Մաս 6. Օր 4

2 Նեփի 9–10

Նախաբան

Նախորդ դասի ընթացքում դուք ուսումնասիրեցիք Հակոբի վկայությունը, թե ինչ էր անելու Հիսուս Քրիստոսը մեզ համար Քավության միջոցով: Այս դասի ընթացքում դուք կավարտեք 2 Նեփի 9–ի և Հակոբի քարոզի առաջին օրվա ձեր ուսումնասիրությունը և կսովորեք, թե ինչ պետք է մենք անենք Քավության օրհնությունները ստանալու համար: Հակոբը նախազգուշացրեց զգուշանալ այնպիսի որոշումներ կայացնելուց, որոնք հեռացնում են մեզ Աստծուց, և նա հրավիրեց բոլորին գալ դեպի Քրիստոսը և փրկվել: Դուք նաև կկարդաք 2 Նեփի 10 և կսովորեք, թե ինչ ասաց Հակոբը մարդկանց հաջորդ օրը: Հակոբը կրկին ուսուցանեց, որ չնայած Իսրայելը կցրվի մեղքի պատճառով, Տերը կհիշի նրանց հետ կապած Իր ուխտերը, և Նա կհավաքի նրանց, երբ նրանք ապաշխարեն և վերադառնան Նրա մոտ: Հակոբն ասաց, որ «չկա ոչ մի ուրիշ ազգ երկրագնդի վրա, որը կխաչեր իր Աստծուն» (2 Նեփի 10.3): Նա կանխագուշակեց, որ Ամերիկան կլիներ ազատության երկիր, պաշտպանված կլիներ բոլոր ազգերից և թագավորներ չէին լինի այդտեղ: Հակոբը վկայեց, որ մարդը պետք է ենթարկվեր Աստծո կամքին և հիշեր, որ միայն Աստծո ողորմության միջոցով նա կարող էր փրկվել:

2 Նեփի 9.28–54

Հակոբը նախազգուշացնում է արարքների և վերաբերմունքի մասին, որ հեռացնում են մեզ Աստծուց և հրավիրում է բոլորին գալ Քրիստոսի մոտ

Անկման և մեր անձնական մեղքերի պատճառով մեզանից յուրաքանչյուրը Փրկչի կարիքն ունի: Հակոբը վկայել է, որ Քավության միջոցով մենք ազատված ենք անկման ազդեցություններից և կարող ենք հաղթահարել մեր մեղքերը և ստանալ հավերժական կյանք: Սա լուսաբանելու համար Հակոբն օգտագործեց դուռ և շավիղ հասկացությունները: Կարդացեք 2 Նեփի 9.41 և փնտրեք, թե ինչպես է Հակոբը նկարագրել շավիղը, որով մենք պետք է քայլենք հավերժական կյանքին հասնելու համար: Խորհեք հետևյալ հարցերի շուրջ. Ձեր կարծիքով ի՞նչ է նշանակում «եկեք դեպի Տերը»: (Խորհեք, թե արդյոք դուք գտնվում եք այն ուղու վրա, որը ավելի կմոտեցնի ձեզ Փրկչին:) Ձեր կարծիքով, ի՞նչ է նշանակում, որ «ճանապարհը [դեպի Փրկիչը] նեղ է, բայց այն ձգվում է ուղիղ հունով»:

Հակոբը նաև նկարագրեց Փրկչին որպես «դռան պահապան»: Սա Փրկչի դերի խորհրդանիշն է որպես մեր դատավոր: Դա Նա է, ով մեզ տալիս է Իր Քավության օրհնությունները` հիմնված մեր վերաբերմունքի և գործերի վրա: Հակոբը նաև ավելի մանրամասնորեն ուսուցանեց մեզ, թե ինչպես են մեր վերաբերմունքը և գործերը ազդում Փրկչի մոտ գալու մեր հնարավորության վրա:

1. Որպեսզի կարողանաք ներկայացնել վերաբերմունքը, մտքերը և գործողությունները, որ կարող են տանել մեզ Փրկչի մոտ, ձեր սուրբ գրությունների օրագրում կատարեք հետևյալը.

