Մաս 18. Օր 3
Ալմա 31
Նախաբան
Ալման իմանում է, որ նեփիացիների այլախոհներից մի խումբ, ովքեր կոչվում էին զորամացիներ, շեղվել էին ավետարանի ճշմարտությունից: Ամբարշտության այդ տխուր լուրն ստանալուն պես Ալման այլոց վերցնելով իր հետ գնաց ուսուցանելու զորամացիներին Աստծո խոսքը: Նրանք ականատես են լինում կեղծ երկրպագության ծառայություններին և զորամացիների հպարտությանը: Ալման ջերմեռանդորեն աղոթում է, որպեսզի ինքն ու իր ուղեկիցները մխիթարություն և հաջողություն ունենան զորամացիներին դեպի Տերը ետ բերելու համար:
Ալմա 31.1–7
Ալման և իր ուղեկիցները քարոզում են Աստծո խոսքը ուխտադուրժ զորամացիներին
Պատկերացրեք, որ դուք ունեք ընկեր կամ ընտանիքի անդամ, ով շեղվել է ավետարանից կամ ավետարանով լիարժեք չի ապրում: Մտածեք հետևյալ հարցերի պատասխանների մասին.
-
Ի՞նչ կարող եք անել օգնելու համար այդ մարդուն հետ գալ Եկեղեցի և պահել պատվիրանները:
-
Ո՞ւմ կարող եք դիմել այդ մարդու խնդիրների և թյուրըմբռնման լուծման համար:
Այս դասը ընդգծում է, թե ինչպես են Ալման և ուրիշները փորձում օգնել մի խումբ մարդկանց, ովքեր հեռացել էին ավետարանի ճշմարտություններից: Կարդացեք Ալմա 31.1–2: Ի՞նչ զգաց Ալման, երբ լսեց, թե ինչ էին անում զորամացիները:
Կարդացեք Ալմա 31.3–4 և բացահայտեք, թե ինչո՞ւ նեփիացիները վախեցան զորամացիների արարքների պատճառով:
Մտածելով այն մասին, ինչ սովորել եք Մորմոնի Գրքի ուսումնասիրության ժամանակ, ձեր կարծիքով, ի՞նչը կօգներ զորամացիներին ապաշխարել և վերադառնալ դեպի ավետարանի ճշմարտությունը: Կարդացեք Ալմա 31.5 և բացահայտեք, թե Ալմայի կարծիքով, ինչը ամենարդյունավետը կլիներ զորամացիներին հետ բերելու համար:
-
Սուրբ գրությունների ուսումնասիրության ձեր օրագրում գրեք, թե, ձեր կարծիքով, ինչու է Աստծո խոսքը ամենազորեղը մարդկանց փոխելու համար, քան ուժ կամ այլ բան կիրառելը:
Խորհեք Տասներկու Առաքյալների Քվորումից Նախագահ Բոյդ Ք. Փաքերի հետյալ հայտարարության մասին` Աստծո խոսքի զորության վերաբերյալ.
