Tasal 121
Li tij ut profeetil aatin tz’iib’anb’il xb’aan laj Jose Smith li Profeet sa’ jun li hu taqlanb’il re li Iglees naq kiwan choq’ preex sa’ li tz’alam sa’ Liberty, Missouri, sa’ 20 Marzo 1839. Li Profeet ut junjunq reheb’ lix komon ke’wan chaq sa’ tz’alam chiru jarub’aq po. Ink’a’ ke’xtaw chaq xtenq’ankileb’ rik’in lix tz’aamahomeb’ ut lix patz’omeb’ chiruheb’ laj jolominel ut laj raqol aatin.
1–6, Li Profeet natz’aaman chiru li Qaawa’ choq’ reheb’ laj santil paab’anel li yookeb’ chixnumsinkil rahilal; 7–10, Li Qaawa’ naxye li tuqtuukilal re; 11–17, Majewanb’ileb’ chixjunil li neke’xjap re chixjitb’aleb’ lix tenamit li Qaawa’ chirix li q’etok aatin li moko yaal ta; 18–25, Moko xk’ulub’aqeb’ ta li tijonelil, ut te’k’ehe’q sa’ tojb’a-maak; 26–32, Nayeechi’iman li xninqal ru k’utb’esinb’il na’leb’ choq’ reheb’ li neke’kuyuk chi kaweb’ xch’ool; 33–40, K’a’ut naq naab’aleb’ li b’oqb’ileb’ ut moko k’iheb’ ta li sik’b’ileb’ ru; 41–46, Li tijonelil tento taa’oksimanq ka’ajwi’ sa’ tiikilal.
1 At Dios, b’ar wankat laa’at? Ut b’ar wan li muheb’aal li natz’apok re li ana’ajej muqmuukat wi’?
2 aJo’ najtil chik taawanq chi ramb’il laa wuq’, ut lix naq’ aawu, relik chi yaal, lix saqen ruhil xnaq’ aawu taaril chaq sa’ li choxa re junelik q’e kutan li maa’usilal ke’xk’ul laa tenamit ut eb’ laa moos, ut taaq’axe’q laa xik xb’aan lix yaab’eb’?
3 Relik chi yaal, at Qaawa’, ajo’ najtil chik te’xnumsi li maa’usilal ut li rahob’tesink a’in li wan wi’ chi q’etb’il li chaq’rab’, chi maji’aq taaq’unob’resiiq aawaam choq’ reheb’, ut taa’eek’asimanq lix sa’ aach’ool rik’in xtoq’ob’ankileb’ ru?
4 At Qaawa’ Dios aNimajwal, aj yiib’ahom re li choxa, ch’och’, ut palaw, ut re chixjunil li k’a’aq re ru wankeb’ chi sa’, ut li nakatminok re ut nakak’e rub’el laa wankil laj tza, ut li q’ojyin ruhil ut aak’ab’il awa’b’ejihom re Xeol—ye’ chaq laa wuq’; chiq’axoq-u lix naq aawu; chixokmanq laa muheb’aal, miwan chik chi tz’apb’il li bna’ajej muqmuukat wi’; k’eeb’ilaq taxaq aaxik; chiq’unob’resiiq taxaq aawaam, ut eek’asinb’ilaq lix sa’ aach’ool chixtoq’ob’ankil qu.
5 Chilochmanq aajosq’il rik’ineb’ li xik’ neke’ilok qe; ut sa’ lix nimal xjosq’il laa ch’ool, rik’in laa yok’leb’ ch’iich’ aeeqaju chaq li maa’usilal xqak’ul.
6 Che’jultiko’q aawe eb’ laa santil paab’anel li ra yookeb’ chixk’ulb’al, at qaDios, ut eb’ laa moos te’saho’q sa’ xch’ool rik’in laa k’ab’a’ chi junelik.
7 At walal, tuqtuukilal chiwanq sa’ aawaam; laa ach’a’ajkilal ut laa tawasinkil yal chiru jun ch’ina k’amok taawanq;
8 Ut chirix a’an, wi anakakuy chi us, li Dios tixtaqsi aaloq’al chi taqe’q; laa’at tatnumtaaq sa’ xb’eeneb’ chixjunil li xik’ neke’ilok aawe.