   1. Ձեր սուրբ գրությունների օրագրում ողջ էջի երկայնքով գծեք մի գիծ կենտրոնում և մի կողմում գրեք` Հեռացնում ենք մեր անձերը Քրիստոսից և մյուս կողմում` Գալիս ենք Քրիստոսի մոտ:

   2. Կարդացեք 2 Նեփի 9.27–39 և ներկայացրեք ցանկացած արարք կամ վերաբերմունք, որ ըստ Հակոբի նախազգուշացման, կարող է հեռացնել մեզ Փրկչից: Ձեր սուրբ գրությունների օրագրում կազմեք ձեր գտածների ցանկը, որ վերաբերվում են «Հեռացնում ենք մեր անձերը Քրիստոսից» սյունակին: Դուք կարող եք նաև ձեր սուրբ գրություններում նշել այն, ինչ գտնում եք: (Ուշադրություն դարձրեք, որ 2 Նեփի 9.28–29-ը սերտման սուրբ գրության հատված է: Դուք կարող եք նշել այն առանձնակի ձևով, որպեսզի դուք կարողանաք գտնել այն հետագայում:)

   3. Ընտրեք ձեր ներկայացրած արարքներից կամ վերաբերմունքից մեկը և պատասխանեք հետևյալ հարցին ձեր սուրբ գրությունների ուսումնասիրության օրագրի մի առանձին էջում. Ինչպե՞ս կարող է այս արարքը կամ վերաբերմունքը հեռու պահել մեզ Քրիստոսի մոտ գալուց և Նրա Քավության բոլոր օրհնությունները ստանալուց:

   4. Ի լրացում այն արարքների և վերաբերմունքի վերաբերյալ նախազգուշացման, որոնք հեռացնում են մեզ Տիրոջից, Հակոբն ուսուցանեց արարքների և վերաբերմունքի մասին, որոնք կօգնեն մեզ գալ դեպի Հիսուս Քրիստոսը: Կարդացեք 2 Նեփի 9.23, 42, 45–46, 49–52 և գտեք այն, ինչ Հակոբն ուսուցանեց, որ կբերեր մեզ Տիրոջ մոտ: Ձեր գտածը գրեք ձեր աղյուսակի «Գալիս ենք Քրիստոսի մոտ» սյունակում:

Ուսումնասիրելով 2 Նեփի 9.28–54` դուք սովորեցիք սկզբունք. Ընտրելով գալ Տիրոջ մոտ և ապրել համաձայն Նրա կամքի` մենք կարող ենք ստանալ Քավության բոլոր օրհնությունները:

2. Որպեսզի օգնենք ձեզ կիրառել այն, ինչ դուք սովորեցիք, ձեր սուրբ գրությունների օրագրում գրեք ստորև տրված երկու կամ ավելի հանձնարարությունների հարցերի պատասխանները.

   1. 2 Նեփի 9.23-ում դուք կարդացիք, որ Տերը պատվիրել է մեզ ապաշխարել և մկրտվել: Չնայած դուք կարող է արդեն իսկ մկրտվել եք, ինչպե՞ս է հաղորդության միջոցով մկրտության ուխտերը վերանորոգելը օգնում ձեզ գալ Տիրոջ մոտ և ստանալ Նրա Քավության օրհնությունները:

   2. Ձեր կարծիքով, ի՞նչ է նշանակում ունենալ «կատարյալ հավատք առ Իսրայելի Սուրբը» (2 Նեփի 9.23): Որո՞նք են այն ուղիները, որոնցով դուք այժմ ցույց եք տալիս ձեր հավատքն առ Տերը:

   3. Ի՞նչ է նշանակում «ետ դարձեք ձեր մեղքերից» (2 Նեփի 9.45): Ի՞նչը կարող է օգնել ձեզ ետ դառնալ ձեր մեղքերից:

   4. Ի՞նչ օրինակներ կարող եք բերել, երբ փողը ծախսում եք այն բանի վրա, «ինչն արժեք չունի» կամ աշխատում եք «այն բանի համար, որ չի կարող բավարարել» (2 Նեփի 9.51): Ինչպե՞ս դուք կարող եք ավելի լավ հավասարակշռել, թե ինչպես եք ծախսում ձեր ժամանակը դպրոցի, սովորելու, Եկեղեցու, ստեղծագործական և հասարակական զանազան միջոցառումներում:

   5. Ինչպե՞ս դուք կարող եք «ճաշակել այն, ինչը չի ոչնչանում» (2 Նեփի 9.51):

   6. Հակոբը հորդորեց մարդկանց, ասելով. «գոհություն հայտնեք» և «թող ձեր սրտերը հրճվեն» (2 Նեփի 9.52): Ձեր կարծիքով, ինչո՞ւ է կարևոր հետևել այս խորհրդին, մինչ դուք ձգտում եք գալ Փրկչի մոտ:

3. Ձեր սուրբ գրությունների օրագրում գրեք, թե ինչպես են ձեր ուսումնասիրած արարքներից կամ վերաբերմունքից մեկը կամ շատերը ձեզ ավելի մոտեցրել Փրկչին:

Սուրբ գրությունների սերտում— 2 Նեփի 9. 28–29

Ի՞նչ եք դուք անում ձեր ներկայիս կրթական հնարավորություններից օգտվելու համար: Որո՞նք են ձեր հետագա կրթության ապագա ծրագրերը:

Կարդացեք Նախագահ Գորդոն Բ. Հինքլիի հետևյալ խոսքերը և ընդգծեք օրհնությունները, որոնք կարող են առաջ գալ սովորելուց. «Դուք կանգնած եք մեծ մարտահրավերների առաջ, որոնք գտնվում են առաջիկայում: Դուք մուտք եք գործում անողոք մրցակցության աշխարհ: Դուք պետք է ձեռք բերեք այն ամբողջ կրթությունը, որ կարող եք: Տերը հրահանգել է մեզ կրթության կարևորության վերաբերյալ: Այն ձեզ կորակավորի ավելի մեծ հնարավորությունների համար: Այն կպատրաստի ձեզ անել կարևոր բան հնարավորությունների այս մեծ աշխարհում, որ փռված է ձեր առջև: Եթե դուք կարող եք քոլեջ գնալ և դա ձեր ցանկությունն է, ապա արեք դա: Եթե դուք չունեք քոլեջ գնալու ցանկություն, ապա գնացեք մասնագիտական կամ բիզնես դպրոց, որպեսզի զարգացնեք ձեր հմտությունները և մեծացնեք ձեր հնարավորությունները» (“Converts and Young Men,” Ensign, May 1997, 49–50):

Կարդացեք 2 Նեփի 9.28 և նշեք, թե ինչ ասաց Հակոբը ծուղակների մասին, երբ ուսյալ լինելու վերաբերյալ սխալ վերաբերմունք է ձևավորվում:

4. Սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Ձեր կարծիքով, ի՞նչ է նշանակում «Երբ նրանք ուսյալ են, նրանք կարծում են, թե իմաստուն են» արտահայտությունը:

   2. Ի՞նչ վտանգներ կան, երբ մենք մտածում ենք, որ ավելի իմաստուն ենք, քան ծնողը, մեր եպիսկոպոսը կամ ճյուղի նախագահը, մարգարեն կամ մեր Երկնային Հայրը:

Կարդացեք 2 Նեփի 9.29 և նշեք, թե ինչ պետք է դուք հիշեք, երբ դուք կրթություն եք փնտրում:

5. Ձեր սուրբ գրությունների օրագրում պատասխանեք հետևյալ հարցին. Ինչպե՞ս է ջանասիրաբար սուրբ գրություններն ուսումնասիրելն օգնում ձեզ ապրել համաձայն 2 Նեփի 9.29–ի սկզբունքի:

2 Նեփի 10

Հակոբը քաջալերում է մարդկանց ուրախանալ և գալ դեպի Տերը

Իր ուսուցանելու երկրորդ օրը Հակոբը կրկին վկայեց մեղքի հետևանքներից ազատելու Տիրոջ զորության մասին: Հակոբը նաև ուսուցանեց իր ժողովրդին, թե ինչպես նրանք պետք է արձագանքեն Քավության ողորմած պարգևին: Կարդացեք 2 Նեփի 10.20, 23–25 և նշեք արտահայտությունները, որոնք մատնանշում են, թե ինչ ուսուցանեց Հակոբը, որ մենք պետք է անենք ի պատասխան մեր համար կատարած Փրկչի զոհաբերությանը:

6. Սուրբ գրությունների ուսումնասիրության ձեր օրագրում պատասխանեք այս հարցերից որևէ մեկին.

   1. Խորհելով այն ամենի մասին, ինչ դուք սովորել եք Փրկչի մասին, ինչո՞ւ եք դուք ուզում միշտ «հիշել նրան» (2 Նեփի 10.20):

   2. Ինչո՞ւ եք կարծում, որ ձեր որևէ սխալ արարքից հետ կանգնելը կամ ապաշխարելը ցույց կտա ձեր երախտագիտությունը և սերը Փրկչի հանդեպ:

   3. Ի՞նչ եք դուք սովորել Փրկչի մասին, որ օգնում է ձեզ հույս ունենալ, և ոչ թե «կախել» ձեր գլուխը հուսահատությունից:

Այս գլխի կարևոր արտահայտությունն է «հաշտվեք Աստծո կամքի հետ» (2 Նեփի 10.24): Դա նշանակում է, որ մենք պետք է վերահաստատենք մտերիմ հարաբերություններ Տիրոջ հետ` լինելով հնազանդ և ներդաշնակ Նրա կամքին: Վերանայեք բոլոր սուրբ գրությունները, որոնք նշել եք 2 Նեփի 9–10-ում: Փնտրեք Սուրբ Հոգու առաջնորդությունը, երբ դուք որոշում եք մի բան, որը կարող եք անել, որպեսզի հաշտվեք Աստծո կամքի հետ:

7. Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի 2 Նեփի 9–10 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.