Մաս 23. Օր 2
Հելաման 11–12
Նախաբան
Հելաման 11 և 12 գլուխներն ընդգրկում են Նեփիացիների պատմության 14 տարի և ցույց են տալիս, թե ինչպես են մարդիկ անցնում արդարակեցության ու ամբարշտության շրջանով: Իրենց հպարտության պատճառով մարդիկ հրաժարվեցին ապաշխարել իրենց ամբարշտությունից: Նեփին փակեց երկինքը, որի հետևանքով առաջացավ երաշտ ու սով: Երաշտն ու սովը խոնարհեցրեցին մարդկանց, և նրանք ապաշխարեցին ու դարձան դեպի Տերը: Խոնարհ չլինելու պատճառով մարդիկ սկսել էին արագ մոռանալ Տիրոջը` իրենց Աստծուն, մինչև նրանք եկան հասկացողության, թե որքան շատ ունեին Նրա օգնության կարիքը: Նրա ողորմությամբ Աստված խրատում է Իր ժողովրդին, որպեսզի բերի նրանց ապաշխարության ու փրկության:
Հելաման 11
Նեփիացիներն անցնում են արդարակեցության ու ամբարշտության շրջանով
-
Սուրբ Գրությունների ուսումնասիրության ձեր օրագրում նկարեք արդարակեցության ու ամբարշտության հետևյալ շրջանը: Այս շրջանին հաճախ վերագրում են որպես «հպարտության շրջան»: Ուշադրություն դարձրեք, որ շրջանի թիվ 4 տարրը բացակայում է սխեմայից: Ձեր կարծիքով, ինչպե՞ս կարելի էր բարձրացնել մարդկանց կործանումից ու տառապանքից դեպի արդարակեցություն ու բարգավաճում: Հելաման 11-ն ուսումնասիրելիս` փնտրեք տեղեկություն, որը կօգնի ձեզ լրացնել շրջանի այս կետը:
Ինչպես կարդում եք Հելաման 10-ում` մարդիկ չէին լսում Աստծո խոսքը, որը նրանց ասվում էր մարգարե Նեփիի կողմից: Վերանայեք Հելաման 10.18 և պարզեք, թե հպարտության շրջանի որ կետում էին Նեփիացիներն այդ ժամանակահատվածում (դատավորների կառավարման 71-րդ տարվա ավարտ):
Սուրբ գրությունների հետևյալ վարժությունը կօգնի ձեզ տեսնել Մորմոնի Գրքի ժողովրդի մեջ եղած արդարակեցության ու ամբարշտության այս շրջանն իրենց պատմության 14 տարիների ընթացքում: Կարդացեք հետևյալ սխեմայի վրա նշված սուրբ գրության հղումները Հելաման 11-ում և գրեք համառոտ նկարագրություն Նեփիացիների վիճակի մասին ու լրացրեք թվերը` ցույց տալով, թե հպարտության շրջանի որ մասում կդնեիքնրանց: Երկու օրինակ է տրամադրված ձեզ համար: Ուշադրություն դարձրեք բառերին, որոնք կօգնեն ձեզ լրացնել շրջանում բաց թողնված չորրորդ կետը, որը դուք նկարել եք սուրբ գրությունների ուսումնասիրության ձեր օրագրում:
|
Դատավորների կառավարման տարի |
Նեփիացիների վիճակի համառոտ նկարագրություն |
Շրջանի դիրքը | |
|---|---|---|---|
|
72–73 |
Հակառակությունն ու պատերազմները շատացան; գաղտնի ավազակախմբերը շարունակում էին իրականացնել կործանման աշխատանքը: |
2, 3 | |
|
73–75 | |||
|
75 | |||
|
76–77 |
Մարդիկ ուրախանում ու փառաբանում էին Աստծուն. նրանք արդարակյաց էին ու կրկին բարգավաճեցին: |
4, 1 | |
|
78–79 | |||
|
80 | |||
|
80–81 | |||
|
82–85 |
Ինչպես ցույց է տրված սուրբ գրության վարժության մեջ, հպարտության շրջանի 4-րդ տարրը «խոնարհությունն ու ապաշխարությունն» է: Գրեք սա սուրբ գրությունների ուսումնասիրության ձեր օրագրի սխեմայում:
-
Դուք կարող եք գրել հետևյալ սկզբունքը ձեր սուրբ գրություններում` Հելաման 11-ում: Խոնարհության ու ապաշխարության միջոցով մենք կարող ենք խուսափել հպարտությունից ու կործանումից: Դուք կարող եք նշել Հելաման 11.4-ում, թե ինչ էր ակնկալում Նեփին, որ սովը կաներ իր ժողովրդի համար:
Մտածեք հետևյալ հարցերի պատասխանների մասին.
