Մաս 18. Օր 1

Ալմա 25–29

Նախաբան

Տարիներ շարունակ ավետարանը քարոզելուց հետո, Ամմոնը աղոթում է Աստծուն և հայտնում իր երախտագիտությունը այն օրհնության համար, որ նա եղել է գործիք Նրա ձեռքերում, որպեսզի ավետարանը հասցնի լամանացիներին: Շատ լամանացիներ հավատացին Տիրոջը, ապաշխարեցին և իրենց անվանակոչեցին Անթի-Նեփի-Լեքիներ: Այն բանից հետո, երբ Անթի-Նեփի-Լեքիները Աստծո հետ ուխտ կապեցին, որ այլևս չեն վերցնի իրենց կռվի զենքերը, ամաղեկացիները և լամանացիները պատրաստվեցին ճակատամարտ տալ նրանց դեմ: Որպեսզի իրենք հնարավորություն ունենային պահելու Տիրոջ հետ կապած իրենց ուխտերը, Անթի-Նեփի-Լեքիները նեփիացիներից ընդունում են պաշտպանության առաջարկը: Նեփիացի մարգարե Ալման արտահայտում է այն ուրախությունը, որը նա ապրեց` քարոզելով ավետարանը և հրավիրելով բոլորին գալ դեպի Հիսուս Քրիստոսը:

Ալմա 25

Աբինադիի մարգարեությունը կատարվեց և շատ լամանացիներ դարձի եկան

Մտածեք այն բոլոր փոփոխությունների մասին, երբ դուք ավելի մոտիկից ընդունեցիք Հիսուս Քրիստոսի ավետարանը: Ալմա 25 գլուխը ցույց է տալիս մեզ, որ Աբինադիի մարգարեությունն այն մասին, որ Նոյի քահանաների սերունդը կբռնվի և կսպանվի, կատարվում է, և ցույց է տալիս, որ Տերը հաստատում է Իր մարգարեներին և իրականացնում է նրանց ոգեշնչված մարգարեությունները (տես Ալմա 25.9): Այն նաև ցույց է տալիս, թե որքան լամանացիներ ապաշխարեցին և միացան Անթի-Նեփի_Լեքիներին: Կարդացեք Ալմա 25.14 և բացահայտեք այն, թե ինչ արեցին այդ լամանացիները, երբ նրանք դարձի եկան դեպի ավետարանը: Ալմա 25.15-ում մենք իմանում ենք երկու պատճառ, ըստ որոնց նրանք պահում էին Մովսեսի օրենքը:

Ալմա 26

Ամմոնը հրճվում է լամանացիների և Մոսիայի որդիների հանդեպ Տիրոջ գթությամբ

Ի՞նչ է անհրաժեշտ տուն կամ եկեղեցի կառուցելու համար: Ինչպիսի՞ եկեղեցի կարող է կառուցել հմուտ արհեստավորը` ձեռքի տակ ունենալով լավ գործիքներ: Ալմա 26 գլխում Ամմոնը նկարագրում է իրեն և իր եղբայրներին որպես գործիքներ Տիրոջ ձեռքում` անելու մեծ աշխատանք: Կարդացեք Ալմա 26.1–5, 12–13 և բացահայտեք, թե ինչ իրագործեց Տերը` ունենալով Ամմոնին և նրա եղբայրներին որպես գործիքներ իր ձեռքերում: (Պատասխանները կարող եք նշել ձեր սուրբ գրություններում:) 5 հատվածում «մանգաղ գցել» արտահայտությունը նշանակում է ջանասիրաբար աշխատել, «որանները» ներկայացնում են նորադարձներին, «շտեմարանները» ներկայացնում են Եկեղեցին, և արտահայտությունը, որ նրանք, ովքեր հավաքվել են, «որպեսզի չվատնվեն», վերաբերվում է Աստծուն, ով պահպանում է նորադարձներին և նրանց շնորհում հավերժական կյանք:

Ալմա 26.12 հատվածում գտեք կամ նշեք մի քանի արտահայտություններ, որոնք ցույց են տալիս, որ Ամմոնը հասկացել էր, որ նա միայն գործիք էր Տիրոջ ձեռքում և որ դա Տերն էր, ով իրագործեց հրաշքներ իր միսիայում:

Այդ հատվածներից մենք սովորում ենք հետևյալ սկզբունքը. Երբ մենք նախապատրաստում և խոնարհեցնում ենք ինքներս մեզ, Տերը զորացնում է մեզ և օգտագործում մեզ որպես գործիքների Իր ձեռքերում: Նմանատիպ սկզբունք մենք նաև սովորում ենք Ալմա 26 գլխում, որն է` Մենք ուրախություն ենք զգում, երբ մենք հավատարմորեն ծառայում ենք Տիրոջը և Նրա զավակներին: Կարդացեք Ալմա 26.11, 13, 16 և ամեն անգամ ուրախություն կամ հրճվանք բառերը տեսնելիս նշեք դրանք:

Կարդացեք Ալմա 26.13–16 և բացահայտեք այն պատճառները, որոնք Ամմոնը տվել է իր հրճվանքի համար:

1. Սուրբ գրությունների ուսումնասիրության ձեր օրագրում գրեք, թե ինչո՞ւ ենք մենք ուրախություն զգում, երբ մենք ծառայում ենք Տիրոջը: Դուք կարող եք գրել այն մասին, երբ դուք Եկեղեցում ծառայություն անելիս զգացել եք ուրախություն:

Կարդացեք հետևյալ հատվածները և մտածեք նրանցում տրված հարցերի պատասխանները.

Ալմա 26.22–23, 26–29: Աստծո խորհուրդները իմանալու համար ուշադրություն դարձրեք թվարկված պահանջներին: Ինչպիսի՞ խոստումներ են տրված միսիոներներին, ովքեր ունեն այդ հատկանիշները: Ի՞նչ խոչընդոտների Ամոնն և նրա եղբայրները հանդիպեցին Տիրոջն ու լամանացիներին ծառայելու ընթացքում: Այդ խոչընդոտներից որո՞նք են նման այն խոչընդոտներին, որոնց այսօր հանդիպում են Տիրոջ ծառաները: Ի՞նչ կարող են ներկայիս միսիոներները Ալմա 26.29 սվորել այն մասին, թե որտեղ նրանք պետք է ուսուցանեն ավետարանը:

Ալմա 26.30: Ի՞նչն է խրախուսում Մոսիայի որդիներին ծառայել նույնիսկ ամենադժվարին պահերին:

2. Կարդացեք Ալմա 26.35–37 և սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Այս հատվածներում գտնվող ո՞ր ճշմարտությունները պատճառ կհանդիսանային ձեզ համար ցնծալու Աստծո բարության համար: (Կարող եք նշել այն արտահայտությունները, որոնք մատնանշում են այդ ճշմարտությունները:)

   2. Իմանալով, որ Աստված հոգ է տանում ձեր մասին, ի՞նչը կփոխվի ձեր կյանքում:

Ալմա 27

Ամմոնն առաջնորդում է Անթի-Նեփի-Լեքիի ժողովրդին դեպի անվտանգություն` դեպի նեփիացիները

Մինչ Ալմա 27 գլուխն ուսումնասիրելը մտածեք հետևյալ հարցերի մասին.

• Արդյո՞ք ձեր կյանքում ինչ-որ մեկը ձեզ խոստում է տվել, իսկ հետո խախտել այդ խոստումը:

• Ճանաչո՞ւմ եք մեկին, ով մշտապես պահում է ձեզ տված իր խոստումները:

• Ի՞նչ եք զգում այն մարդկանց հանդեպ, ովքեր պահում են իրենց խոստումները: Ինչո՞ւ:

Նեփիացիներին կործանելու իրենց անհաջող ջանքերից հետո լամանացիները փորձեցին կործանել այն լամանացիներին (Անթի-Նեփի-Լեքիներին), ովքեր Ամմոնի և նրա եղբայրների շնորհիվ դարձի էին եկել: Հիշեք, որ Անթի-Նեփի-Լեքիները թաղել էին իրենց կռվի զենքերը, որպեսզի ապացուցեին, որ նրանք կպահեն իրենց խոստումները, որպեսզի երբեք այլևս չսպանեին: Պարզելու համար, թե ինչպես էին Անթի-Նեփի-Լեքիները նվիրված այդ ուխտին, կարդացեք Ալմա 27.2–3:

Պատկերացրեք Անթի-Նեփի-Լեքիների իրենց ուխտը պատվելու նվիրվածության զորությունը, չվերցնելու զենքերը, երբ նրանց վրա հարձակում էին գործում: Մտածեք, թե ինչպես կարող եք ամրացնել ձեր նվիրվածությունը, պահելու Երկնային Հոր հետ կապած ձեր ուխտերը, երբ այն դժվար է թվում:

Ամբարիշտ լամանացիների հալածանքների ու հարձակումների պատճառով Ամմոնը Անթի-Նեփի-Լեքիներին առաջնորդեց Զարահեմլա —Նեփիացիների քաղաքը—որտեղ նեփիացիները խոստացան պաշտպանել նրանց իրենց թշնամիներից: Մտածեք, թե ինչ կարող եք անել, որպեսզի ձեզ շրջապատողներին օգնեք պահելու Տիրոջ հետ կապած իրենց ուխտերը:

Զարահեմլայում Անթի-Նեփի-Լեքիներին նեփիացիները կոչեցին Ամմոնի ժողովուրդ: Կարդացեք Ալմա 27.27–30, ուշադրություն դարձնելով, թե Ամմոնի ժողովուրդը ինչով էր հայտնի: Նշեք այն բառերն ու արտահայտությունները, որոնք ուսուցանում են հետևյալ ճշմարտությունը. Երբ մենք լիովին դարձի ենք գալիս դեպի Տերը, մենք պահում ենք Նրա հետ կապած մեր ուխտերը:

3. Սուրբ գրությունների ուսումնասիրության ձեր օրագրում պատասխանեք այս հարցերից որևէ մեկին կամ երկուսին էլ.

   1. Ինչպիսի՞ փորձառություններ դուք ունեցաք, երբ դժվար էր Տիրոջ հետ կապած ուխտերը պահել, սակայն դուք այնուամենայնիվ պահեցիք դրանք:

   2. Ո՞վ է ձեզ համար օրինակ ծառայում` Տիրոջ հետ կապած իր ուխտերին հավատարիմ և ճշմարիտ մնալու համար: Ինչպե՞ս է այդ անձը իր հավատարմությունը ցույց տվել այդ ուխտերի հանդեպ:

Ալմա 28

Նեփիացիները մեծ ճակատամարտում պարտության են մատնում լամանացիներին

4. Պատկերացրեք, որ դուք մի լրագրող եք, ով լուսաբանում է Ալմա 28-ի իրադարձությունները: Կարդացեք Ալմա 28.1–6, 11–14 և սուրբ գրությունների ուսումնասիրության ձեր օրագրում գրեք կարճ պարբերություն, որն ամփոփում է կատարվածը: Հետևյալ հարցերը ներառեք ձեր պարբերության մեջ:

   1. Ինչպիսի՞ գին վճարեցին նեփիացիները` օգնելու համար Ամմոնի ժողովրդին պահելու իրենց ուխտերը: (Տես Ալմա 28.1–3:)

   2. Ինչպիսի՞ ազդեցություն ունեցավ այդ կոտորածը նեփիացիների վրա: (Տես Ալմա 28.4–6:)

   3. Ինչո՞ւ էին որոշ մարդիկ վախենում, երբ նրանց սիրելիները մահանում էին այն ժամանակ, երբ ուրիշները ցնծում էին և հրճվում լույսով: (Տես Ալմա 28.11–12:)

Գրեք այն հիմնական միտքը` ամփոփելով, թե ինչ եք սովորել Ալմա 28.11–12:

Ալմա 28-ում ուսուցանված սկզբունքներից մեկն այն է, որ.Երբ մենք ունենք հավատք Հիսուս Քրիստոսի և Նրա խոստումների հանդեպ, մենք կարող ենք ունենալ հույս և ուրախություն չնայած մահին:

5. Սուրբ գրությունների ուսումնասիրության ձեր օրագրում պատասխանեք այս հարցերից որևէ մեկին.

