Մաս 5. Օր 4

2 Նեփի 3

Նախաբան

2 Նեփի 3-ում Լեքին խորհուրդներ և օրհնություններ տվեց իր կրտսեր որդուն` Հովսեփին: Այդ ժամանակ Լեքին պատմեց Եգիպտոսի Հովսեփի մարգարեության մասին, որը վերաբերվում էր Ջոզեֆ Սմիթ Կրտսեր ընտրյալ տեսանողի դերին` Մորմոնի Գիրքն առաջ բերելիս: Այս դասի ժամանակ դուք հնարավորություն կունենաք ձեռք բերել ավելի մեծ երախտագիտություն Մարգարե Ջոզեֆ Սմիթի հանդեպ և ավետարանի Վերականգնման հարցում ավելի ամուր վկայություն Աստծուց նշանակված նրա դերի հանդեպ:

2 Նեփի 3.1–25

Լեքին պատմում է Եգիպտոսի Հովսեփի մարգարեությունը Մարգարե Ջոզեֆ Սմիթի մասին

Լեքին շարունակում է իր ընտանիքին ուղղված իր վերջին խորհուրդը, ուսուցանելով իր որդի Հովսեփին երեք այլ մարդկանց մասին, ովքեր նույնպես ունեին Հովսեփ անունը: 2 Նեփի 3-ի սուրբ գրության հղումը գծիկով միացրեք Հովսեփի կամ Հովսեփների հետ, ում մասին դուք սովորում եք այդ հատվածում:

Այս դասը կկենտրոնանա Մարգարե Ջոզեֆ Սմիթի վերաբերյալ Եգիպտոսի Հովսեփի մարգարեության վրա` տրված Ջոզեֆ Սմիթի ծնվելուց ավելի քան 3000 տարի առաջ:

1. Ձեր սուրբ գրությունների օրագրում սկսեք թվարկել իրադարձությունները և ուսմունքները, որոնք հիշում եք, երբ մտածում եք Մարգարե Ջոզեֆ Սմիթի և ավետարանի Վերականգնման գործում նրա դերի մասին: Դուք ավելացումներ կանեք այս ցանկում, երբ դուք ավելի շատ տեղեկություններ բացահայտեք այս դասի ընթացքում, ուստի սենյակից հեռանալուց հետո գրեք ավելին:

Ցուցակ կազմել

Ցուցակները կարող են օգնել ձեզ կարգավորել այն, ինչ դուք սովորում եք սուրբ գրություններից և մարգարեներից, որպեսզի դուք կարողանաք հիշել այն և պատրաստ լինել կիսվելու ուրիշների հետ ձեր իմացածով: Ցուցակ կազմելիս տվեք դրան պարզ վերնագիր և ներառեք համապատասխան տեղեկություններ, որպեսզի դուք կարողանաք հիշել ցուցակի նպատակը, երբ դուք ավելի ուշ անդրադառնաք դրան:

Կարդացեք 2 Նեփի 3.6–8 և ներկայացրեք բառեր և արտահայտություններ, որոնք օգտագործել է Եգիպտոսի Հովսեփը` Մարգարե Ջոզեֆ Սմիթին և նրա կատարած աշխատանքը նկարագրելու համար: Ձեր սուրբ գրությունների օրագրի ձեր ցանկին ավելացրեք Մարգարեի մասին այս բառերից և արտահայտություններից ցանկացածը, որոնք ձեր կարծիքով կարևոր են: Այս հատվածներում Եգիպտոսի Հովսեփը վկայել է, որ Տերը բարձրացրել է Մարգարե Ջոզեֆ Սմիթին` օգնելու առաջ բերել ավետարանի Վերականգնումը: Մինչ դուք շարունակեք ուսումնասիրել 2 Նեփի 3, փնտրեք լրացուցիչ ճշմարտություններ Մարգարե Ջոզեֆ Սմիթի մասին, որոնք կարող են ամրապնդել ձեր վկայությունը նրա աստվածային առաքելության վերաբերյալ և ավելացրեք դրանք ձեր ցանկում:

Որպեսզի ավելի լավ հասկանաք Եգիպտոսի Հովսեփի մարգարեությունը, ուշադրություն դարձրեք, թե որքան հաճախ է տեսանող բառը հայտնվում 2 Նեփի 3.6–7, 11 և 14 հատվածներում: Դուք կարող եք այս հատվածներից մեկի դիմաց լուսանցքում նշել, որ տեսանողը մի անձ է, ով կարող է իմանալ բաներ անցյալի, ներկայի և ապագայի մասին (տես Մոսիա 8.13–17):

2 Նեփի 3.7-ում Եգիպտոսի Հովսեփն ասում է, որ Տերն ասել է իրեն, որ Ջոզեֆ Սմիթը կանի «այն գործը … որը կլինի մեծ արժեքի» իր սերունդների համար: Ուսումնասիրեք 2 Նեփի 3.11–15, 19–21, փնտրելով, թե ինչ «մեծ արժեք» ունեցող գործ կիրագործի Տերը Մարգարե Ջոզեֆի միջոցով: Ուսումնասիրության նյութերը, որոնք մատչելի են ձեզ (գլուխների ենթատեքստերը, տողատակի հղումները, Սուրբ Գրությունների Ուղեցույցը և նմանատիպ այլ նյութերը), կարող են օգնել ձեզ հասկանալ շատ մանրամասներ, որոնց անդրադարձել է Եգիպտոսի Հովսեփը: Երբ դուք գտնեք Մարգարե Ջոզեֆ Սմիթի դերի վերաբերյալ նոր տեղեկություն, ավելացրեք այն ձեր սուրբ գրությունների օրագրի ցանկում:

Երբ սուրբ գրություններում խոսվում է «[ինչ-որ մեկի] երանքի պտղի» մասին, դրանք վերաբերվում են այդ անձնավորության հետնորդներին: Եգիպտոսի Հովսեփը մարգարեացավ, որ Մարգարե Ջոզեֆ Սմիթը` իր հետնորդներից մեկը, առաջ կբերեր Մորմոնի Գիրքը վերջին օրերում:

2 Նեփի 3.12-ում «քո երանքի պտուղը [Եգիպտոսի Հովսեփի հետնորդները] պիտի գրի» արտահայտությունը վերաբերվում է գրի առնված սուրբ գրքային հիշատակարանին` Մորմոնի Գրքին, որը կազմվել էր Հովսեփի հետնորդների կողմից (տես 2 Նեփի 3.4): Մարգարեացվել էր, որ Մորմոնի Գիրքը «պիտի սերտաճի» Աստվածաշնչի հետ, որը սուրբ հիշատակարան է` գրված «Հուդայի երանքի պտղի» կողմից: 2 Նեփի 3.12-ում փնտրեք արտահայտություններ, որոնք նկարագրում են ազդեցությունը, որը Մորմոնի Գիրքը և Աստվածաշունչը կունենային աշխարհի վրա, երբ դրանք սերտաճեին:

Եգիպտոսի Հովսեփը նաև մարգարեացել էր, որ Մարգարե Ջոզեֆ Սմիթը կարևոր դեր կխաղար Երկնային Հոր ծրագրում և ասել` «կբերի իմ ժողովրդին փրկության» (2 Նեփի 3.15):

2. Ձեր սուրբ գրությունների օրագրում պատասխանեք հետևյալ հարցերին, որոնք կօգնեն ձեզ շարունակել մեծացնել ձեր երախտագիտությունը Երկնային Հոր փրկության ծրագրում Ջոզեֆ Սմիթի կատարած դերի համար.

