1 Ut sa’ li kutan a’an, wuqub’ chi ixq te’xchap li junaj chi winq, ut te’xye: Taqak’ux tz’aqal li qawa, ut tz’aqal li qaq’ taqak’e chiqix; ka’ajwi’ laa k’ab’a’ taxaq chook’ab’a’iiq wi’, re risinkil li ^aqaxutaan.

2 Sa’ li kutan a’an ch’ina-usaq ut nimaq xloq’al li ^aruq’ che’ re li Qaawa’; li taa’uuchinq wi’ li ruchich’och’ chaab’ilaq’ ut chaq’alaq ru chiruheb’ lix komoneb’ laj Israel li xe’kole’.

3 Ut taak’ulmanq naq eb’ li kanajenaqeb’ chaq Sion ut li xe’kana chaq Jerusalen, sant taayeemanq reheb’, li junjunq li tz’iib’anb’il sa’ xyanqeb’ li yo’yookeb’ aran Jerusalen—

4 ^aNaq li Qaawa’ tixchoy ^bxch’ajb’al chaq lix tz’ajnileb’ ru lix rab’in Sion, ut tixchoy risinkil lix kik’el Jerusalen sa’ xyi rik’in li musiq’ej re raqb’a-aatin ut li musiq’ej re ^ck’atok.

5 Ut li Qaawa’ tixyiib’ sa’ xb’een li junjunq chi ochoch sa’ li tzuul Sion, ut sa’ xb’eeneb’ lix ch’utleb’aal, jun li ^achoql ut sib’ chi kutan ut xlemtz’unkil jun li xam naxamnak chi q’eq, xb’aan naq sa’ xb’een chixjunil taawanq lix loq’al Sion choq’ kolb’a-ib’.

6 Ut taawanq jun li muheb’aal choq’ mu chi kutan chiru li tiq, ut choq’ ^akolb’a-ib’ na’ajej, ut choq’ xtz’apb’aleb’ ru chiru li kaq-sut-iq’ ut chiru li hab’.