-
Հասարակությունը, ընտանիքը կամ անհատը պե՞տք է հետևի հպարտության շրջանին:
-
Ձեր կարծիքով, հասարակությունը, ընտանիքը կամ անհատը ի՞նչ պետք է անի, որպեսզի խուսափի հպարտության շրջանի մեջ ընկնելուց:
Տասներկու Առաքյալների Քվորումից Երեց Ռիչարդ Ջ. Սքոթը Նեփիի աղոթքի վերաբերյալ ասել է հետևյալը. «Տերը լսեց Իր ծառայի աղերսանքը [Հելաման 11.10–14-ում] և դադարեցրեց սովը, բայց ոչ ավելի շուտ, քան հաջորդող տարում: Այս իրադարձությունը ցույց է տալիս, որ Տերը լսում է մեր խնդրանքներն անմիջապես, բայց պատասխանում է, երբ, Նրա իմաստությամբ, մենք ամենից շատ օգուտ կքաղենք Նրա պատասխանից» (“Nephi, Son of Helaman,” in Heroes from the Book of Mormon [1995,] 154):
Նախագահ Էզրա Թավթ Բենսոնն ուսուցանել է այն մասին, թե ինչ կարող ենք անել, որպեսզի խուսափենք հպարտության շրջանի մեջ ընկնելուց.
«Աստված ունենալու է խոնարհ ժողովուրդ: Մենք կամ կարող ենք ընտրել լինել խոնարհ կամ կարող ենք հարկադրվել լինել խոնարհ: Ալման ասել է. «Օրհնված են նրանք, ովքեր խոնարհեցնում են իրենց, առանց հարկադրված լինելու` լինել խոնարհ» (Ալմա 32.16):
Եկեք ընտրենք լինել խոնարհ:
Մենք կարող ենք ընտրել խոնարհեցնել ինքներս մեզ` պայքարելով մեր եղբայրների ու քույրերի նկատմամբ ունեցած թշնամության [ատելության] դեմ, հարգելով նրանց այնպես, ինչպես ինքներս մեզ ենք հարգում, և բարձրացնելով նրանց այնտեղ, որտեղ մենք ենք կամ ավելի բարձր: …
Մենք կարող ենք ընտրել հնազանդեցնել ինքներս մեզ` ստանալով խորհուրդ կամ նախատինք: …
Մենք կարող ենք ընտրել հնազանդեցնել ինքներս մեզ` ներելով նրանց, ովքեր վիրավորել են մեզ: …
Մենք կարող ենք ընտրել հնազանդեցնել ինքներս մեզ` մատուցելով ինքնամոռաց ծառայություն: …
«Մենք կարող ենք ընտրել հնազանդեցնել ինքներս մեզ` գնալով միսիա և քարոզելով այն խոսքը, որը կարող է հնազանդեցնել ուրիշներին …
Մենք կարող ենք ընտրել հնազանդեցնել ինքներս մեզ` ավելի հաճախ գնալով տաճար:
Մենք կարող ենք ընտրել հնազանդեցնել ինքներս մեզ` խոստովանելով և թողնելով մեր մեղքերը և Աստծուց ծնվելով: …
Մենք կարող ենք ընտրել հնազանդեցնել ինքներս մեզ` սիրելով Աստծուն, ենթարկելով մեր կամքը Նրա կամքին և դնելով Նրան առաջին տեղում մեր կյանքում: …
Եկեք ընտրենք լինել հնազանդ: Մենք կարող ենք դա անել: Ես գիտեմ, որ մենք կարող ենք» (“Beware of Pride,” Ensign, May 1989, 6–7):
Հելաման 12
Մորմոնը բացատրում է, թե ինչու է Տերը խրատում իր ժողովրդին
Պատկերացրեք դուք մարգարե Մորմոնն եք և վերջացնում եք գրել Նեփիացիների պատմության 14 տարվա մասին` հիշատակված Հելաման 11-ում: Ինչպես կավարտեիք հետևյալ խոսքը. «Եվ այսպիսով, մենք կարող ենք տեսնել .”
Կարդացեք Հելաման 12.1և նշեք, թե ինչ էր ուզում Մորմոնը, որ մենք տեսնեինք: Խորհեք, թե ինչ կարող էր Մորմոնն ի նկատի ունենալ ասելով`«անկայուն են մարդկանց զավակների սրտերը»:
Ուսումնասիրեք Հելաման 12.2–3 և նշեք այլ դասեր, որոնք Մորմոնն ուզում էր, որ մենք սովորենք: Հատուկ ուշադրություն դարձրեք «մենք կարող ենք տեսնել» (հատված 2) և «այսպիսով, մենք տեսնում ենք» արտահայտություններին (հատված 3):
-
-
Ձեր կարծիքով, ինչո՞ւ նրանց համար, ովքեր բարգավաճում են, այդքան հեշտ է մոռանալ Տիրոջը:
-
Մեր օրերում հեշտության ու բարգավաճման ինչպիսի՞ օրինակները կարող են մարդուն մոռացնել տալ Աստծուն:
-
Ինչպիսի՞ իրավիճակներ գիտեք, երբ մարդը կամ մի խումբ մարդիկ մոռացել են Տիրոջը իրենց բարգավաճման ժամանակ:
-
Որոշ դասեր, որ Մորմոնն ուզում էր իր ընթերցողները սովորեին, հետևյալն են. եթե մենք զգույշ չլինենք, մեր բարգավաճումը կարող է մեզ մոռացնել տալ Տիրոջը, և Տերը նախատում է Իր ժողովրդին, որպեսզի արթնացնի նրանց հիշողությունն Իր մասին:
Տասներկու Առաքյալների Քվորումից Երեց Դ. Թոդ Քրիստոֆերսոնն ուսուցանել է այն մասին, թե ինչու է Տերը մեզ խրատում.
