Մաս 16. Օր 1

Ալմա 11

Նախաբան

Ամուղեկը պայքարի մեջ է մտնում Զիզրոմ անունով մի օրինագետի հետ, ով ցանկանում էր ստիպել նրան հերքել ճշմարիտ և կենդանի Աստծուն: Մինչ նա պաշտպանում էր իր հավատքը Զիզրոմի` նրան թակարդը գցելու փորձերից, Ամուղեկը վկայում էր, որ մեղքերից փրկություն գալիս է միայն Հիսուս Քրիստոսի միջոցով: Ամուղեկը հզոր վկայություն է բերում, որ ողջ մարդկությունը հարություն կառնի և կդատվի Աստծո կողմից: Փրկչի քավության շնորհիվ դուք հարություն կառնեք և մի օր կկանգնեք Աստծո առաջ և պատասխան կտաք երկրի վրա ձեր օրերի համար:

Ալմա 11.1–25

Ամուղեկը մերժում է Աստծո գոյությունը ժխտելու Զիզրոմի գայթակղությունը

Մտածեք ձեր ունեցած ինչ-որ արժեքավոր բանի մասին, որը դուք երբեք չեք վաճառի: Մտածեք, թե ինչու են այդ բաները արժեքավոր ձեզ համար: Ալմա 11-ում, մինչ Ալման և Ամուղեկը շարունակում էին ուսուցանել Ամմոնիայի ժողովրդին, Զիզրոմ անունով մի օրինագետ ընդհարվում է Ամուղեկի հետ և Ամուղեկի համար մի արժեքավոր բանի դիմաց առաջարկում գումար: Սուրբ գրությունները Զիզրոմին նկարագրում են որպես «մի մարդ, որը գիտակ էր դևի հնարքներին» (Ալմա 11.21), որը նշանակում էր, որ նա սովորել էր, թե ինչպես օգտագործեր նույն ռազմավարությունը, ծրագրերը, կեղծումները և հնարքները, որոնք Սատանան օգտագործում է` գրավելով ուրիշներին հեռու մնալու արդարությունից և ճշմարտությունից:

Ուսումնասիրեք Ալմա 11.21–22 և հայտնաբերեք, թե որքան գումար էր Զիզրոմը առաջարկել Ամուղեկին և թե ինչ էր ցանկանում, որ Ամուղեկը աներ դրա համար: «Օնթին» ամենաարժեքավորն էր նեփիացիների արծաթյա դրամներից (տես Ալմա 11.6, 11–13): Մեկ օնթին հավասար էր դատավորների մոտավորապես մեկ շաբաթվա աշխատավարձին (տես Ալմա 11.3):

Պատասխանեք հետևյալ հարցերին.

• Ե՞րբ եք երբևէ տեսել, որ ինչ-որ մեկը մերժել է աշխարհիկ գայթակղությունները, ինչպես օրինակ Ամուղեկի առաջարկը:

• Ինչպե՞ս է դա ձեզ ոգեշնչել լինելու հավատարիմ:

Կարդացեք Ալմա 11.23–25, տեսնելու համար, թե ինչպես Ամուղեկը պատասխանեց Զիզրոմի առաջարկին: Այնուհետև ձեր ձեռնարկում պատասխանեք հետևյալ հարցերին.

• Ձեր կարծիքով, ինչո՞ւ չէր Ամուղեկը հետաքրքրված Զիզրոմի առաջարկով:

• Ըստ Ալմա 11.25, ի՞նչն էր Զիզրոմի նպատակը Ամուղեկին վեց օնթի առաջարկելով:

• Ինչպիսի՞ նմանություն ունի դա նրա հետ, ինչ Սատանան անում է, երբ մարդիկ տրվում են նրա գայթակղությանը:

1. Սուրբ գրությունների ուսումնասիրման ձեր օրագրում լրացրեք հետևյալ վարժությունները.

   1. Որպեսզի ավելի լավ հասկանանք, թե ինչպես Ամուղեկը կարողացավ մերժել Զիզրոմի առաջարկը, կարդացեք Ալմա 11.22 և ավարտեք հետևյալ նախադասությունը. «Ես ոչինչ, ինչը հակասում է Տիրոջ Հոգուն: Այնուհետև գրեք երեք կամ չորս այլ բառեր, որոնք դուք կարող եք գրել մաքուր թղթի վրա, որոնք նույնպես կարող են ճիշտ նախադասություններ կազմել (օրինակ, անել, կարդալ, հագնել, դիտել և գրել):

