Ch’ol 7
Laj Jakob toj yoo chixyaab’asinkil li raatin laj Isaias: Na’aatinak laj Isaias chirix li Mesias—Li Mesias tixk’ul ru’uj raq’ li tzolb’il—A’an tixk’e lix yi li rix reheb’ laj sak’onel—Ink’a’ taasache’q xna’leb’—Chi’ilmanq sa’ Isaias 50. Wan na 559–545 chihab’ ma nayo’la li Kristo.
1 Relik chi yaal, jo’ka’in ut naxye li Qaawa’: Ma katinkanab’, malaj ut katintz’eqtaana chi junajwa? Xb’aan naq jo’ka’in naxye li Qaawa’: B’ar wan xhuhil li jachok sumlaak re laa na’? Ani aj-ik’in katinkanab’, malaj b’arwan reheb’ laj to’ we katink’ayi wi’? Relik chi yaal, ani aj-e katink’ayi? K’ehomaq reetal, rik’in lee maa’usilal laa’ex axek’ayi eerib’, ut sa’ xk’ab’a’ li q’etok aatin xeb’aanu, kanab’anb’il lee na’.
2 Jo’kan ut, naq xink’ulun, maajun winq kiwan; ut naq akinb’oqok, maajun kiwan chi chaq’ok. At xjunkab’al laj Israel, ma k’osb’il tab’i’ li wuq’ chi yalaq ta chan ru re ink’a’ taaruuq chi tojok-ix, malaj ma maak’a’ tab’i’ inwankilal chi kolok? K’e reetal, rik’in lin ch’iilahom, ninchaqihob’resi li bpalaw; ninkanab’eb’ choq’ chaqi ch’och’ lix cnima’eb’, ut chi chuho’k lix dkareb’ rik’in naq chaqijenaq li ha’, ut neke’kam xb’aan chaqi-eel.
3 Nintiqib’ li choxa rik’in aq’eq, ut choq’ xtz’apb’al ru nink’e li bq’es ruhil t’ikr.
4 Li Qaawa’ Dios xk’e we aru’uj raq’ li tzolb’il, re tinnaw chanru xyeeb’al jun aatin sa’ tz’aqal xq’ehil aawe, at xjunkab’al laj Israel. Naq lub’luukex, a’an nayo’lek wulaj wulaj. A’an narajsi ru lin xik chi ab’ink jo’ li tzolb’il.
5 Li Qaawa’ Dios xte lin axik, ut ink’a’ kinpo’resi inch’ool, chi moko kinsutq’isi wib’ chiwix.
6 Kink’e xyi li wix re laj asak’onel, ut lix k’atq li we reheb’ li ke’mich’ok re li ismalej. Moko kinmuq ta li wu chiru li xutaan ut li chuub’ak.
7 Xb’aan naq li Qaawa’ Dios tinixtenq’a, jo’kan naq ink’a’ taasache’q inna’leb’. Xb’aan a’in xinxaqab’ li wilob’aal jo’ kawil pek, ut ninnaw naq ink’a’ tinxutaanaq.
8 Ut li Qaawa’ wan chi nach’, ut a’an naxtiikob’resi wu. Ani taayaloq ru wik’in? Chooxaqliiq sa’ wiib’al. Ani li xik’ na’ilok we? Chichalq chink’atq, ut tinsak’ rik’in xmetz’ew lix tz’uumal we.
9 Xb’aan naq li Qaawa’ Dios tinixtenq’a. Ut chixjunileb’ li ate’jitoq we, k’ehomaq reetal, chixjunileb’ a’an te’q’eelo’q chanchan jun li aq’ej, ut te’tiwe’q chaq xb’aan li saq xul.
10 Ani wan sa’ eeyanq li naxuwank re li Qaawa’, li na’ab’in chiru alix yaab’ xkux lix moos, ut nab’eek sa’ q’ojyin ut maak’a’ xsaqen?
11 K’ehomaq reetal, chejunilex li nekexlochok re li xam, li nekesuti li raq’ xam cherix, chexb’eeq sa’ xkutanil alee xam, ut sa’eb’ li raq’ xam xeloch. A’in li teek’ul sa’ wuq’—texyoklaaq sa’ rahil ch’oolejil.