1 Xb’aan naq k’ehomaq reetal, li Qaawa’, li Qaawa’ reheb’ li Teepal, naxmaq’ chiru Jerusalen ut chiru Juda, li oqech ut li xuq’, tz’aqal li xuq’ re wa, ut tz’aqal li oqech re ha’—

2 Li winq kaw xmetz’ew, ut li winq aj pleet, laj raqol aatin, ut li profeet, ut li seeb’ chi na’leb’ank, ut li tiixil winq;

3 Li nataqlan re lajeeb’ roxk’aal, ut li winq nimanb’il ru, ut laj k’ehol na’leb’, ut li wan xseeb’al chi pak’ok, ut li chaab’il chi aatinak.

4 Ut tink’e kok’al reheb’ re te’wanq choq’ awa’b’ej chiruheb’, ut eb’ li k’uula’al te’taqlanq sa’ xb’eeneb’.

5 Ut te’rahob’tesiiq li tenamit, li junjunq xb’aan li jun chik, ut li junjunq xb’aan li rech kab’al; li ch’ina al tixq’etq’eti rib’ chiru li tiixil winq, ut li maak’a’ xwankil chiru li nimanb’il ru.

6 Naq jun li winq tixchap li rech alal sa’ rochoch lix yuwa’, ut tixye: Laa’at wan laa waq’; chatwanq choq’ aj taqlanel chiqu, ut michal li ^asachk a’in rub’el laa wuq’—

7 Sa’ li kutan a’an tixxaqab’ aatin chixyeeb’al: Moko tinwanq ta choq’ aj ^ab’anonel, xb’aan naq sa’ li wochoch maak’a’ li wa chi moko li aq’ej; mineek’e choq’ aj taqlanel chiru li tenamit.

8 Xb’aan naq ^asachenaq Jerusalen, ut ^bt’anenaq Juda, xb’aan naq li ru’ujeb’ li raq’ ut lix b’aanuhomeb’ xe’wan chixpleetinkil li Qaawa’, ut chixb’oqb’al xjosq’il li rilob’aal lix loq’al.

9 Lix k’utb’aleb’ li rilob’aal naxk’ut li yaal chirixeb’, ut naxch’olob’ lix maakeb’, naq chanchan ajwi’ re ^aSodoma, ut ink’a’ neke’ru chixmuqb’al. Rahilal sa’ xb’eeneb’ li raam, xb’aan naq xjuneseb’ rib’ xe’xsik’ li maa’usilal choq’ xq’ajkamunkileb’.

10 Yehomaq reheb’ li tiikeb’ xch’ool naq ^ausaq choq’ reheb’; xb’aan naq eb’ a’an te’xk’ux li taa’uuchinq wi’ lix b’aanuhomeb’.

11 Rahilal sa’ xb’eeneb’ laj maak, xb’aan naq eb’ a’an te’oso’q; xb’aan naq taawanq sa’ xb’eeneb’ li xq’ajkamunkileb’ li ruq’.

12 Ut eb’ lin tenamit, eb’ li kok’al wankeb’ choq’ aj rahob’tesihom reheb’, ut eb’ li ixq neke’taqlan sa’ xb’eeneb’. Ex intenamit, eb’ li ^aneke’b’eresink eere neke’xk’e chesach eena’leb’, ut neke’xsach xtiikal lee b’e.

13 Li Qaawa’ naxaqli chi ^ab’aanunk uuchil, ut naxaqli chi raqok aatin sa’ xb’een li tenamit.

14 Li Qaawa’ taa’ok sa’ raqb’a-aatin rik’ineb’ li tiixil winq re lix tenamit, ut li ^aawa’b’ej reheb’; xb’aan naq laa’ex ^bxesachb’esi li ^cawimq uva, ut ^dli maq’b’il chiruheb’ li ^eneb’a’, sa’eb’ lee rochoch.

15 K’a’ put ru nekeye? Nekejori chi tenb’il lin tenamit, ut nekeke’i li rilob’aaleb’ li neb’a’, chan li Qaawa’ Dios reheb’ li Teepal.

16 Jo’kan ajwi’, li Qaawa’ naxye: Rik’in naq aj q’etq’eteb’ lix rab’in Sion, ut neke’b’eek chi xaqxookeb’ xja’aj ut t’ujinb’il li rilob’aaleb’, ut neke’xb’eeni rib’ ut ^aneke’xxajtesi rib’ chi xik, ut neke’tzintzot li roq—

17 Rik’in a’an li Qaawa’ tixsak’ rik’in xox lix b’een xjolomeb’ lix rab’in Sion, ut li Qaawa’ ^atixte ru lix cha’aleb’ li tz’aptz’o ru.

18 Sa’ li kutan a’an li Qaawa’ taarisi lix chaq’al ru lix q’oleb’ li natzintzot, ut lix ^at’upuy, ut lix ^bsirsookil q’ol chanchan li po;

19 Li kadeen ut li q’ol sa’ xkux li uq’ej, ut li ^aperaaj;

20 Lix punit ixq, ut lix q’ol li oqej, ut lix t’ikrul xjolomeb’, ut li q’ol che’, ut li xka’xik;

21 Li matq’ab’, ut lix q’ol li ru’uj;

22 Li ^ak’iila aq’ej naru xjalb’al, ut li po’ot, ut li tz’apleb’, ut li chapleb’ ismal;

23 Li ^alem, ut li chaab’il q’unal t’ikr, ut li tz’apb’aleb’ xjolom, ut li t’ikr re xtz’apb’aleb’ li ru.

24 Ut taak’ulmanq naq sa’ xna’aj li sunuunk taawanq li chu; ut sa’ xna’aj li k’aamal sa’, li ^apejel; ut sa’ xna’aj li chamal ismalej, li t’uru’il jolomej; ut sa’ xna’aj lix ^btz’apb’aleb’ xch’ool, jun aq’ej re q’es ruhil t’ikr; li ^ck’ate’k sa’ xna’aj li ch’ina-usal.

25 Eb’ laa winq te’t’ane’q xb’aan li yok’leb’ ch’iich’, ut li ani kaweb’ xmetz’ew aawe sa’ li pleet.

26 Ut te’raho’q xch’ool ut te’yaab’aq li rokeb’aal; ut a’an chi sachenaq taakanaaq, ut taachunlaaq chi ch’och’.