9 Eb’ li araab’ileb’ aab’aan toj xaqxookeb’ chak’atq, ut te’xk’e wi’chik xsahil aach’ool rik’in xq’ixnaleb’ lix ch’ool ut xchaab’ilaleb’ li ruq’.
10 Toj maji’ wankat jo’ laj aJob; eb’ li raab’ileb’ aab’aan ink’a’ neke’wech’ok aawe, chi moko nakate’xjit jo’ aj q’etol aatin, jo’ ke’xb’aanu rik’in laj Job.
11 Ut eb’ li neke’jitok aawe jo’ aj q’etol aatin, te’chaqihob’resiiq lix yo’onihomeb’, ut taa’oso’q li royb’enihomeb’ chanchan na’oso’ axchu ke chiru li raq’ xam aj k’atonel re li saq’e li nawakli;
12 Ut jo’kan ajwi’ naq li Dios ak xk’e li ruq’ ut lix tz’apleb’ re xjalb’aleb’ li jar akutankil ut li jar q’ehil, ut re xmutz’ob’resinkil ru lix k’a’uxleb’ a’an, re naq ink’a’ te’xtaw ru lix sachb’a-ch’oolejil k’anjelahom; re taaruuq chixyalb’aleb’ ajwi’ rix ut chixchapb’aleb’ sa’ tz’aqal lix b’alaq’eb’;
13 Jo’kan ajwi’ rik’in naq po’jenaqeb’ xch’ool, ut li k’a’ru wankeb’ xch’ool chixk’amb’al sa’ xb’eeneb’ li jun ch’ol chik, ut li rahilal neke’xra naq te’xnumsi li jun ch’ol chik, taachalq asa’ xb’eeneb’ a’an toj chi tz’aqal tz’aqal;
14 Re naq te’sache’q ajwi’ li rajomeb’, ut isinb’ilaq chaq lix yo’onihomeb’;
15 Ut moko k’iila chihab’ ta chik naq eb’ a’an ut eb’ li ralal xk’ajol te’mesuuq chaq rub’el choxa, chan li Dios, re naq maajun reheb’ taakanaaq chi xaqliik chiru li tz’ak.
16 Majewanb’ileb’ chixjunileb’ li te’taqsinq re li rit roq sa’ xb’eeneb’ li ayulb’ileb’ inb’aan, chan li Qaawa’, ut neke’xjap re chixyeeb’al naq bxe’maakob’ naq ink’a’ xe’maakob’ chiwu, chan li Qaawa’, naq ke’xb’aanu b’an li k’a’ru xk’ulub’ sa’ wilob’aal, ut li keb’intaqla wi’.
17 A’b’anan eb’ li neke’japok re chixyeeb’al q’etok aatin neke’xb’aanu xb’aan naq a’aneb’ moos chiru li maak, ut a’aneb’ ajwi’ a’an aralal xk’ajol li q’etok aatin.
18 Ut eb’ li neke’xaqab’ank aatin chi tik’ti’ chirixeb’ lin moos, re te’xk’ameb’ sa’ li moosil ut li kamk—
19 Rahilal sa’ xb’eeneb’; rik’in naq ara ke’xb’aanu reheb’ lin kok’al, te’ch’otmanq chaq chiru li bk’ojob’anb’il k’anjel re li wochoch.
20 Moko nujenaqaq ta lix achakacheb’, taa’oso’q li rochocheb’ ut lix k’uuleb’aal kab’leb’, ut eb’ a’an xik’ te’ile’q xb’aaneb’ li ke’sahob’resin chaq xch’ooleb’.
21 Moko te’wanq ta xk’ulub’il li atijonelil, chi moko li ralal xk’ajoleb’ chirixeb’ chiru li junjunq tasal tenamit.
22 aQ’axal us raj choq’ reheb’ naq taat’uyub’amanq chixkuxeb’ jun xpekul li ke’leb’ ut te’ok chi ha’ sa’ xchamal li palaw.
