1 Chex’ab’inq chiwu, laa’ex li nekextaaqenk re li tiikilal. Cheril chaq li ^apek li isinb’ilex wi’ chaq, ut lix hopolal li jul li b’ekb’ilex wi’ chaq.

2 Cheril chaq laj Abraham lee ^ayuwa’, ut li ^bxSara, a’ li x’alank eere; xb’aan naq xjunes a’an kinb’oq, ut kiwosob’tesi.

3 Xb’aan naq li Qaawa’ tixk’ojob’ xch’ool ^aSion, tixk’ojob’ xch’ool chixjunil lix sachenaqil na’ajej; ut tixyiib’ lix ^byamyookil ch’och’ chanchan Eden, ut lix chaqi ch’och’ chanchan li rawimq li Qaawa’. Taatawmanq li sahil ch’oolejil ut li sahil aamej chi sa’, li b’antioxink ut xyaab’ li b’ichank.

4 Chex’ab’inq chiwu, ex intenamit; ut chek’e eexik chiwab’inkil, ex innimla tenamit; xb’aan naq jun li ^achaq’rab’ taa’elq chaq wik’in, ut tink’e chi k’ojlaak lin raqb’a-aatin choq’ ^bsaqen chiruheb’ li tenamit.

5 Xnach’ok chaq intiikilal; xikenaq lin ^akolb’a-ib’, ut li wuq’ tixraq aatin chirix li tenamit. Eb’ li ^bch’och’ sa’ xyi palaw tine’royb’eni, ut chiru li wuq’ te’xkanab’ rib’.

6 Taqsihomaq lee rilob’aal sa’ choxa, ut cheril li ch’och’ taq’a; xb’aan naq ^ataa’oso’q li ^bchoxa chanchan sib’, ut li ruchich’och’ ^ctaaq’eelo’q chanchan jun li aq’ej; ut eb’ li neke’wan chi sa’ te’kamq ajwi’ chi jo’kan. A’b’anan, taawanq lin kolb’a-ib’ chi junelik, ut lin tiikilal ink’a’ taasachmanq.

7 Chex’ab’inq chiwu, laa’ex li nekexnawok re li tiikilal, li tenamit kintz’iib’a wi’ lin ch’aq’rab’ sa’ xch’ooleb’, ^ameexuwa li ch’iilaak xb’aaneb’ li winq, chi moko chexuwa ru li hob’ok neke’xb’aanu.

8 Xb’aan naq li saq xul tixtiweb’ chanchan jun li aq’ej, ut li motzo’ tixtiweb’ chanchan li isb’. A’b’anan lin tiikilal taawanq chi junelik, ut lin kolb’a-ib’ chiru li junjunq tasal tenamit.

9 Ajen, ajen! K’e chaq laa ^ametz’ew, at xtel li Qaawa’; ajen jo’ sa’eb’ li najter kutan. Ma maawa’at li kiyok’ok re laj Rahab, ut li kitoch’ok re li josq’ aj xul?

10 Ma maawa’at li kichaqihob’resink re li palaw, lix ha’il li nimla chamal ha’; li kiyiib’ank re xchamal li palaw choq’ ^ab’e re te’nume’q li tojb’ileb’ rix?

11 Jo’kan naq li ^atojb’ileb’ rix xb’aan li Qaawa’ te’sutq’iiq, ut te’k’ulunq Sion rik’in ^bb’ichank; ut taawanq sa’ xb’eeneb’ xjolom li sahil ch’oolejil ut li santilal li junelik nakana; ut te’xtaw xsahileb’ li raam ut sahil ch’oolejil; taa’eeleliq chaq li rahil ch’oolejil ut li ^cyaab’ak.

12 ^aLaa’in ajwi’ a’an; relik chi yaal, laa’in li nak’ojob’ank re eech’ool. K’e reetal, anihat laa’at, re ^btaaxuwa ru li winq, li taakamq, ut li ralal li winq, li taawanq chanchan ^cpach’aya’?