«Ճշմարիտ վարդապետությունը, եթե հասկացվում է, փոխում է մտածելակերպը և վարքը:
Ավետարանի վարդապետությունների ուսումնասիրությունը ավելի արագ կբարելավի վարքը, քան վարքի ուսումնասիրությունը կփոխի վարքը: Անարժան պահվածքի մտահոգությունը կարող է հանգեցնել անարժան վարքի: Դա է պատճառը, որ մենք այդպես ուժով ձգտում ենք ուսումնասիրել ավետարանի վարդապետությունները» (“Little Children,” Ensign, Nov. 1986, 17):
Ըստ Ալմա 31.5 և Նախագահ Փաքերի հայտարարության հիման վրա, ավարտեք հետևյալ սկզբունքը. Աստծո խոսքն ուսումնասիրելը ինձ կառաջնորդի:
Բոլոր մյուս հնարավոր տարբերակներից բացի, վերոնշյալ սկզբունքը կարող եք ավարտել հետևյալ կերպ. Աստծո խոսքն ուսումնասիրելիս այն ինձ կառաջնորդի անելու այն, ինչը ճիշտ է:
-
Ալմա 31.8–23
Զորամացիներն աղոթում ու երկրպագում էին կեղծ ձևով
Ալման և յոթ հոգի գնում են Աստծո խոսքը քարոզելու զորամացիներին: Երբ նրանք ժամանեցին, նրանք զորամացիներին տեսան երկրպագելիս զարմանալի ձևով: Ի՞նչ եք մտածում երկրպագել բառը լսելիս:
Երկրպագությունը նշանակում է, թե ինչպես ենք մենք Աստծուն ցույց տալիս մեր սերը, ակնածանքը և նվիրվածությունը: Այնուամենայնիվ, իսկական երկրպագությունը ներառում է նաև սիրտը: Կարդացեք Ալմա 31.8–11 և բացահայտեք և նշեք այն բառերն ու արտահայտությունները, որոնք նկարագրում են զորամացիների երկրպագությունը:
Օգտակար կլինի իմանալ, որ «եկեղեցու ծիսակատարությունները» (Ալմա 31.10) կապված են «արարողությունների» հետ, ինչպես օրինակ այդ ժամանակ զոհաբերություն էր պահանջվում Մովսեսի օրենքի համաձայն կամ մեր օրերի հաղորդությունը: Կարող եք Ալմա 31.10-ում նշել պատճառներից մեկը, թե ինչու մենք ամեն օր պետք է աղոթենք և երկրպագություն անենք:
Կարող եք այս սկզբունքը գրել ձեր սուրբ գրությունների Ալմա 31.9–11 հատվածների կողքին. Աղոթելու և պատվիրանները պահելու մեր ամենօրյա ջանքերը ուժեղացնում են մեզ գայթակղությունների դեմ:
Որպես Յոթանասունական իր ծառայության ժամանակ Երեց Ռուլոն Ջ. Քրավենը կարևորել է ամենօրյա անձնական երկրպագությունը, որպես պաշտպանություն գայթակղությունների և սխալների դեմ. «Անցած տարիների ընթացքում ժամանակ առ ժամանակ ես Եղբայրների կողմից առաջադրանք էի ստանում հանդիպել Եկեղեցու ապաշխարող անդամների հետ և հարցազրույց վարել նրանց տաճարային օրհնությունների վերականգնման շուրջ: Դա միշտ եղել է հոգևոր փորձառություն, վերականգնելու այդ հիանալի մարդկանց օրհնությունները, ովքեր ապաշխարել էին: Նրանցից ոմանց ես հարցնում էի. «Ի՞նչ էր պատահել ձեր կյանքում, որ դուք ժամանակավորապես կորցրել էիք Եկեղեցում ձեր անդամությունը»: Արցունքն աչքերին նրանք պատասխանում էին. «Ես չէի ենթարկվել ավետարանի հիմնական սկզբունքներին` աղեթել, հաճախել եկեղեցի կանոնավոր կերպով, ծառայել եկեղեցում և ուսումնասիրել ավետարանը: Այնուհետև ես տրվեցի գայթակղություններին և կորցրեցի Սուրբ Հոգու առաջնորդությունը» (“Temptation,” Ensign, May 1996, 76):
Ինչպե՞ս է Երեց Քրավենի մեջբերումը հաստատում Ալմա 31.9–11-ում տեղ գտած ճշմարտությունը:
Կարդացեք Ալմա 31.12–23 և պատկերացրեք, թե ինչ կզգայիք, եթե լսեիք զորամացիներին իրենց աշտարակի մոտ աղոթելիս: Մտածեք հետևյալ հարցերի պատասխանների մասին.
