1 Ut taatuxmeq jun ^aru’uj sa’ ^bxtoonal laj ^cIsai, ut jun li uq’ej taanimanq chaq sa’ xxe’.

2 Ut lix ^aMusiq’ li Qaawa’ taahilanq sa’ xb’een, li musiq’ej re chaab’il na’leb’ ut chaab’il k’a’uxlej, li musiq’ej re k’ehok na’leb’ ut re kawil metz’ew, li musiq’ej re nawok ut re xxuwankil ru li Qaawa’;

3 Ut tixk’e xseeb’al xk’a’uxl rik’in xxuwankil ru li Qaawa’; ut ink’a’ ^ataaraqoq aatin jo’ chanru na’ilok li ru, chi moko taach’iilanq jo’ chanru na’ab’in lix xik.

4 Rik’in b’aan li ^atiikilal taaraqoq aatin chirixeb’ li neb’a’, ut ^btaach’iilanq rik’in juntaq’eetalil choq’ reheb’ li ^ctuulan re li ruchich’och’; ut tixsak’ li ruchich’och’ rik’in xxuq’ li re, ut rik’in li namusiq’ak wi’ lix tz’uumal re, tixkamsiheb’ laj maak.

5 Ut li tiikilal taawanq choq’ xk’aamal lix yiitoq, ut li tiikilal chi paab’ank choq’ xk’aamal lix ^ajuruch’.

6 Li xojb’ taawanq ajwi’ rochb’een li karneer, ut tayoklaaq li hix rochb’een li saaj yuk, ut sa’ wotzil li ch’ina wakax rochb’een li saaj kaqkojl ut li ketomq nimob’resinb’il xtib’el, ut jun li ch’ina al tixk’ameb’ xb’e.

7 Ut li wakax ut li oso te’tzekanq; eb’ li ral wotz te’yoklaaq; ut li kaqkojl tixk’ux li ichaj chanchan li b’ooyx.

8 Ut li ch’ina al natu’uk taab’atz’unq chire rochoch li ^aik’b’olay, ut li ch’ina al ink’a’ chik natu’uk tixk’e li ruq’ sa’ xsok li ^bk’amb’olay.

9 Ink’a’ ^ate’rahob’tesinq chi moko te’sachoq sa’ chixjunil lin santil tzuul, xb’aan naq taanujaq li ruchich’och’ rik’in ^bxnawb’al chirix li Qaawa’, jo’ chanru naq nujenaq li palaw rik’in ha’.

10 Ut sa’ ^ali kutan a’an taawanq jun xxe’ laj ^bIsai, li taaxaqliiq choq’ eetalil reheb’ li tenamit; a’aq li te’xsik’ laj ^cGentil, ut nimaq xloq’al lix hilob’aal.

11 Ut taak’ulmanq sa’ li kutan a’an naq li Qaawa’ tixk’e li ruq’ ^axkab’ sut re xk’amb’aleb’ chaq wi’chik li rela’ lix tenamit li te’kanaaq, aran Asiria chaq, ut Egipto chaq, ut Patros chaq, ut Kus chaq, ut Elam chaq, ut Senahar chaq, ut Hamat chaq, ut sa’eb’ chaq li ch’och’ sa’ xyi palaw.

12 Ut tixxaqab’ jun li ^aeetalil choq’ reheb’ li tenamit, ut tixch’utub’eb’ li ^bisinb’ileb’ chaq re Israel, ut li jek’inb’ileb’ chaq re Juda ^ctixch’utub’ chaq sa’ xkaaxukuutil li ruchich’och’.

13 Taa’oso’q ajwi’ li ^akaqalink xb’aan laj Efrain, ut te’isiiq chaq li xik’ neke’ilok re laj Juda; laj ^bEfrain ink’a’ chik tixkaqali laj ^cJuda, ut laj Juda ink’a’ chik tixrahob’tesi laj Efrain.

14 ^aTe’xik’anq b’an sa’ xb’eeneb’ xtel laj Filisteo sa’ rokeb’ saq’e; te’xmaq’ sa’ komonil li k’a’ru reheb’ li wankeb’ sa’ releb’ saq’e; te’xk’e li ruq’ sa’ xb’een Edom ut Mohab; ut eb’ li ralal laj Amon te’ab’inq chiruheb’.

15 Ut li Qaawa’ ^atixsach chi junajwa li ru’uj raq’ li palaw re Egipto, ut rik’in lix kawil iq’ tixchiq’ li ruq’ sa’ xb’een li nima’, ut tixsak’ sa’ xwuqichal li roq ha’, ut tixk’eheb’ chi nume’k li winq chi chaqiheb’ li roq.

16 Ut taawanq jun li ^animb’e choq’ re li rela’ lix tenamit li te’kanaaq, li taa’elq chaq Asiria, jo’ chanru kiwan choq’ re Israel sa’ li kutan naq ki’el chaq sa’ li ch’och’ Egipto.