Մաս 9. Օր 4
Հակոբ 3–4
Նախաբան
Հակոբ 3-ը պարունակում է իր ժողովրդին տված Հակոբի քարոզի վերջաբանը: Այս վերջաբանում Հակոբը հակիրճ կերպով տվեց մխիթարության խոսքեր և խոստում սրտով մաքուրներին: Նա նաև հանդիմանեց իր ժողովրդի մեջ հպարտներին և անբարոներին, նախազգուշացնելով նրանց հետևանքների մասին, եթե նրանք չապաշխարեին: Հակոբ 4-ը պարունակում է բառեր, որոնք Հակոբը ոգեշնչվել էր գրել մարդկանց համար, ովքեր մի օր կկարդային իր հիշատակարանը: Նա վկայել է Հիսուս Քրիստոսի Քավության մասին և հորդորել է իր ընթերցողներին հաշտվել (վերականգնել ներդաշնակությունը) Հայր Աստծո հետ Քավության միջոցով: Նախազգուշացնող ձայնով նա պատմել է հրեաների մասին, ովքեր մերժելու էին Հիսուս Քրիստոսին և Նրա ավետարանի պարզությունը:
Հակոբ 3
Հակոբը քաջալերում է սրտով մաքուրներին, և նա հորդորում է ուրիշներին ապաշխարել
Մտածեք, թե ինչ խորհուրդ դուք կարող եք տալ երիտասարդ տղամարդուն կամ կնոջը հետևյալ իրավիճակներում.
-
Երիտասարդ կինը ձգտում է արդար ապրել, սակայն տառապում է, քանի որ իր հայրը կախվածություն ունի ալկոհոլից:
-
Երիտասարդ տղամարդը փորձում է անել լավագույնը ավետարանով ապրելու համար, սակայն տառապում է, քանի որ իր ծնողները ամուսնալուծված են:
-
Երիտասարդ կինը ջանասիրաբար փորձում է սիրել իր ընտանիքին, սակայն նա դժվարությունների է հանդիպում տանը իր քրոջ եսասիրության և քամահրող արարքների պատճառով:
Խորհեք մի ժամանակի մասին, երբ դժվարություններ եք ունեցել, չնայած փորձել եք արդար ապրել: Հակոբն ուսուցանել է մեզ, թե ինչ անել նման իրավիճակներում: Կարդացեք Հակոբ 3.1-ի առաջին նախադասությունը և ներկայացրեք, թե ում է Հակոբը դիմում առաջինը գլուխ 3-ում:
Հակոբն ասել է, որ ուրիշների հպարտության և անբարոյականության պատճառով (ինչի մասին նա նախկինում նախազգուշացրել էր, ինչպես գրված է Հակոբ 2-ում) սրտով մաքուրները տառապել են: Կարդացեք Հակոբ 3.1–2 և լրացրեք հետևյալ աղյուսակը.
Ի՞նչ է Հակոբը հորդորում անել սրտով մաքուրներին: |
Ի՞նչ է Աստված խոստանում սրտով մաքուրներին: |
---|---|
-
Վերանայեք առաջին սյունակի ձեր պատասխանները: Որպես օգնություն հետագայում այս սկզբունքի մասին խորհելու համար, պատասխանեք հետևյալ երկու հարցերին ձեր սուրբ գրությունների ուսումնասիրության օրագրում.