-
Ի՞նչ մտահոգություն կունենայիք, եթե ինչ-որ մեկին լսեքի նման ձևով աղոթելիս:
-
Որո՞նք էին այն մի քանի կեղծ վարդապետությունները, որոնք զորամացիները արտասանում էին իրենց աղոթքում:
-
Ինչպիսի՞ն էր այլ մարդկանց հանդեպ նրանց վերաբերմունքը: (Նկատեք, թե քանի անգամ են մենք և մեզ բառերը հանդիպում զորամացիների աղոթքի մեջ:)
Այն բանից հետո, երբ յուրաքանչյուրը կրկնեում էր այդ նույն աղոթքը, «նրանք վերադառնում էին իրենց տները՝ այլևս երբեք չխոսելով կրկին իրենց Աստծո մասին, մինչև սուրբ հարթակի մոտ իրենց կրկին ի մի հավաքվելը՝ վեր հղելու գոհություն իրենց ձևով» (Ալմա 31.23):
-
-
Որո՞նք են շաբաթական միայն մեկ անգամ երկրպագելու, աղոթելու և Աստծո մասին խոսելու վտանգները:
-
Որո՞նք են այն մի քանի եղանակները, որոնցով մենք կարող ենք ամբողջ շաբաթվա ընթացքում երկրպագել Աստծուն:
-
Երկրպագելու ժամանակ մեր վերաբերմունքը նույնպես կարևոր է: Կարդացեք Տասներկու Առաքյալների Քվորումից Երեց Դալլիս Հ. Օուքսի հետևյալ արտահայտությունն այն մասին, թե ինչպես է մեր վերաբերմունքն ազդում երկրպագության վրա.
«Երկրպագությունը հաճախ գործողություն է պահանջում, սակայն ճշմարիտ երկրպագությունը ներառում է մտքի որոշակի վերաբերմունք:
«Երկրպագության հանդեպ վերաբերմունքը առաջացնում է հավատարմության, պաշտամունքի ու ակնածանքի խորը զգացումներ: Երկրպագությունն իր մեջ ներառում է հավատարմության վիճակում գտնվող սեր ու ակնածանք, որոնք մեր հոգիներն ավելի են մոտեցնում Աստծուն» (Pure in Heart [1988], 125):
-
Ալմա 31.24–38
Ալման աղոթում է միսիոներների զորության և հաջողության համար ` զորամացիներին դեպի Տերը ետ բերելում
Զորամացիների ուխտադուրժ երկրպագությունը տեսնելուց հետո Ալման աղոթում է Տիրոջը: Կարդացեք Ալմա 31.30–35 և ուշադրություն դարձրեք, թե ինչպես էր տարբերվում Ալմայի աղոթքը զորամացիների աղոթքից:
-
Կարդացեք Ալմա 31.36–38 և ուշադրություն դարձրեք այն օրհնություններին, որոնք Ալման և իր ուղեկիցները ստացան, երբ նրանք ստացան քահանայության օրհնությունները և քարոզեցին ավետարանը: Նկատեք, որ «նա դրեց իր ձեռքերը բոլոր նրանց վրա, ովքեր իր հետ էին» (Ալմա 30.36) արտահայտությունը վերաբերվում է ձեռնադրելուն:
Ալմայի և նրա զուգընկերների փորձառությունն ուսուցանում է հետևյալ սկզբունքը. Եթե մենք հավատքով ենք աղոթում ու գործում, մենք մեր փորձություններում կստանանք աստվածային օգնություն:
Իր աղոթքից հետո Ալման և իր ուղեկիցները ցույց տվեցին իրենց հավատքը, գնալով աշխատելու և վստահելով Տիրոջը, որ Նա կապահովի իրենց, երբ նրանք ծառայում են Նրան և Նրա զավակներին: Ուղիներ փնտրեք հավատքով աղոթելու Ալմայի օրինակին հետևելու համար:
-
Ես ուսումնասիրեցի Ալմա 31 և ավարտեցի այս դասը (ամսաթիվ):
Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.