23 Rahilal sa’ xb’eeneb’ chixjunil li neke’ch’a’ajkilob’resink re lin tenamit, ut neke’tiikisink, ut neke’kamsink, ut neke’ch’olob’ank aatin re xjitb’aleb’, chan li Qaawa’ reheb’ li Teepal; jun atasal tenamit aj k’amb’olay ink’a’ tixkol rib’ chiru li tojb’a-maak sa’ xb’alb’a.
24 K’e reetal, lix naq’ wu anaril ut naxnaw chixjunil lix k’anjeleb’, ut wan chi k’uulanb’il wik’in jun li junpaatil braqb’a-aatin sa’ xq’ehil a’an, choq’ reheb’ chixjunil;
25 Xb’aan naq wan jun ahoonal xaqab’anb’il choq’ re li junjunq chi winq, a’ yaal jo’ chanru taawanq bxk’anjel.
26 Li Dios tixk’e eere aeenawom rik’in lix bLoq’laj Musiq’, relik chi yaal, rik’in li cmaatan re li Santil Musiq’ej li ink’a’ naru chi yeemank, li moko k’utb’esinb’il ta chalen chaq naq wanjenaq li ruchich’och’ toj anajwan;
27 Li ke’royb’eni li qaxe’toonil chi anchal lix yo’onihomeb’ re taak’utb’esimanq sa’ roso’jikeb’ li kutan, li ke’b’eresiik wi’ lix k’a’uxleb’ xb’aaneb’ li anjel, jo’ li k’uulanb’il choq’ re lix tz’aqalil lix loq’aleb’;
28 Jun kutan chalel naq amaak’a’ taarame’q wi’, ma jun chi Dios wan malaj k’iila bdios, te’k’utb’esimanq.
29 Chixjunil li k’ojarib’aal ut li awa’b’ejil, li taqlanelil ut li wankilal, ataak’utb’esimanq ut taak’ehe’q sa’ xb’eeneb’ chixjunil li ke’kuyuk chi kaweb’ xch’ool choq’ re lix evangelio li Jesukristo.
30 Ut jo’kan ajwi’, ma k’eek’o axmaril li choxa malaj li palaw, malaj li chaqi ch’och’, malaj li saq’e, li po, malaj li chahim—
31 Chixjunil lix q’ehileb’ neke’xsuti wi’ rib’, chixjunil li kutan, li po, ut li chihab’ xaqab’anb’il, ut chixjunil li kutan re lix kutaneb’, lix poheb’, ut lix chihab’eb’, ut chixjunil lix loq’aleb’, lix chaq’rab’eb’, lix k’ojob’anb’il hoonaleb’, taak’utb’esimanq sa’ xkutankil lix ak’ojlajik lix tz’aqalil ru li kutan—
32 Jo’ chanru li k’a’ru k’ojob’anb’il chaq sa’ xyi li aCh’utam re li Junelik bDios re chixjunileb’ chik li dios rub’elaj naq kiwan li ruchich’och’ a’in, li k’uulanb’ilaq toj sa’ xchoyonik ut roso’jik a’an, naq li junjunq chi winq taa’ok chiru li crilob’aal li wan chi junelik, ut sa’ lix dhilob’aal a’an, li maak’a’aq wi’ li kamk.
33 Toj jo’q’e naru nawan chi tz’aj lix ha’il li roq ha’ li nab’eek? K’a’ru chi wankilal naru chi ramok ru li choxa? Jo’ chanru ta naq junaq winq tixye’ xka’ch’inal lix tel re xramb’al li nima’ Missouri sa’ lix b’e li taqlanb’il, malaj chixsutq’isinkil chi q’ajel-ix, jo’kanaq xwankil chixramb’al li Nimajwal sa’ xhoyb’al li ana’leb’ chalen chaq sa’ choxa sa’ xb’een lix jolomeb’ laj Santil Paab’anel sa’ Roso’jikeb’ li Kutan.
34 K’ehomaq reetal, naab’aleb’ li ab’oqb’ileb’, a’ut moko k’iheb’ ta li bsik’b’ileb’ ru. Ut k’a’ut naq ink’a’ sik’b’ileb’ ru?
