi
2 Nefi
Jakob
Enos
Jarom
Omni
Raatin laj Mormon
Mosiah
Alma
Helaman
3 Nefi
4 Nefi
Mormon
Eter
Moroni
Li ajlank sa’ lix Hu laj Mormon

Eter

Ch’ol 1
Laj Moroni naxk’os ru lix tz’iib’ahom laj Eter—Nach’olob’aman resilal lix xe’toonil laj Eter—Ink’a’ nasache’ raatinob’aaleb’ laj Jaredita sa’ li najt xteramil kab’l re Babel—Li Qaawa’ naxyeechi’i xk’amb’aleb’ xb’e toj sa’ jun li sik’b’il ru ch’och’, ut xyiib’ankileb’ choq’ nimla tenamit.
Ch’ol 2
Eb’ laj Jaredita neke’xkawresi rib’ choq’ re lix b’eenikeb’ sa’ jun li ch’och’ yeechi’inb’il—A’an jun li sik’b’il ru ch’och’ b’ar wi’ eb’ li winq tento te’k’anjelaq chiru li Kristo, malaj ut te’mesuuq chaq aran—Li Qaawa’ naraatina li ras laj Jared chiru oxib’ hoonal—Eb’ laj Jaredita neke’xyiib’eb’ li k’amonel jukub’—Li Qaawa’ naxpatz’ re li ras laj Jared chanru naxk’oxla a’an naq taak’ehe’q li saqen sa’eb’ li k’amonel jukub’.
Ch’ol 3
Li ras laj Jared naril li ru’uj ruq’ li Qaawa’ naq naxch’e’ waqlaju chi pek—Li Kristo naxk’ut xxaqalil lix musiq’ chiru li ras laj Jared—Eb’ li tz’aqal re ru xnawomeb’ moko naru ta neke’tz’ape’ ru xb’aan li tz’apleb’ t’ikr—K’eeb’il li k’utleb’aal aatin re xk’amb’al chi saqenkil li tz’iib’anb’il esil reheb’ laj Jaredita.
Ch’ol 4
Laj Moroni nataqlaak chixk’eeb’al xtz’apb’al lix tz’iib’ahom li ras laj Jared—Ink’a’ taak’utb’esimanq toj reetal naq eb’ li winq te’wanq xpaab’aal chanchan ajwi’ li ras laj Jared—Li Kristo naxtaqlaheb’ li winq chixpaab’ankil li raatin ut raatineb’ lix tzolom—Taqlanb’ileb’ li winq naq te’xjal xk’a’uxl, te’xpaab’ li evangelio, ut te’kole’q.
Ch’ol 5
Oxib’ chi aj yehol nawom, jo’ ajwi’ li k’anjel a’in, taawanq chixch’olob’ankil li yaal chirix lix Hu laj Mormon.
Ch’ol 6
Eb’ li k’amonel jukub’ aj Jaredita neke’tiikisiik xb’aan li iq’ toj sa’ li yeechi’inb’il ch’och’—Eb’ li tenamit neke’xnima li Qaawa’ xb’aan xchaab’ilal—Laj Orihah naxaqab’aak choq’ rey sa’ xb’eeneb’—Neke’kam laj Jared ut li ras.
Ch’ol 7
Na’awa’b’ejin laj Orihah sa’ tiikilal—Sa’ xyi li chapok wankilal ut li wech’ij-ib’, neke’xaqab’aman chi ka’pak’al lix awa’b’ejihom laj Xuul ut laj Kohor—Eb’ li profeet neke’jitok chirix li maa’usilal ut li loq’onink pak’b’il dios sa’ xyanq li tenamit, ut eb’ a’an neke’xjal xk’a’uxl.
Ch’ol 8
Wan li pleetink-ib’ ut li wech’ok-ib’ chirix li awa’b’ejihom—Laj Akix naxk’uub’ jun li muqmuukil molam li teneb’anb’il xb’aan xaqab’anb’il aatin, re xkamsinkil li rey—Eb’ li muqmuukil molam a’aneb’ re laj tza ut neke’xk’am chaq xsachlijikeb’ li tenamit—Neke’tije’ laj Gentil li te’wanq sa’ roso’jik li kutan, naq eb’ li muqmuukil molam te’xsik’ xsachb’al li ach’ab’aak sa’ chixjunil li ch’och’, li tenamit, ut li na’ajej.
Ch’ol 9
Li junjunq tasal chi rey naxk’ul li reyil chi eechaninb’il, malaj rik’in b’alaq’ ut kamsink—Laj Emer kiril li K’ajolb’ej re Tiikilal—K’iila profeet neke’xyaab’asi li jalb’a-k’a’uxlej—Li we’ej ut li k’anti’ wankeb’ xmay neke’xrahob’tesi li tenamit.
Ch’ol 10
Li jun chi rey naxk’ul xna’aj li jun chik—Wankeb’ li rey tiikeb’ xch’ool; wankeb’ chik li aj maakeb’—Naq nanumta li tiikilal, eb’ li tenamit neke’osob’tesiik ut neke’k’ehe’ chi usaak xb’aan li Qaawa’.
Ch’ol 11
Li pleet, jachok-ib’, ut maa’usilal neke’numta sa’ xyu’ameb’ laj Jaredita—Eb’ li profeet neke’xye naq taachalq xsachlijikeb’ laj Jaredita chi junajwa wi ink’a’ neke’xjal xk’a’uxl—Eb’ li tenamit neke’xtz’eqtaana li raatineb’ li profeet.
Ch’ol 12
Li profeet aj Eter na’elajin chiruheb’ li tenamit naq te’xpaab’ li Dios—Laj Moroni naxye resil li sachb’a-ch’oolej ut li chaq’al ru k’anjel neke’b’aanuman rik’in paab’aal—A’an li paab’aal li kikanab’ank re li ras laj Jared chirilb’al li Kristo—Li Qaawa’ naxk’e reheb’ li winq xq’unaleb’ xmetz’ew re taaruuq te’wanq chi tuulaneb’ xch’ool—Li ras laj Jared kixjal xna’aj li tzuul Tzerin rik’in paab’aal—Li paab’aal, li yo’onink, ut li rahok neke’ajman ru re taa’uxq li kolb’a-ib’—Laj Moroni kiril li Jesus chi k’utk’u chiru rilob’aal.
Ch’ol 13
Laj Eter na’aatinak chirix jun Ak’ Jerusalen li waklesinb’ilaq America xb’aan li riyajil laj Jose—Na’aatinak jo’ profeet, na’isiik chaq, naxtz’iib’a li esilal chirixeb’ laj Jaredita, ut naxye naq te’sachmanq laj Jaredita—Nanumta li pleet chiru chixjunil li ch’och’.
Ch’ol 14
Lix maa’usilaleb’ li tenamit naxk’am chaq li majewank sa’ xb’een li ch’och’—Laj Koriantumr naxpleeti laj Gilead, ut chirix a’an laj Lib, ut chirix a’an laj Xiz—Li kik’ ut li kamsink-ib’ naxnujob’resi li ch’och’.
Ch’ol 15
Ke’kamsiik mil chi mil reheb’ laj Jaredita—Laj Xiz ut laj Koriantumr neke’xch’utub’ chixjunileb’ li tenamit chi pleetik toj sa’ li kamk—Lix Musiq’ li Qaawa’ naxkanab’ xyalb’al xq’e rik’ineb’—Li tenamit Jaredita nasachman chi junajwa—Ka’ajwi’ laj Koriantumr nakana.