Ch’ol 22
Sa’ xkutankil li jun mil chihab’ chixjunileb’ li winq te’xnima ru li Qaawa’—A’an taawanq sa’ xyanqeb’—Chi’ilmanq sa’ Isaias 12. Wan na 559–545 chihab’ ma nayo’la li Kristo.
1 Ut sa’ li kutan a’an taaye: At Qaawa’, tinnima aawu; us ta xatjosq’o’ wik’in, ak numenaq chik laa josq’il, ut nakak’ojob’ inch’ool.
2 K’ehomaq reetal, li Dios a’an lin kolb’al; laa’in atinkanab’ wib’ chiru, ut ink’a’ tinxuwaq; xb’aan naq li Qaawa’ bJehova a’an lin metz’ew ut lin b’ich; ut okenaq ajwi’ choq’ inkolb’al.
3 Jo’kan naq rik’in sahil ch’oolejil teerisi chaq li aha’ sa’eb’ li yo’leb’aal ha’ re li kolb’a-ib’.
4 Ut sa’ li kutan a’an teeye: aChenima ru li Qaawa’, patz’omaq lix k’ab’a’, ch’olob’omaq resil lix b’aanuhom sa’ xyanqeb’ li tenamit, yehomaq resil naq taqsinb’il xloq’al lix k’ab’a’.
5 aB’ichanqex chiru li Qaawa’, xb’aan naq a’an xb’aanu k’a’aq re ru q’axal chaab’il; nawb’il a’in sa’ chixjunil li ruchich’och’.
6 aKawaq xyaab’ aakux ut chajap aawe, laa’at li wankat chaq Sion, xb’aan naq nim lix Santil Dios laj Israel sa’ aayanq.