-
Ձեր կարծիքով, երիտասարդ անձնավորությունը ինչպե՞ս կարող է «նայել առ Աստված մտքի կայունությամբ»:
-
Ձեր կարծիքով, ի՞նչ է նշանակում աղոթել Աստծուն «խիստ մեծ հավատքով» դժվարության ընթացքում:
-
Ձեր կարծիքով, ի՞նչ կարող է անել երիտասարդ անձնավորությունը, որ «ընդունի Աստծո հաճելի խոսքը»:
-
-
Վերանայեք երկրորդ սյունակի ձեր պատասխանները: Այս հատվածները ուսուցանում են, որ Աստված կսփոփի սրտով մաքուրներին իրենց չարչարանքների մեջ: Որպես օգնություն հետագայում այս սկզբունքի մասին խորհելու համար, պատասխանեք հետևյալ հարցերից մեկին կամ մի քանիսին ձեր սուրբ գրությունների օրագրում:
-
Ինչպե՞ս է Աստված սփոփել ձեզ ձեր չարչարանքների մեջ, երբ դուք փորձել եք հետևել Նրան:
-
Ինչպե՞ս է «խիստ մեծ հավատքով» աղոթելն օգնել ձեզ փորձության պահին:
-
Ե՞րբ է Աստծո խոսքն օգնել ձեզ զգալ Նրա սերը:
-
Սրտով մաքուրների հետ խոսելուց հետո Հակոբը դիմեց նրանց, ովքեր մաքուր չեն սրտով: Կարդացեք Հակոբ 3.3–4, 10–12 և գտեք, թե Հակոբն ինչ հորդորեց այս մարդկանց անել: Կարող է օգտակար լինել իմանալը, որ «արթնացրեք ունակությունները» արտահայտությունը նշանակում է արթնացնել մեր ունակությունները և ապրումները, իսկ պոռնկություն և հեշտասիրություն բառերը վերաբերվում են սեռական մեղքերին և կրքերին:
Հակոբ 3.3–4, 10–12-ում մենք նաև կարդում ենք Հակոբի նախազգուշացումները, թե ինչ կպատահեր, եթե իր ժողովուրդը չապաշխարեր: Այս հատվածներն ուսումնասիրելուց հետո շրջանակի մեջ առեք այն արտահայտությունները, որոնք նկարագրում են հետևյալ հետևանքները. (ա) Լամանացիները կկործանեն նրանց: (բ) Նրանց օրինակը կործանման կբերեր իրենց զավակներին: (գ) Նրանք կունենային երկրորդ մահ, կամ այլ խոսքով ասած, բաժանում Աստծուց:
Մի պահ խորհեք, թե ինչպես կարող էր Հակոբի նախազգուշացումը մեծ օրհնություն հանդիսանալ իր ժողովրդի համար:
Ինչպես գրված է Հակոբ 3.5–7-ում, Հակոբը համարձակությամբ հայտարարեց, որ լամանացիները «ավելի արդար» էին, քան նեփիացիները, քանի որ «նրանց ամուսինները սիրում էին իրենց կանանց, և նրանց կանայք սիրում էին իրենց ամուսիններին. և նրանց ամուսիններն ու նրանց կանայք սիրում էին իրենց երեխաներին»: Նեփիացիները պետք է ապաշխարեին իրենց բոլոր մեղքերից, հատկապես այն մեղքերից, որոնք նվազեցնում էին սերն ու վստահությունը իրենց ընտանիքներում:
Խորհեք Հակոբ 3.11–12-ի շուրջ և ամփոփեք ուղերձը ձեր իսկ բառերով:
Մի պահ մտածեք գայթակղությունների մասին, որոնց դուք հանդիպում եք, և թե ինչ սարսափելի հետևանքներից եք դուք խուսափում, երբ ապաշխարում եք ձեր սխալ արարքների համար:
Հակոբ 4
Հակոբը խրախուսում է իր ժողովրդին ապաշխարել և հույս ձեռք բերել, որ իրենք կարող են վերադառնալ Աստծո ներկայության մեջ
Հակոբ 4 ուսուցանելուն նախապատրաստվելու համար ձեր գրիչը կամ մատիտը բարձրացրեք ձեր ձեռնարկից մոտ մեկ մետր վերև և փորձեք այնպես ցած գցել այն, որ դիպչի «նշանակետի» կենտրոնին: Դուք կարող եք փորձել մի քանի անգամ: Մտածեք, թե որքան անարդյունավետ կլինեն ձեր ջանքերը, եթե դուք նշանակետին նայելու փոխարեն մեկ այլ կետի նայեք: Ձեր կարծիքով, ի՞նչ արդյունքներ կցուցաբերեն մարդիկ նետաձգության ժամանակ, եթե նրանք երբեք չնայեն թիրախին կամ նշանակետին, կամ եթե նրանք նայեն նշանակետից այն կողմ: Կարդացեք Հակոբ 4.14 և ներկայացրեք այն մարդկանց բնորոշ գծերը, ովքեր, ըստ Հակոբի մարգարեության, կնայեն «նշանակետից այն կողմ»:
Դուք կարող եք ձեր սուրբ գրություններում Հակոբ 4.14–ի կողքին գրել, որ «նշանակետը Քրիստոսն է» (Neal A. Maxwell, “Jesus of Nazareth, Savior and King,” Ensign, May 1976, 26): Նմանապես, Պողոսն ուսուցանել է. «Հետևում եմ դէպի նպատակը` Աստուծոյ վերին կոչումի մրցանակին Քրիստոս Յիսուսումը» (Փիլիպպեցիս Գ.14):
Հակոբ մարգարեն անդրադառնում էր հրեաներին, ովքեր սխալ էին հասկացել Մովսեսի օրենքը և դեպի Փրկիչը նրանց առաջնորդելու նպատակը: Հրեաներից շատերը սպասում էին այլ տեսակի ազատման, ոչ թե նրան, որ Հիսուսը` Մեսիան, առաջարկեց նրանց. նրանք սպասում էին օտար կառավարումից և բռնակալությունից ազատմանը:
-
Սուրբ գրությունների ուսումնասիրության ձեր օրագրում պատասխանեք հետևյալ հարցերին.
