Մաս 31. Օր 2

Մորոնի 1–5

Նախաբան

Եթերի թիթեղների կրճատումը ավարտելուց հետո Մորոնին բացատրել է, որ նա «չէր կարծում, որ կգրեր ավելին» (Մորոնի 1.1): Սակայն, նա պահպանվել էր «գրելու մի քանի բան ևս, որպեսզի գուցե դրանք արժեքավոր լինեն» նրանց համար վերջին օրերում (Մորոնի 1.4): Մորոնի 1–5-ը հաստատում է Մորոնիի հավատարմությունը Հիսուս Քրիստոսին: Դա նաև հակիրճ ներկայացնում է հրահանգները ավետարանի կարևոր արարողությունների համար՝ ներառելով հաղորդության սպասավորումը:

Մորոնի 1

Մորոնին թափառում է իր կյանքի համար ապահով վայր փնտրելով և շարունակում է գրել

Յոթանասունի պատվավոր անդամ Երեց Դեյվիդ Ի. Սորենսենը պատմել է մի երիտասարդ աղջկա մասին, ով իր համոզմունքները պաշտպանելու քաջություն դրսևորեց.

«Թոռնիկս՝ Ջենիֆերը մի օր հրավիրվեց իր դպրոցական ընկերների հետ ճաշի և կինոդիտման: Բոլոր աղջիկները համաձայնեցին գնալ ֆիլմ դիտելու, Ջենիֆերն էլ ցանկություն հայտնեց գնալու: Սակայն այն աղջիկը, ով գնաց խմբի համար ֆիլմի տոմսերը գնելու, վերադարձավ չնախատեսված մեկ այլ ֆիլմի տոմսերով: Նա ասաց. «Հրաշալի ֆիլմ է, բացի այդ 16 տարեկանից բարձր տարիքի համար է»:

Ջենիֆերն անակնկալի գալով չհավատաց, որ իրավիճակն այդքան կտրուկ կարող էր փոխվել: Բայց բարեբախտաբար նախքան այդ վիճակում կհայտնվեր նա փոխեց կինոդիտման գնալու իր միտքը: Նա կարողացավ հաստատուն մնալ և ասել իր ընկերներին. «Ես չեմ կարող գնալ նման ֆիլմ դիտելու: Ծնողներիս դա դուր չէր գա»: Որին աղջիկները պատասխանեցին. «Դե լավ, ծնողներդ երբեք չեն իմանա»: Սակայն Ջենիֆերը շարունակեց. «Դե, իրականում կարևոր չէ ծնողներս կիմանան, թե ոչ: Ես պարզապես նման ֆիլմեր չեմ դիտում»:

Ընկերները սրտնեղեցին և փորձեցին նրան համոզել: Նրանք ասացին, որ նա «փչացնում էր ամեն բան»: Երբ նա տեղի չտվեց, նրանք տոմսն ու մանրը շպրտեցին նրա երեսին և գնացին ֆիլմը դիտելու: Ցավալի էր այդ երեկո միայնակ մնալ և մերժվել ընկերների կողմից: Բայց դա կարևոր պահ էր Ջենիֆերի և մեր ընտանիքի համար: Նա ձեռք բերեց վստահություն, արժանապատվություն և հոգևոր ուժ» (“You Can’t Pet a Rattlesnake,” Ensign, May 2001, 42):

Կարդացեք Մորոնի 1.1–3, և գտեք, թե ինչպես Մորոնին միայնակ կանգնեց իր հավատքի համար: Մորոնին և Երեց Սորենսենի թոռնիկը երկուսն էլ ծառայում են օրինակ, թե ինչպես կարող են անհատները պաշտպանել այն, ինչը համարում են ճշմարիտ: Դուք նույնպես կարող եք ամեն օր կատարել թվացյալ փոքր որոշումներ, որոնք կդրսևորեն ձեր հավատքը, հնազանդությունը և Քրիստոսին հետևելու ցանկությունը:

1. Սուրբ գրությունների ուսումնասիրության ձեր օրագրում գրեք այն պահի մասին, երբ ընտրել եք պաշտպանել ձեր համոզմունքները կամ հնազանդորեն դրսևորել ձեր հավատքը:

Մտածեք, թե ինչպես կարող եք ավելի լավ պաշտպանել ձեր հավատքն առ Հիսուս Քրիստոս: Կարդացեք Մորոնի 1.4-ը բացահայտելու համար, թե ինչու Մորոնին որոշեց գրել մի քանի բան ևս: Մենք ի՞նչ կարող ենք սովորել Մորոնիի օրինակից և շարժառիթից ավելին գրելու նրանց հետնորդներին, ովքեր փնտրում էին զրկել նրան կյանքից: Դուք ի՞նչ կգրեիք ձեր իսկ հետնորդներին, որը օրհնություն կլիներ նրանց համար: Ուսումնասիրելով Մորոնի 2–5-ը խորհեք, թե ինչ առումով են Մորոնիի գրվածքներն «արժեքավոր» ձեզ համար (Մորոնի 1.4):

