1 A’b’anan, li q’ojyin moko jo’aq ta li kiwan naq kirahob’tesiik, naq sa’ xtiklajik a’an kixtawasi ka’ch’in li ^ach’och’ Sabulon, ut li ch’och’ Neftali, ut moqon q’axal wi’chik kitawasin sa’ xb’ehil li Kaqi Palaw, chixjunpak’alil li Jordan, aran Galilea reheb’ li tenamit.

2 Eb’ li tenamit li ke’b’eek chaq sa’ ^aq’ojyin ke’ril jun li nimla saqen; eb’ li wankeb’ sa’ li ch’och’ re xmuhel li kamk, sa’ xb’eeneb’ a’an xk’utun li saqen.

3 Laa’at katamresi li tenamit, ut ^akanimob’resi li sahil ch’oolejil—neke’saho’ sa’ xch’ool chawu jo’ chanru li sahil ch’oolejil naq na’ux li q’olok, ut jo’ chanru neke’saho’ xch’ool li winq naq neke’xjach ru li k’a’ru maq’b’il xb’aaneb’.

4 Xb’aan naq laa’at xaq’et li iiqleb’ re li riiq, ut li che’ sa’ xb’een chaq lix tel, lix xuq’ laj rahob’tesihom re.

5 Xb’aan naq sa’ chixjunil li pleet wan wi’ laj pleetinel nanumta li choqink, ut li aq’ej b’alq’usinb’il sa’ kik’; a’b’an a’inaq rik’in k’atok, ut rik’in xsi’il li xam.

6 Xb’aan naq yo’lajenaq choq’ qe jun li ^ak’uula’al, k’eeb’il chaq qe jun li alalb’ej; ut li ^bjolomink tenamit taawanq sa’ xb’een xtel; ut a’inaq lix k’ab’a’: Aj sachol ch’oolej, Aj k’ehol na’leb’, Li ^cDios Kaw Xmetz’ew, Li ^dYuwa’b’ej li junelik taawanq, Li Awa’b’ej re ^eTuqtuukilal.

7 ^aMaak’a’ roso’jik lix k’iijik li ^bjolomink tenamit ut li tuqtuukilal, sa’ xb’een lix k’ojarib’aal laj David, ut sa’ xb’een li rawa’b’ejihom, re xtuqub’ankil ut re xxaqab’ankil rik’in raqb’a-aatin ut tiik ruhil na’leb’, chalen anajwan ut chi junelik. Lix anchalil xch’ool li Qaawa’ reheb’ li Teepal tixb’aanu a’in.

8 Li Qaawa’ kixtaqla li raatin re Jakob, ut kinaq sa’ xb’een ^aIsrael.

9 Ut chixjunil li tenamit te’xnaw, jo’ ajwi’ Efrain ut li wankeb’ chaq Samaria, li neke’yehok rik’in xq’etq’etil ut xkawilal lix ch’ooleb’:

10 Uq’enaqeb’ li xan, a’b’an laa’o tookab’laq rik’in xukxuukil pek; t’anb’ileb’ li che’ sicomoro, a’b’an laa’o taqak’e xtoonal li yaw sa’ xna’aj.

11 Jo’kan naq li Qaawa’ tixxaqab’eb’ chiru laj ^aRasin li te’ajoq xpleetinkil, ut tixch’utub’eb’ li xik’ neke’ilok re;

12 Eb’ laj Siria chi uub’ej ut eb’ laj Filisteo chi ixb’ej, ut ^ate’xk’uxi Israel chi teetookeb’ li re. Rik’in ut chixjunil a’in moko ch’ananb’il ta lix ^bjosq’il, toj ye’b’il b’an li ruq’.

13 Xb’aan naq ^aink’a’ neke’sutq’i li tenamit rik’in li nasak’ok reheb’, chi moko neke’xsik’ li Qaawa’ reheb’ li Teepal.

14 Jo’kan naq li Qaawa’ taarisi chaq sa’ Israel li jolomej ut li yehej, li ruq’ che’ ut li k’im, sa’ junaj chi kutan.

15 Li tiix, a’an li jolomej; ut li profeet li nak’utuk tik’ti’, a’an li yehej.

16 Xb’aan naq eb’ li neke’jolomink re li tenamit a’in neke’xk’e chi sachk xna’leb’eb’; ut eb’ li ani k’amb’ileb’ xb’e xb’aaneb’ neke’sachman.

17 Jo’kan naq li Qaawa’ maajun sahil xch’ool taareek’a rik’ineb’ li saaj winq reheb’, chi moko ^ataaruxtaanaheb’ ru li maak’a’eb’ xyuwa’ ut li xmalka’an reheb’; xb’aan naq li junjunq reheb’ aj ka’pak’al-u ut aj b’aanuhom maa’usilal, ut li junjunq chi ehej naxye ^bjo’maajo’il aatin. Rik’in ut chixjunil a’in moko ch’anab’anb’il ta lix josq’il, toj ye’b’il b’an li ^cruq’.

18 Xb’aan naq li maa’usilal nak’atok chanchan li xam; tixk’at li pajl ut li k’ix, ut taalochq sa’ xpimul li k’iche’, ut eb’ a’an te’taqe’q chanchan xtaqik li sib’.

19 Xb’aan xjosq’il li Qaawa’ reheb’ li Teepal naq’ojyino’ ru li ch’och’, ut te’wanq li tenamit jo’ si’ chiru li xam; ^amaajun winq tixkol xyu’am li rech alal.

20 Ut taachapoq sa’ xnim uq’ ut taatz’okaaq; ut ^ataawa’aq sa’ xtz’e uq’, ut ink’a’ te’k’ojob’aaq xch’ool; te’xk’ux li junjunq chi winq xtib’el lix tz’aqal tel—

21 Laj ^aManases, aj ^bEfrain; ut laj Efrain, aj Manases; ut xkab’ichaleb’ te’xpleeti laj ^cJuda. Rik’in ut chixjunil a’in moko ch’ananb’il ta lix josq’il, toj ye’b’il b’an li ruq’.