-
Ձեր կարծիքով, ի՞նչ է նշանակում նայել նշանակետից (Հիսուս Քրիստոսից) այն կողմ:
-
Հակոբ 4.14-ում թվարկված ո՞ր հատկությունները և գործողություններն են կուրացրել հրեաներին և խոչընդոտել, որ նրանք ընդունեն Հիսուս Քրիստոսին:
-
Որո՞նք կարող են լինել նշանակետից այն կողմ նայելու կամ Փրկչի վրա չկենտրոնանալու որոշ օրինակներն այսօր:
-
Հակոբն ուզում էր, որ նրանք, ովքեր կկարդան իր հիշատակարանը, ունենան լրիվ այլ վերաբերմունք ի տարբերություն հրեաների, ովքեր վրիպեցին նշանակետից: Կարդացեք Հակոբ 4.4 և ներկայացրեք, թե ինչ էր Հակոբն ուզում, որ բոլոր նրանք, ովքեր կկարդան իր հիշատակարանը, իմանային: Կարդացեք նաև Հակոբ 4.12 և նշեք «ինչո՞ւ չխոսել Քրիստոսի քավության մասին» արտահայտությունը: Ինչպես գրված է Հակոբ 4.4–12-ում, Հակոբը բերեց մի քանի պատճառներ, թե ինչու էր նա հավատում Հիսուս Քրիստոսին և ինչու էր նա զգում, որ կարևոր էր ուրիշներին տեղեկացնել Քավության մասին:
-
Սուրբ գրության հետևյալ հղումը գրեք ձեր սուրբ գրությունների ուսումնասիրության օրագրում, ապա համառոտ կերպով շարադրեք, թե ինչ ուսուցանեց Հակոբը Հիսուս Քրիստոսի կամ Քավության մասին յուրաքանչյուր հղման մեջ.
Հակոբ 4.4–6-ի ո՞ր բառերը կամ արտահայտություններն են մատնանշում, որ Հակոբի ժողովուրդը հասկանում էր Աստվածագլխի էությունը:
Կարող է օգտակար լինել իմանալը, որ «ներկայացեք որպես Քրիստոսի առաջնապտուղներ Աստծո համար» (Հակոբ 4.11) արտահայտությունը վերաբերվում է Աստծո առջև արժանի կերպով կանգնելուն, որ մտնեք սելեստիալ թագավորություն: Նաև կարևոր է հասկանալը, որ եթե մենք պետք է ունենանք «[Քրիստոսի] փառքի մի հույս» (Հակոբ 4.4), մենք պետք է հավատանք, որ Հիսուս Քրիստոսը ուղի է պատրաստել մեզ համար, որ ազատվենք մեր մեղքերից և հարություն առնենք, որպեսզի մենք կարողանանք վերադառնալ Երկնային Հոր ներկայության մեջ:
Մի ճշմարտություն, որը մենք կարող ենք սովորել Հակոբ 4-ից, հետևյալն է. Հիսուս Քրիստոսի Քավության միջոցով մենք կարող ենք լցվել հույսով և հաշտվել Աստծո հետ:
-
Սուրբ գրությունների ուսումնասիրության ձեր օրագրում գրեք կարճ պատասխաններ հետևյալ հարցերին.
-
Վերանայեք Հիսուս Քրիստոսի մասին ճշմարտությունները, որ սովորել եք Հակոբ 4.4–12-ում, և ընտրեք մեկը, որը մասնավորապես ցանկություն է առաջացնում ձեզ մոտ խոսել Քավության մասին: Գրեք այդ ճշմարտությունը և բացատրեք, թե ինչու եք դուք դա ընտրել:
-
Ուրիշ ի՞նչ անձնական պատճառներ կան, որոնք ձեզ մոտ ցանկություն են առաջացնում խոսելու Հիսուս Քրիստոսի և Քավության մասին:
-
Երբ դուք ավարտեք այս դասը, խորհեք, թե ինչու եք դուք երախտապարտ Փրկչի համար: Կարող եք կիսել ձեր պատճառները ընտանիքի անդամի կամ մոտ ընկերոջ հետ:
-
Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.
Ես ուսումնասիրեցի Հակոբ 3–4 և ավարտեցի այս դասը (ամսաթիվ):
Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.