1 Anajwan ut k’ehomaq reetal, tinwaj raj aatinak ka’ch’inaq reheb’ li ^arela’ li tenamit a’in li kolb’ileb’ xyu’am, wi taa’uxq naq li Dios tixk’e reheb’ li waatin, re te’xnaw chirix li k’a’aq re ru reheb’ lix yuwa’eb’; relik chi yaal, nekexwaatina laa’ex, ex rela’ lix junkab’al laj Israel; ut a’in li aatin ninye:

2 Chenawaq naq laa’ex xkomonex lix ^ajunkab’al laj Israel.

3 Chenawaq naq tento texchalq sa’ li jalb’a-k’a’uxlej, malaj ut moko texruuq ta chi kole’k.

4 Chenawaq naq tento teekanab’ lee k’anjeleb’aal re pleet, ut ink’a’ chik taasaho’q eech’ool rik’in xhoyb’al li kik’, ut ink’a’ chik teechap, ka’ajwi’ naq li Dios texxtaqla.

5 Chenawaq naq tento texk’ame’q ^achixnawb’al chirixeb’ lee yuwa’, ut teejal eek’a’uxl chirix chixjunil lee maak ut maa’usilal, ut ^bteepaab’ li Jesukristo, naq a’an li Ralal li Dios, ut naq kikamsiik xb’aaneb’ laj Judio, ut xb’aan xwankil li Yuwa’b’ej kiwakli wi’chik, ut chi jo’kan kixtaw ^cxq’axb’al ru li muqleb’aal kamenaq; ut jo’kan ajwi’ rik’in a’an sub’b’il rib’ lix may li kamk.

6 Ut a’an naxk’e chi uxmank lix ^awaklijikeb’ li kamenaq chi yo’yo, li xb’aan ajwi’ tento taawaklesiiq li winq chi xaqliik chiru lix ^braqleb’aal aatin.

7 Ut a’an kixk’e chi uxmank lix ^atojb’al rix li ruchich’och’, xb’aan wi’ ani natawman ^bchi maak’a’ xmaak chiru a’an sa’ xkutankil li raqb’a-aatin, k’eeb’il re ^cwank chiru li Dios sa’ li rawa’b’ejihom, re naq tixb’icha li nimank-u chi ink’a’ naxkanab’, rochb’eeneb’ li ^dteep chi aj b’ichanel taqe’q, chiru li Yuwa’b’ej, ut chiru li K’ajolb’ej, ut chiru li Santil Musiq’ej, a’aneb’ ^ejunaj chi Dios, sa’ jun wanjik re ^fsahil ch’oolejil li maak’a’ roso’jik.

8 Jo’kan ut chejal eek’a’uxl, ut chikub’eeq eeha’ sa’ lix k’ab’a’ li Jesus, ut chechap eerib’ chiru lix ^aevangelio li Kristo, li taak’ojob’amanq cheru, moko ka’aj ta wi’ sa’ li ^btz’iib’anb’il esil a’in, jo’kan aj b’an wi’ sa’ li tz’iib’anb’il esil li taawulaq rik’ineb’ laj Gentil chi ^cchalenaq chaq rik’ineb’ laj Judio, ut a’ tz’iib’anb’il esil a’an, taachalq rik’ineb’ chaq laj Gentil ^dchoq’ eere laa’ex.

9 Xb’aan naq k’ehomaq reetal, ^atz’iib’anb’il a’in re naq texruuq ^bchixpaab’ankil a’an; ut wi nekepaab’ a’an, teepaab’ ajwi’ a’in; ut wi nekepaab’ a’in, teenaw chirixeb’ lee yuwa’, ut jo’kan ajwi’ li sachb’a-ch’oolejil k’anjel li kik’anjelaman chaq rik’in lix wankil li Dios sa’ xyanqeb’.

10 Ut teenaw ajwi’ naq laa’ex jun rela’ li riyajil laj Jakob; jo’kan naq k’eeb’ilex sa’ ajl sa’ xyanqeb’ li tenamit re li xb’een sumwank; ut wi taa’uxq naq teepaab’ li Kristo, ut taakub’eeq eeha’, xb’een wa rik’in ha’, ut chirix a’an rik’in xam ut rik’in li Santil Musiq’ej, rik’in xb’aanunkil lix ^ab’aanuhom li qaKolonel, jo’ chanru li k’a’ru kooxtaqla wi’, usaq choq’ eere sa’ xkutankil li raqb’a-aatin. Amen.