35 Xb’aan naq k’a’jo’ naq k’eeb’ileb’ xch’ool chirix li k’a’aq re ru re li aruchich’och’ a’in, ut neke’xra ru bnimaak ruheb’ xb’aaneb’ li winq, jo’kan naq ink’a’ neke’xtzol li jun chi na’leb’ a’in—
36 Naq li axk’ulub’il li tijonelil chi junajwa wan chi b’ak’b’il rik’in lix bwankilal li choxa, ut naq lix wankilal li choxa ink’a’ naru xb’eresinkil chi moko xch’e’b’al, ka’ajwi’ rik’in li na’leb’ re ctiikilal.
37 Yaal ajwi’ naq naru chi k’ojob’amank sa’ qab’een; a’b’anan wi naqayal axmuqb’al li bqamaak, malaj xnimankil li cqaq’etq’etil, lix jo’maajo’il li qajom chi taqlank, malaj xk’anjelankil li taqlank malaj li awa’b’ejink, malaj li minok-u sa’ xb’eeneb’ li raameb’ li ralal xk’ajoleb’ li winq, rik’in yal ta jun raqalaq li maa’usilal, k’ehomaq reetal, li choxa dnarisi rib’; naraho’ xch’ool lix Musiq’ li Qaawa’; ut naq isinb’il chaq a’an, oso’jenaq li tijonelil malaj li wankilal re li winq a’an.
38 K’ehomaq reetal, chi maji’aq naxk’e reetal, ak xkana xjunes, re axlapb’al chiroq li topleb’, re bxrahob’tesinkileb’ laj santil paab’anel, ut re xpleetinkil li Dios.
39 Laa’o ak xqatzol, rik’in xrahil li k’a’ru xqak’ul, naq aak reheb’ ut ajb’il xb’aan ka’ch’in chik ma chixjunileb’ li winq, a’ yaal sa’ junpaat naq nak’ehe’ b’ayaq li wankilal reheb’, jo’ neke’xk’oxla, tikto te’ok chixk’anjelankil li awa’b’ejil chi moko tiik ta.
40 Chi jo’kan naab’aleb’ li b’oqb’ileb’, a’ut moko k’iheb’ ta li sik’b’ileb’ ru.
41 Maajun wankilal chi moko teneb’ank naru malaj tento taa’uxmanq sa’ xk’ab’a’ li tijonelil, ka’ajwi’ rik’in li aq’unb’esink ch’oolej, rik’in li bnajtil oyb’enink, rik’in li q’unal ch’oolej ut li tuulanil, ut rik’in li rahok chi moko pak’b’il ta;
42 Rik’in chaab’il ch’oolej, ut li saq ruhil nawom, li taanimob’resinq chi naab’al re li aamej chi maak’a’ li aka’pak’alil ut chi maak’a’ li bb’alaq’il—
43 Rik’in ach’iilank sa’ xq’ehil rik’in kawilal, naq eek’asinb’ilat xb’aan li Santil Musiq’ej, ut rik’in xk’utb’al moqon xk’iijik li brahok choq’ re li ani ch’iilanb’il aab’aan, maare anchal tatxk’oxla jo’ aj xik’ ilol re;
44 Re tixnaw naq lix xaqxookil aach’ool choq’ re a’an, q’axal kaw wi’chik chiru xb’ak’leb’ li kamk.
45 Chiwanq ajwi’ lix sa’ aach’ool chi nujenaq rik’in rahok choq’ reheb’ chixjunil li winq, ut choq’ re li rochochil li paab’aal, ut li asaq ruhil na’leb’ chirutz’u’uji rajlal laa bk’oxlahom; toja’ ut naq taanimanq xmetz’ew lix kawilal aach’ool chiru li Dios, ut li tzol’leb’ re li tijonelil taanaq chiru laa waam chanchan li ck’ajob’ chalen chaq sa’ choxa.
46 Li aSantil Musiq’ej taa’ochb’eeninq aawe rajlal, ut laa xuq’ a’anaq jun xuq’ re tiikilal ut yaal li ink’a’ naxjal rib’; ut laa bawa’b’ejil a’anaq jun awa’b’ejil li junelik nakana, ut chi moko minb’il ta taanume’q aawik’in chi junelik q’e kutan.