1 Ut anajwan, wan chik naab’al li k’a’aq re ru kixye laj ^aJakob re lin tenamit sa’ li hoonal a’an; a’ut ka’ajwi’ li k’a’aq re ru a’in xink’e chi ^btz’iib’amank, xb’aan naq tz’aqalin rik’in li k’a’aq re ru ak xintz’iib’a.

2 Ut anajwan laa’in, aj Nefi, tintz’iib’a chik xkomon li raatin laj ^aIsaias, xb’aan naq nasaho’ li waam rik’in li raatin. Xb’aan naq tinjuntaq’eeta li raatin rik’in lin tenamit, ut tintaqla re chixjunileb’ li walal ink’ajol, xb’aan naq a’an kiril chi yaal laj ^bTojol wix, jo’ chanru ajwi’ naq kiwil laa’in.

3 Ut li wiitz’in aj Jakob ^akiril ajwi’ jo’ chanru naq laa’in kiwil; jo’kan naq tintaqla li raatineb’ rik’ineb’ li walal ink’ajol, re xk’utb’al xyaalal chiruheb’ naq yaal li waatin. Jo’kan ut, rik’in li raatineb’ ^boxib’, chan li Dios, laa’in tinxaqab’ xwankil li waatin. A’ut li Dios naxtaqlaheb’ chik xkomon aj yehol nawom, ut naxk’ut xyaalal chixjunil li raatin.

4 K’ehomaq reetal, nasaho’ li waam rik’in ^axk’utb’al xyaalal chiru lin tenamit naq yaal naq ^btaak’ulunq li Kristo; xb’aan naq xb’aan ajwi’ a’in naq xk’eeman lix ^cchaq’rab’ laj Moises; ut chixjunil li k’a’aq re ru k’eeb’il xb’aan li Dios chalen chaq sa’ xtiklajik li ruchich’och’ reheb’ li winq, wan choq’ reetalil a’an.

5 Ut nasaho’ ajwi’ li waam rik’in lix ^asumwank li Qaawa’ li kixk’uub’ rik’ineb’ li qayuwa’; relik chi yaal, li waam nasaho’ rik’in li rusilal, ut rik’in lix tiik ruhil na’leb’, ut lix wankilal, ut li ruxtaan a’an sa’ li nimla ut junelik k’uub’anb’il na’leb’ re kole’k chiru li kamk.

6 Ut nasaho’ li waam rik’in xk’utb’al xyaalal chiru lin tenamit naq ^awi ta ink’a’ taachalq li Kristo, tento raj te’oso’q chixjunileb’ li winq.

7 Xb’aan naq wi ^amaak’a’ li Kristo maak’a’ ajwi’ li Dios; ut wi maak’a’ li Dios, maak’a’o laa’o, xb’aan naq ink’a’ raj kiru chi uxk li ^byo’ob’tesink. A’b’an wan jun li Dios, ut a’an li Kristo, ut a’an taak’ulunq naq tixtaw xtz’aqalil lix kutankil a’an.

8 Ut anajwan nintz’iib’a junjunq li raatin laj Isaias, re naq ani re lin tenamit taa’iloq re li aatin a’in, te’xwaklesi li raam ut te’saho’q sa’ xch’ool sa’ xk’ab’a’eb’ chixjunil li winq. A’in ut li aatin, ut naru teejuntaq’eeta eerik’in, ut rik’ineb’ chixjunil li winq.