Ebʼ li loqʼlaj hu
2 Nefi 32


Ch’ol 32

Eb’ li anjel neke’aatinak rik’in lix wankil li Santil Musiq’ej—Eb’ li winq tento te’tijoq ut xjuneseb’ rib’ te’xtaw xna’leb’ rik’in li Santil Musiq’ej. Wan na 559–545 chihab’ ma nayo’la li Kristo.

1 Ut anajwan k’ehomaq reetal, ex was wiitz’in raarookex inb’aan, nink’oxla naq neketz’il b’ayaq rix sa’ lee ch’ool chirix li k’a’ru tento teeb’aanu naq akaq xex’ok chiru li b’e. A’ut k’ehomaq reetal, k’a’ut naq neketz’il rix li k’a’aq re ru a’in sa’ lee ch’ool?

2 Ma ink’a’ jultik eere naq kinye eere naq chirix naq axek’ul li Santil Musiq’ej texruuq chi aatinak rik’in braatinob’aaleb’ li anjel? Anajwan ut, chan put ru texruuq chi aatinak rik’in raatinob’aaleb’ li anjel wi ta maawa’ xb’aan li Santil Musiq’ej?

3 Eb’ li aanjel neke’aatinak rik’in lix wankil li Santil Musiq’ej, jo’kan naq neke’xye li raatin li Kristo. Jo’kan naq kinye eere, bchetzeka xsahil li raatin li Kristo, xb’aan naq k’ehomaq reetal, li raatin li Kristo tixye eere chixjunil li k’a’aq re ru tento teeb’aanu.

4 Jo’kan naq anajwan, chirix naq kinye li aatin a’in, wi ink’a’ neketaw ru, a’anaq sa’ xk’ab’a’ naq aink’a’ nekexpatz’ok, chi moko nekextoch’ok; jo’kan naq moko k’amb’ilex ta sa’ li saqen, tento b’an tex’oso’q sa’ li q’ojyin.

5 Xb’aan naq k’ehomaq reetal, ninye wi’chik eere naq wi tex’ok chiru li b’e, ut teek’ul li Santil Musiq’ej, a’an tixk’ut cheru chixjunil li k’a’aq re ru tento teeb’aanu.

6 K’ehomaq reetal, a’in li tzol’leb’ re li Kristo, ut maajun chik tzol’leb’ taak’ute’q toj chirix naq atixk’utb’esi rib’ cheru sa’ li tz’ejwalej. Ut naq tixk’utb’esi rib’ cheru sa’ li tz’ejwalej, li k’a’aq re ru tixye eere, a’anaq teek’e eech’ool chixb’aanunkil.

7 Ut anajwan laa’in, aj Nefi, maak’a’ chik naru tinye; li Musiq’ej nikinixram chi aatinak, ut ninkana chi ra inch’ool sa’ xk’ab’a’ lix amaak’a’il lix paab’aaleb’, ut lix maa’usilaleb’, ut lix maak’a’il lix nawomeb’, ut lix jipil lix k’a’uxleb’ li winq; xb’aan naq ink’a’ te’raj xsik’b’al li na’leb’, chi moko xtawb’al ru li xninqal ru na’leb’, naq k’eeb’il reheb’ chi bsaqen ru, jo’ chanru li q’axal saqen ruhil aatin.

8 Ut anajwan, ex was wiitz’in raarookex inb’aan, nink’e reetal naq toj nekexk’oxlank sa’ lee ch’ool, ut naraho’ inch’ool naq tento texwaatina chirix li na’leb’ a’in. Xb’aan naq wi ta tex’ab’inq chiru li Musiq’ej li natzolok re jun li winq chi atijok, teenaw raj naq tento textijoq, xb’aan naq li bmaa’us aj musiq’ej ink’a’ naxtzol jun li winq re taatijoq; naxtzol b’an re naq ink’a’ taatijoq.

9 A’b’an k’ehomaq reetal, ninye eere naq ajunelik tento textijoq, ut ink’a’ taach’inanq eech’ool; naq moko teeb’aanu ta k’a’ruhaq choq’ re li Qaawa’, ka’ajwi’ wi xb’een wa textijoq chiru li Yuwa’b’ej sa’ lix bk’ab’a’ li Kristo, re naq a’an taarosob’tesi choq’ aawe li b’aanunb’il aab’aan, re naq li b’aanunb’il aab’aan taaruuq taawanq choq’ re lix cchaab’ilal laa waam.