13 Ut ^anasach sa’ aach’ool li Qaawa’ aj yiib’ahom aawe, li kichirib’ank re li choxa, ut kixk’e xk’ojob’ankil li ruchich’och’, ut ink’a’ kakanab’ xuwak rajlal kutan, xb’aan lix nimal xjosq’il laj rahob’tesinel, chanchan naq ok ta re chi sachok? B’ar put wan xnimal xjosq’il laj rahob’tesinel?

14 Li preex li x’isiik chaq sa’ xtenamit naxseeb’a rib’, re taaruuq taa’ach’ab’aaq, ut re naq ink’a’ taakamq sa’ li chamal jul, chi moko taa’oso’q lix wa.

15 A’b’anan laa’in li Qaawa’ laa Dios, li natunluk lix ^ab’oolam, li Qaawa’ reheb’ li Teepal ink’ab’a’.

16 Ut laa’in xink’e li waatin sa’ xtz’uumal aawe, ut xatinlan rik’in xmuhel li wuq’, re tinxaqab’ li choxa ut tink’e xk’ojob’ankil li ruchich’och’, ut tinye re Sion: K’e reetal, laa’at lin ^atenamit.

17 Ajen, ajen, xaqlin, at Jerusalen, li kat-uk’ak chaq sa’ ruq’ li Qaawa’ chire li ^asek’ re ^blix nimal xjosq’il—laa’at kawuk’ lix k’ahil li sek’ re siksotk, li yatz’inb’il—

18 Ut maajun wan chixk’amb’al xb’e sa’ xyanqeb’ chixjunil li yumb’ej kirala; chi moko wan li nachapok re li ruq’, sa’ xyanqeb’ chixjunil li alalb’ej li xk’iresi chaq.

19 Li wiib’ chi ^aalalb’ej a’in chalenaqeb’ aawik’in, li te’toq’ob’anq aawu—lix sachb’al aawu ut laa sachlijik, ut li we’ej ut li yok’leb’ ch’iich’—ut ani aj-ik’in tink’ojob’ aach’ool?

20 Luktajenaqeb’ laa walal, ka’ajeb’ wi’ li wiib’ a’in ink’a’; wankeb’ sa’ ru’uj chixjunileb’ li b’e; jo’ jun li josq’ teelom wakax sa’ jun li soq’, nujenaqeb’ rik’in xnimal xjosq’il li Qaawa’, lix ch’iilahom laa Dios.

21 Jo’kan ut, ab’i a’in anajwan, at tawasinb’il, ut ^akalajenaqat, ut moko rik’in ta li viin.

22 Jo’ka’in naxye laa Qaawa’, li Qaawa’ ut laa Dios ^ana’aatinak sa’ xk’ab’a’ lix tenamit; k’e reetal, kiwisi sa’ laa wuq’ li sek’ re siksotk, lix k’ahil li sek’ re xnimal injosq’il; ink’a’ chik tat-uk’aq chire.

23 ^aTink’e b’an sa’ ruq’eb’ li neke’tawasink aawe; li ke’yehok re laa waam: Kub’si aawib’, re taaruuq toonume’q sa’ aab’een—ut laa’at kahupub’ laa xaqalil chanchan li ch’och’ ut chanchan li b’e choq’ reheb’ li ke’nume’ sa’ aab’een.

24 ^aAjen, ajen, k’e chawix laa ^bmetz’ew, at ^cSion; k’e chawix laa chaq’al ru aq’, at Jerusalen, li santil tenamit, xb’aan naq chalen anajwan ^dink’a’ chik te’chalq aawik’in li ink’a’ xe’k’uluk re reetalil li sumwank, chi moko li ani tz’aj.

25 Chiq’chiq’i chaq li poqs chawix; ^awaklin, chunlan, at Jerusalen; isi chaq li ^bbak’leb’ wan chakux, at xrab’in Sion li wankat chi preexil.