   1. Ե՞րբ եք ականատես եղել նրան, որ ինչ-որ մեկը Հիսուս Քրիստոսի հավատքի շնորհիվ իր սեփական մահը կամ սիրելիի մահը դիմավորել է հույսով:

   2. Ինչպե՞ս կբացատրեիք մահը ինչ-որ մեկին, որպեսզի այն օգներ այդ մարդուն սիրելիի մահից հետո ապրել հույսով:

Բացահայտեք Մորմոնի երեք «Եվ այսպիսով, մենք տեսնում ենք» արտահայտությունները Ալմա 28.13–14-ում: Դուք դա կարող եք նշել ձեր սուրբ գրություններում: Ո՞ր կետերի վրա է Մորմոնը կենտրոնանում, երբ նա եզրափակում է լամանացիների մոտ Մոսիայի որդիների միսիայի պատմությունը: Խորհեք այն մասին, թե ինչու են այդ ճշմարտությունները կարևոր ձեզ համար:

Ալմա 29

Ալման հրճվում է Աստծուն հոգիներ բերելու գործով

Արդյո՞ք երբևէ երազել եք զորություն ունենալու մասին, որպեսզի միանշանակորեն որոշ բարի գործեր անեք, կամ դադարեցնեք աշխարհում տիրող սարսափելի չարը: Ալմա 29 գլուխը պարունակում է Ալմայի ցանկությունը լինելու գործիք Տիրոջ ձեռքերում: Ուսումնասիրեք Ալմա 29.1–3 և ուշադրություն դարձրեք Ալմայի սրտի ցանկության վրա:

Հիշելով, թե ինչ էր պատահել Ալմայի հետ երիտասարդ ժամանակ, մտածեք, թե ինչու ալման ուներ այդպիսի իղձ: Ալմա 29.3 ուշադրություն դարձրեք, թե ինչու էր, նրա կարծիքով, նա մեղանչում իր իղձում: Կարդացեք Ալմա 29.4–5 և տեսեք, թե Աստված ինչ է տալիս նրանց, ովքեր ունեն արդար ցանկություններ:

Ուսումնասիրեք Ալմա 29.10, 14–16 և նշեք այն մրցանակը, որն Ալման ստացավ Քրիստոսին հոգիներ բերելուց: Կարող եք այդ հատվածներում նշել ուրախություն բառը, երբ ամեն անգամ Ալման ասում է այն:

Ալմա 29-ում ուսուցանած սկզբունքներից մեկն այս է.Մենք ուրախություն կզգանք ամեն անգամ օգնելով ուրիշներին ապաշխարել և գալ դեպի Հիսուս Քրիստոսը: Ինչպիսի՞ փորձառություններ եք ունեցել, որոնք ուրախություն են պարգևել ձեզ` օգնելով ուրիշներին գալ դեպի Քրիստոսը:

Մի պահ խորհեք այն եղանակների մասին, որոնք կարող են օգնել հետևյալ խմբերի անձանց կատարել անհրաժեշտ փոփոխությունը իրենց կյանքում և գալ դեպի Հիսուս Քրիստոսը. (ա) ձեր ընկերները, (բ) ձեր ընտանիքի անդամները, և (գ) նրանց, որոնց դուք դեռ չեք ճանաչում: Փնտրեք Հոգու առաջնորդությունը` ուրիշներին դեպի Հիսուս Քրիստոսը բերելու հնարավորություններ ունենալու համար:

4. Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի Ալմա 25–29 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.