   2. Ալմա 11.22 –ի հիման վրա կազմեք նախադասություն, որը կօգնի ձեզ հիշել, թե ինչպես դուք կարող եք հաղթահարել գայթակղությունը Սուրբ Հոգու օգնությամբ: Այն, ինչ կգրեք ձեր իսկ բառերով, պետք է արտահայտի այն ճշմարտությունը, որ երբ մենք ապավինում ենք Սուրբ Հոգուն, մենք կարող ենք հաղթահարել գայթակղությունները:

Մի պահ դադար տվեք ձեր ուսումնասիրություններում և խորհեք հետևյալ հարցի շուրջ. Ինչպե՞ս կարող եմ այնպես ապրել, որ զգայուն լինեմ Սուրբ Հոգու և Նրա հուշումների հանդեպ, որոնք կօգնեն ինձ հաղթահարել գայթակղությունները:

Կարդացեք Տասներկու Առաքյալների Քվորումից Նախագահ Բոյդ Ք. Փաքերի հետևյալ խորհուրդը, որպեսզի տեսնեք, թե Սուրբ Հոգուն ապավինելը ինչպես կարող է ձեզ օգնել հաղթահարելու գայթակղությունները.

«Եթե դուք սայթաքում եք բաների մեջ, որոնց մեջ դուք չպիտի սայթաքեք, կամ ընկերակցում մարդկանց հետ, ովքեր քաշում են ձեզ սխալ ուղղությամբ, ապա ժամանակն է օգտագործել ձեր անկախությունը, ձեր ազատ կամքը: Լսեք Հոգու ձայնին և դուք չեք մոլորվի: …

… Որպես Տիրոջ ծառա, ես խոստանում եմ, որ դուք կպաշտպանվեք և կպատսպարվեք հակառակորդի հարձակումներից, եթե դուք կամենաք ուշադրություն դարձնել հուշումներին, որոնք գալիս են Սուրբ Հոգուց» («Խորհուրդ երիտասարդությանը» Ensign կամ Լիահոնա, Նոյ. 2011, 18):

2. Որպեսզի մտածեք հնարավոր տարբերակների մասին, թե ինչ եք դուք սովորել, պատասխանեք հետևյալ հարցերին սուրբ գրությունների ուսումնասիրման ձեր օրագրում.

   1. Որո՞նք են այն իրավիճակները, որոնց ժամանակ երիտասարդները գայթակղվում են հարցականի տակ դնելու իրենց վկայությունները կամ անտեսելու դրանք աշխարհիկ բաների համար:

   2. Ինչպիսի՞ խորհուրդ կարող եք տալ սկսնակ ուսանողին, որը կօգնի նրան ապավինելու Սուրբ Հոգուն, երբ նա այդ տեսակ գայթակղությունների հանդիպի:

Հաջորդ անգամ, երբ դուք կգայթակղվեք հարցականի տակ դնել ձեր հավատքը կամ արժեքները, կիրառեք այն, ինչ դուք սովորել եք Ամուղեկի օրինակից: Հիշեք, որ դուք մեծ խաղաղություն և հավաստիացում կստանաք, եթե դուք ապրեք արժանի և հետևեք Սուրբ Հոգու հուշումներին:

Կիրառում

Եթե ավետարանի սկզբունքը ուսուցանված է, բայց կիրառված չէ, ապա ուսուցումը ավարտված չէ և Հոգին կդադարի աշխատել անհատի հետ: Կիրառությունը այն ժամանակ է տեղի ունենում, երբ մարդը ընդունում է սովորածը իր սրտում և մտքում, իսկ հետո գործում է ըստ այդ ճշմարտության:

Ալմա 11.26–40

Ամուղեկը վկայում է Աստծո Որդու մասին և դիմադրում է իր խոսքերը վարկաբեկելու Զիզրոմի փորձերին

Զիզրոմը հարձակվում է Հիսուս Քրիստոսի հանդեպ Ամուղեկի հավատքի վրա: Անձամբ հասկանալու համար, թե ինչ պատահեց այն բանից հետո, երբ Զիզրոմը չկարողացավ Ամուղեկին ստիպել ժխտելու Աստծո գոյությունը, մտածեք, թե երբևիցե մեկը ցանկացել է դեմ լինել ձեր համոզմունքներին: Կարդացեք Ամուղեկի և Զիզրոմի երկխոսությունը Ալմա 11.26–34-ում, իսկ հետո տեսեք, թե ինչպես է Զիզրոմը աղավաղում Ամուղեկի խոսքերը Ալմա 11.35-ում:

Կարդացեք, թե ինչպես Ամուղեկը ուղղեց իր կեղծիքը Ալմա 11.36–37 –ում: Ձեր սուրբ գրություններում կարող եք նշել տողատակի ծանոթագրություն 34ա և կարդալ Հելաման 5.10–11: Այնուհետև ձեր իսկ բառերով բացատրեք փրկագնվելու «մեր մեղքերիմեջ» և փրկագնվելու «մեր մեղքերից» արտահայտությունների տարբերությունը:

Կարդացեք Ալմա 11.40 և պարզեք այն առաջին քայլը, որը Ամուղեկի խոսքերով մարդիկ պետք է անեն իրենց մեղքերից փրկվելու համար: Կան որոշ մարդիկ, ովքեր ասում են, որ հավատում են Հիսուս Քրիստոսին, սակայն չեն ցանկանում փոխել իրենց վարքագիծը: Հավատալ Հիսուս Քրիստոսի անունին նշանակում է հավատք ունենալ Նրա հանդեպ:

Որպեսզի ավելի լավ հասկանանք, թե ինչպես է «նրա անունին հավատալը» (ունենալ հավատք Հիսուս Քրիստոսի հանդեպ) բերում ապաշխարության, կարդացեք առաջին նախագահությունից Դիտեր Ֆ. Ուխդորֆի հետևյալ մեջբերումը. «Մենք առ Քրիստոս անսասան հավատքի կարիք ունենք, որպեսզի կարողանանք ապաշխարել: Մեր հավատքը պետք է «ճիշտ ներկայացնի Աստծո բնավորությունը, կատարյալ արժանիքներն ու հատկանիշները» (Lectures on Faith [1985], 38): Եթե հավատանք, որ Աստված գիտի բոլոր բաները, սիրող և ողորմած է, մենք կկարողանանք անվարան վստահել Նրան մեր փրկության համար: Քրիստոսի հանդեպ հավատքը կփոխի մեր այն մտքերը, համոզմունքները և բնավորությունը, որոնք համահունչ չեն Աստծո կամքին» («Ապահով վերադարձի կետ» Ensign կամ Լիահոնա, Մայիս 2007, 100):

Ինչպե՞ս է Հիսուս Քրիստոսի հանդեպ ձեր հավատքը ոգեշնչել ձեզ փոխելու ձեր մտքերը, համոզմունքները և վարքագիծը:

3. Ինչո՞ւ մարդը ապաշխարության համար կարիք ունի Հիսուս Քրիստոսի հանդեպ հավատքին: Կիրառելով այն, ինչ սովորել եք Ամուղեկից և Նախագահ Ուխդորֆից, սուրբ գրությունների ուսումնասիրման ձեր օրագրում գրեք հետևյալ սկզբունքի ձեր մեկնաբանությունը.Հիսուս Քրիստոսի հանդեպ ճշմարիտ հավատքը մեր մեղքերի քավության գործընթացի սկիզբն է:

Ալմա 11.41–46

Ամուղեկը ուսուցանում է ողջ մարդկության հարության և դատվելու մասին:

Նախքան Զիզրոմին ուղված Ամուղեկի ամփոփիչ վկայություն կարդալը, պատասխանեք հետևյալ հարցին. Ինչպե՞ս կարող է որևէ մեկի արարքները փոփոխվել, եթե նա չհավատա մահից հետո կյանք լինելուն:

4. Սուրբ գրությունների ուսումնասիրման ձեր օրագրերում գրեք Հարություն և դատաստան բառերը, որպես երկու սյունակների վերնագրեր: Այնոուհետև ուսումնասիրեք Ալմա 11.41–45, փնտրելով որքան հնարավոր է շատ տեղեկություն հարության ու դատաստանի վերաբերյալ, և ամեն մի վերնագրի տակ գրեք ձեր գտածը: Ձեր սուրբ գրությունների էջի ամենավերևում կամ ձեր սուրբ գրությունների ուսումնասիրման օրագրում կարող եք գրել. Հիսուս Քրիստոսի Քավության միջոցով բոլորը հարություն կառնեն և կդատվեն համաձայն իրենց գործերի: Այդ հատվածները նաև ուսուցանում են, որ հարություն բառը նշանակում է մեր մարմինների և հոգիների վերամիավորումը «կատարյալ տեսքով» և «բնական կառուցվածքով» և երբեք այլևս չեն բաժանվի (տես Ալմա 11.43, 45):

5. Սուրբ գրությունների ուսումնասիրության ձեր օրագրում պատասխանեք այս հարցերից որևէ մեկին.

   1. Ի՞նչ մտքեր և զգացումներ եք ունենում, երբ դուք մտածում եք, որ պետք է հարություն առնեք կամ դատվեք:

   2. Հարություն առնելու և դատվելու մասին ձեր հավատքը ինչպե՞ս է ազդում ամեն օր ապրելու ձեր որոշման վրա:

6. Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի Ալմա 11 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.