   1. Որո՞նք են ուխտերի, իշխանության կամ արարողությունների որոշ օրինակները, որոնք վերականգնվել են Մարգարե Ջոզեֆ Սմիթի միջոցով, որոնք կարող են օգնել բերել մարդկանց փրկություն:

   2. Ձեր կյանքում ի՞նչ փոփոխություններ են մտցրել այս օրհնությունները:

Փնտրեք բառեր կամ արտահայտություններ, որոնք նկարագրում են Մարգարե Ջոզեֆ Սմիթին 2 Նեփի 3.24-ում, և ավելացրեք դրանք ձեր սուրբ գրությունների օրագրի ցանկում: Երբ դուք կարդաք Նախագահ Գորդոն Բ. Հինքլիի հետևյալ խոսքերը, ձեր ցանկին ավելացրեք Մարգարե Ջոզեֆ Սմիթի ցանկացած ուսմունք, որը հաստատում է, որ նա եղել է «գործիք Աստծո ձեռքում».

«Թույլ տվեք ինձ նշել բազմաթիվ վարդապետություններից և փորձառություններից մի քանիսը, որոնք մեզ առանձնացնում են մնացած բոլոր եկեղեցիներից և որոնք բոլորը որպես հայտնություն տրվել են պատանի Մարգարեին [Ջոզեֆ Սմիթին]: …

Սրանցից առաջինը, իհարկե, հենց Իր` Աստծո և Իր սիրելի Որդու` հարություն առած Տեր Հիսուս Քրիստոսի հայտնվելն է: …

Աստվածության այս գիտելիքը, որ թաքցված էր աշխարհից դարեր շարունակ, առաջին և մեծ բանն էր, որ Աստված հայտնեց իր ընտրյալ ծառային: …

Մորմոնի Գիրքն առաջ եկավ Աստծո շնորհով և զորությամբ: …

[Մարգարե Ջոզեֆ Սմիթի միջոցով վերականգնվեց նաև] քահանայությունը: …

Մարգարեին տրված մեկ այլ հրաշալի և եզակի հայտնություն էր ընտանիքի հավերժական կյանքի ծրագիրը: …

Փոքր երեխաների անմեղությունը մեկ այլ հայտնություն է, որն Աստված տվել է Մարգարե Ջոզեֆի միջոցով: …

…Այս Եկեղեցին միակն է, որն ունի մահացածների փրկության մեծ վարդապետություն: …

Հայտնի է դարձվել մարդու հավերժական էությունը: …

Կա ևս մի բան, որը ես պետք է նշեմ: Դա ժամանակակից հայտնության սկզբունքն է: …

…Իր կյանքի 38 ու կես կարճ տարիների ընթացքում, [Մարգարե Ջոզեֆ Սմիթի] միջոցով գիտելիքների, պարգևների և վարդապետության անհամեմատելի զեղում առաջ եկավ» (“The Great Things Which God Has Revealed,” Ensign, May 2005, 80–83):

Մարգարե Ջոզեֆ Սմիթի նահատակությունից հետո Նախագահ Ջոն Թեյլորը գրեց մի բան, որը դարձավ Վարդապետություն և Ուխտեր 135–ը: Կարդացեք Վարդապետություն և Ուխտեր 135.3 և խորհեք, թե ինչ եք դուք սովորել այս դասի ընթացքում Երկնային Հոր ավետարանի Վերականգնման ծրագրի համար Ջոզեֆ Սմիթի դերի մասին:

3. Ձեր սուրբ գրության օրագրում գրեք հետևյալ հարցերից մեկի պատասխանը.

   1. Ի՞նչ եք այսօր դուք սովորել կամ զգացել 2 Նեփի 3 ուսումնասիրելիս, ինչն ամրացնում է Մարգարե Ջոզեֆ Սմիթի մասին ձեր վկայությունը:

   2. Ի՞նչ է արել, ուսուցանել կամ վերականգնել Ջոզեֆ Սմիթը, որ «մեծ արժեք» (2 Նեփի 3.7) ունի ձեզ համար:

Աղոթքով փնտրեք ուղիներ ձեր ընկերների և ընտանիքի հետ Մարգարե Ջոզեֆ Սմիթի վերաբերյալ ձեր վկայությամբ կիսվելու համար, որպեսզի օգնեք նրանց հասկանալ մեծ արժեք ունեցող շատ բաներ, որոնք վերականգնվել են նրա միջոցով:

4. Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի 2 Նեփի 3 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.