Մորոն 2

Մորոնին գրում է հրահանգներ Սուրբ Հոգու պարգևները շնորհելու վերաբերյալ

Մտածեք որպես Եկեղեցու անդամ հաստատվելու և ձեռնադրությամբ Սուրբ Հոգու պարգևը ստանալու ձեր փորձառնության մասին: Դուք ինչ եք հիշում այդ արարողությունից: Կարդացեք Մորոնի 2.1–3, և խորհեք, թե ինչպես է Սուրբ Հոգու պարգևն օրհնություն եղել ձեր կյանքում:

Այս հատվածներում ուսուցանվող ավետարանական սկզբունքը հետևյալն է. Պատշաճ քահանայական իշխանություն կրող արժանի անդամները կարող են ձեռնադրման միջոցով Սուրբ Հոգու պարգևը շնորհել մկրտված անդամներին:

Մորոնի 3

Մորոնին գրի է առնում հրահանգները անհատներին քահանայության պաշտոններին կարգելու համար

Դուք երբևէ տեսե՞լ եք ինչ-որ մեկի քահանայության իշխանության գծի գրառումը: Այդ գրառումը ցույց է տալիս, թե ով է այդ մարդուն կարգել որպես քահանա և ով է իր հերթին կարգել այդ մարդուն և այդպես շարունակ մինչև Հիսուս Քրիստոս: Միգուցե դուք ունեք ձեր քահանյության իշխանության գծի գրանցումը կամ տեսել եք ձեր եղբորինը կամ հորինը: Խորհեք իշխանության գիծը ուղիղ մինչև Հիսուս Քրիստոս հասնելու հնարավորության կարևորության մասին, երբ կարդում եք Տասներկու Առաքյալների Քվորումից Երեց Ջեֆրի Ռ. Հոլլանդի հետևյալ հայտարարությունը.

«Աստվածային իշխանությամբ գործելը պահանջում է ավելին, քան պարզապես հասարակական համաձայնագիրն է: Այն չի կարող առաջանալ կրոնական ուսուցմամբ կամ մի խումբ մարդկանց լիազորությամբ: Ոչ, Աստծո լիազորված աշխատանքում պետք է լինի ավելի մեծ զորություն, քան այն, ինչ մարդիկ արդեն ունեն համայնքներում, փողոցներում կամ ճեմարաններում՝ մի փաստ, որը բազմաթիվ ազնիվ կրոնասեր հետազոտողներ իմացել և բացահայտ խոստովանել են սերունդներ շարունակ՝ հանգեցնելով Վերականգման: …

…Մենք Հիսուս Քրիստոսի վերականգված Եկեղեցում կարող ենք հետևել իշխանության քահանայության գծին, որը գործադրվում է ծխի նորագույն սարկավագի կողմից մինչև եպիսկոպոսը, որը նախագահում է նրան և մարգարեն, որը նախագահում է մեզ բոլորիս: Այդ գիծը չընդհատվող շղթայով ետ է գնում մինչև սպասավորող հրեշտակներ, ովքեր եկել էին անձամբ Աստծո Որդու կողմից՝ կրելով այս անզուգական պարգևը երկնքից» (“Our Most Distinguishing Feature,” Ensign or Liahona, May 2005, 44):

Ամեն ոք, ով ստանում է Ահարոնյան կամ Մելքիսեդեկյան քահանայություն, կարգվում է նաև քահանության պաշտոնի, որն իր մեջ ներառում է որոշակի պարտականություններ: Կարդացեք Մորոնի 3.1–4, և գտեք, թե ինչպես են անհատները կարգվում քահանայության պաշտոնի, ներառյալ քահանայի կամ ուսուցչի պաշտոնը:

Կարող եք հետևյալ ճշմարտությունները գրել ձեր սուրբ գրություններում՝ այս հատվածների կողքին. Անհատները կարգվում են քահանայության պաշտոնի համապատասխան իշխանություն ունեցողների կողմից ձեռնադրմամբ:

2. Սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Ձեր կարծիքով, ինչո՞ւ է կարևոր անհատի համար քահանայության պաշտոնին կարգվել արդեն իսկ քահանայություն կրողի կողմից:

   2. Ինչպե՞ս է քահանայության իշխանություն ունենալը Եկեղեցում կամ ընտանիքում արժեքավոր ձեզ համար:

Մորոնի 4–5

Մորոնին բացատրում է՝ ինչպես պետք է սպասավորել հաղորդությունը

3. Մտածեք հաղորդության խորհրդանիշների մասին և հաղորդությունը ճաշակելու ձեր փորձառության մասին: Այնուհետև կատարեք հետևյալը սուրբ գրությունների ուսումնասիրության ձեր օրագրում.