«Թեև դրան դժվար է դիմանալ, մենք իսկապես պետք է ուրախանանք, որ Աստված մեզ այնքան արժանի է համարում, որ ժամանակ է գտնում և անհանգստանում մեզ ուղղելու համար: …
«Աստվածային խրատն ունի առնվազն երեք նպատակ. (1) համոզել մեզ ապաշխարել, (2) կատարելագործել և սրբագործել մեզ, և (3) երբեմն փոխել մեր կյանքի ուղին, դարձնելով այն ավելի լավ ուղի` ըստ Աստծո իմաստության» («Ես որոնց որ սիրում եմ հանդիմանում և խրատում եմ», Ինսայն կամ Լիահոնա, Մայիս 2011, 97):
Ձեր կարծիքով, այս նպատակներից ո՞րն է արտացոլում Նեփիացիներին ու Լամանացիներին խրատելու Տիրոջ մտադրությունը Հելաման 11–12-ում: Ինչպիսի՞ նպատակների համար է Նա կիրառել խրատելը ձեր կյանքում:
-
-
Կարդացեք Հելաման 12.4–6 և ուշադրություն դարձրեք այն հավելյալ նկարագրություններին, որոնք բնութագրում են նրանց, ովքեր մոռանում են Աստծուն: Որո՞նք են անձնական դիրքորոշումները, որոնք խոչընդոտում են անհատներին հիշել Աստծուն:
-
Կարդացեք Հելաման 12.7–13: Ինչո՞ւ Մորմոնն ասաց «[մարդկանց զավակները] … ավելի չնչին են, քան հողի փոշին»: Ի՞նչ է անում փոշին, որ մարդիկ երբեմն չեն ցանկանում անել:
-
Նախագահ Ջոզեֆ Ֆիլդինգ Սմիթն ուսուցանել է. «Այս մարգարեն` [Մորմոնը], ի նկատի չուներ ասել, որ Տերն ավելի շատ է մտահոգված կամ ավելի շատ է սիրում հողի փոշին, քան Իր զավակներին: … Իր առաջադրած դրույթն ասում է, որ հողի փոշին հնազանդ է: Այն շարժվում է այստեղ ու այնտեղ Տիրոջ հրամանով: Բոլոր բաները ներդաշնակության մեջ են Իր օրենքների հետ: Ամեն բան տիեզերքում հնազանդվում է իրեն տրված օրենքին, որքանով որ ես գիտեմ, բացի մարդուց: Ամեն տեղ, ուր նայում եք, դուք տեսնում եք օրենք և կարգ ու կանոն, իրենց տրված օրենքին հնազանդվող տարրեր` հավատարիմ իրենց կոչմանը: Բայց մարդը բողոքում է, և սրանով մարդն ավելի չնչին է, քան հողի փոշին, որովհետև նա մերժում է Տիրոջ խորհուրդները» (in Conference Report, Apr. 1929, 55):
Մորմոնը հասկանում է, որ մարդիկ, ովքեր ուզում են, որ Աստված լինի իրենց առաջնորդը, ավելին են, քան հողի փոշին: Նրա համեմատությունը նրանց ուշադրությունը հրավիրելու համար էր, ովքեր հպարտ են և մերժում են Տիրոջ ձայնը, և ովքեր ունեն անկայուն սիրտ: Ինչպես հիշատակված է Հելաման 12.9–20-ում, Մորմոնը հիշեցնում է մեզ ֆիզիկական տարրերի վրա ունեցած Տիրոջ մեծ զորության մասին`դրանք բոլորը շարժվում են Նրա հրամանով: Մի պահ խորհեք, թե որքանով եք հնազանդվում Տիրոջ պատվիրաններին: Ինչպե՞ս է Նրա պատվիրաններին հնազանդվելու ձեր ցանկությունը ցույց տալիս խոնարհություն: Ինչպե՞ս է մեր ընտրության իրավունքով ընտրել չհնազանդվել Նրա խոսքերին ցույց տալիս հպարտություն:
-
-
Եվ այսպիսով, ես տեսա Հելաման11–12-ում …
-
Հետևաբար ես …
-
Երբ մենք հիշում ենք Տիրոջը, լսում ենք Նրա ձայնը և ապաշխարում ենք, մենք ցույց ենք տալիս մեր խոնարհությունը և մեր հավատքն առ Նա: Փոխարենը Նա պահում է մեզ օրհնելու և բարգավաճում պարգևելու Իր խոստումը` վերջիվերջո շնորհելով մեզ հավերժական կյանք:
-
Ես ուսումնասիրեցի Հելաման 11–12 և ավարտեցի այս դասը (ամսաթիվ):
Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.