   1. Լավագույնս հիշելով գրի առեք հաղորդության աղոթքներից մեկը՝ հացի կամ ջրի համար:

   2. Վերանայելով այդ սուրբ աղոթքները (տես Մորոնի 4.3; 5.2) և ստուգելով, թե դուք ինչ եք գրել այս առաջադրանքի առաջին մասում, գրեք հաղորդության աղոթքներից մեկի այն մասի մասին, որն առանձնանում է ձեզ համար և բացատրեք, թե ինչու է աղոթքի այդ մասն իմաստալից ձեզ համար:

Մորոնին իր հիշատակարանում ընդգրկել է աղոթքներ հաղորդության սպասավորման համար, որովհետև նա զգում էր, որ դրանք կարող էին «արժեքավոր լինել» մարդկանց համար «ինչ որ մի օր՝ ապագայում» (Մորոնի 1.4): Կարդացեք Մորոնի 4.1–3 և 5.1–2, և գտեք այն արտահայտությունները, որոնք բացատրում են, թե ինչն են ներկայացնում հաղորդության հացը և ջուրը: Կարդալիս օգտակար կլինի հիշել, որ այժմ Եկեղեցին, Ջոզեֆ Սմիթին տրված վկայության արդյունքում, գինու փոխարեն հաղորդության ժամանակ օգտագործում է ջուր (տես ՎևՈւ 27.2):

Ամփոփեք հաղորդության նպատակը լրացնելով այս արտահայտությունը. Հաղորդության խորհրդանիշներն օգնում են մեզ հիշել .

Մտածեք, թե ինչու է Փրկչի մարմինը և արյունը կարևոր մեզ համար:

Փրկչի կրած ֆիզիկական տառապանքը, մահը և Հարությունը և Նրա կեղեքող հոգևոր տառապանքը, որը դրսևորվեց Նրա արյան հեղումով, հնարավոր դարձրեց մեղքերի թողությունը բոլոր նրանց, ովքեր հավատք են գործադրում առ Նա և աղոթում են: Հաղորդության խորհրդանիշներն օգնում են մեզ հիշել Հիսուս Քրիստոսի Քավությունը:

4. Սուրբ գրությունների ուսումնասիրության ձեր օրագրում պատասխանեք այս հարցերից որևէ մեկին կամ երկուսին.

   1. Հաղորդության ժամանակ Փրկչի Քավության մասին անկեղծորեն խորհելն ինչպե՞ս է ձեզ օգնել կամ հոգեպես ամրացրել:

   2. Ի՞նչ կարող եք անել հաղորդության ժամանակ Փրկչի Քավությունը հիշելու վրա ավելի լավ կենտրոնանալու համար:

Օգնելու համար հասկանալ, թե ինչ եք խոստանում կատարել հաղորդությունը ճաշակելիս, վերանայեք Մորոնի 4.3 և լրացրեք հետևյալ աղյուսակը.

Ինչ եմ ուխտում կատարել	Իմ կարծիքով, ինչ է նշանակում պահել ուխտի այս մասը	Ինչ կարող եմ անել ուխտի այս մասն ավելի լավ պահելու համար
1.
2.
3.

Մենք նաև Մորոնի 4.3-ից սովորում ենք, որ հավատարմորեն պահելով հաղորդության մեր ուխտը՝ մենք միշտ կարող ենք Տիրոջ Հոգին մեզ հետ ունենալ:

Տասներկու Առաքյալների Քվորումից Երեց Դեյվիդ Ա. Բեդնարի հետևյալ խոսքերն ընթերցելիս մտածեք, ինչպես եք զգացել Սուրբ Հոգու պարգևը իր նշած եղանակներով. «Մեր մահկանացու ճամփորդության ընթացքում Տիրոջ Հոգին կարող է լինել մեր ուղեկիցը և կօրհնի մեզ՝ առաջնորդելով, հրահանգելով և հոգևոր պաշտպանություն ապահովելով» (“That We May Always Have His Spirit to Be with Us,” Ensign or Liahona, May 2006, 31):

Խորհեք Փրկչի Քավության մասին, երբ ընդունում եք հաղորդությունը Կիրակի օրը: Փորձեք պահել աղյուսակում ներկայացված ուխտի մասերը, որպեսզի Տիրոջ Հոգին միշտ լինի ձեզ հետ:

5. Գրեք հետևյալը՝ սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի Մորոնի 1–5 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.