Մաս 30. Օր 2
Եթեր 6
Նախաբան
Ըստ Տիրոջ պատվիրանների պատրաստվելուց հետո, Հարեդացիները նստեցին իրենց նավերը և վստահեցին Տիրոջը, որ այդ դժվարին ճամփորդության ընթացքում իրենց ապահով կհասցնի խոստացված երկիր: Տերն ուղարկեց քամիներ, որ քշեին նավերը ալիքների վրայով, շատ անգամներ թաղելով դրանք ծովի խորքերը, բայց միևնույն ժամանակ այդ նույն քամիները նրանց առաջ էին մղում դեպի խոստացված երկիր: Չնայած Հարեդի եղբոր զգուշացումներին, մարդիկ հաստատվելով նոր երկրում՝ իրենց համար թագավոր ընտրեցին:
Եթեր 6.1–12
Տերը քամու միջոցով քշում է Հարեդացիների բեռնանավերը դեպի խոստացված երկիր
Լինում են պահեր, երբ դժվար է թվում այն, ինչ Տերն է խնդրում անել, օրինակ՝ կիսվել ավետարանով ընկերոջ հետ, բարոյապես մաքուր մնալ, բարձր չափանիշներով ընկերներ ընտրել և կյանքում ճիշտ առաջնահերթություններ սահմանել : Կարո՞ղ եք այլ օրինակներ բերել, թե երբ դժվար կլինի անել այն, ինչ Տերն է խնդրում:
Դեպի խոստացված երկիր Հարեդացիների ճամփորդության պատմությունն ուսուցանում է սկզբունքներ, որոնք կարող են ուղղորդել ձեզ, երբ դժվար կթվա Տիրոջ հրահանգները կատարելը: Կարդացեք Եթեր 2.24–25 և գտեք Հարեդացիներին ուղղված Տիրոջ զգուշացումը, թե ինչն էր դժվարացնելու դեպի խոստացված երկիր նրանց ճամփորդությունը:
Այդ դժվարություններին դիմակայելու համար Տերը պատվիրեց Հարեդացիներին պատրաստել բեռնանավեր, որոնք «ամանի պես անջրանցիկ» կլինեին (Եթեր 2.17), և անցքեր կունենային վերին մասում և հատակին, որոնք կարող էին բացել օդ ստանալու համար: Կարդացեք Եթեր 6.1–4, և ներկայացրեք, ճամփորդության դժվարություններին դիմակայելու համար էլ ինչ պատվիրեց Տերը Հարեդացիներին:
Օգտակար կլինի հասկանալ, որ «իրենց հանձնելով Տիրոջը՝ իրենց Աստծուն» (Եթեր 6.4) նշանակում է, որ Հարեդացիներն Աստծուն վստահեցին իրենց անվտանգությունն ու պաշտպանությունը:
-
Սուրբ գրությունների ուսումնասիրության ձեր օրագրում պատասխանեք հետևյալ հարցերին.
-
Ինչո՞ւ էր դժվար Հարեդացիների համար վստահել Տիրոջն այդ իրավիճակում:
-
Ձեր կարծիքով, ինչո՞ւ էր կարևոր և պատրաստվելը և իրենք իրենց Տիրոջը հանձնելը:
-
Եթեր 6.5–11 հատվածները կարդալիս փորձեք պատկերացնել՝ ինչպես էր ընթանում Հարեդացիների բեռնանավերով ճամփորդությունը:
-
Որպեսզի օգնենք ձեզ դուրս գրել ավետարանական սկզբունքները, որ կարող եք սովորել այս պատմությունից, սուրբ գրությունների ուսումնասիրության ձեր օրագրում պատասխանեք հետևյալ հարցերին.
-
Ինչպե՞ս էին Հարեդացիներն առ Տերն իրենց վստահությունը դրսևորում այդ դժվար ճամփորդության ժամանակ (տես Եթեր 6.7, 9):
-
Ինչպե՞ս Աստված օրհնեց նրանց իրենց ճամփորդության ընթացքում:
-
Գրեթե մեկ տարի ծովում անցկացնելուց հետո, ի վերջո Հարեդացիների ճամփորդությունն ավարտվեց: Կարդացեք Եթեր 6.12, և ներկայացրեք, ինչպես էին նրանք զգում իրենց՝ խոստացված երկիր ժամանելով: Ամփոփեք, ինչ սովորեցիք այս դասի ընթացքում՝ լրացնելով հետևյալ սկզբունքով նախադասությունը. Երբ մենք վստահում ենք Տիրոջը և կատարում Նրա կամքը, Նա .
Կարող եք այդ նախադասությունն ավարտել «կուղղորդի մեր կյանքի ընթացքը» արտահայտությամբ: Այս սկզբունքի վերաբերյալ ձեր հասկացողությունը խորացնելու համար, անդրադարձեք դասի սկզբում թվարկված այն իրավիճակներին, երբ մեզ համար գուցե դժվար է անել այն, ինչ Տերը խնդրում է: Ինչպես Հարեդացիների դեպքում, Տերը պատրաստում է մեզ կյանքի դժվարությունները հաղթահարելուն, երբ մենք աղոթում ենք, հետևում ենք մարգարեին և պահում ենք պատվիրանները:
-
Սուրբ գրությունների ուսումնասիրության ձեր օրագրում գրեք, ինչպես կարող է որևէ մեկը առ Տերը վստահություն դրսևորել: Հարեդացիների օրինակի վրա հիմնվելով, ի՞նչ կարող ենք անել, երբ Տիրոջ կողմից դժվար պատվիրան ենք ստանում:
-
Խորհեք հետևյալ սկզբունքի շուրջ. Եթե մենք վստահում ենք Տիրոջը, ձախորդություններն ու դժվարությունները կօգնեն մեզ առաջ գնալ և ստանալ խոստացված օրհնությունները: (Կարող եք գրել դա ձեր սուրբ գրություններում՝ Եթեր 6.5–10-ի կողքին:) Սուրբ գրությունների ուսումնասիրության ձեր օրագրում պատասխանեք հետևյալ հարցերին.
-
Ձեր կարծիքով, ինչպե՞ս եք առաջադիմել և օրհնություններ ձեռք բերել, անցյալում կամ ներկայում, հավատքով դիմակայելով ձեր կյանքի դժվարություններին:
-
Ինչպե՞ս կարող եք դժվար իրավիճակներում հայտնվելիս ավելի շատ վստահել Տիրոջը և հետևել Նրա ուղղորդումներին:
-
Եթեր 6.13–18
Հարեդացիներն ուսուցանեցին իրենց երեխաներին՝ խոնարհաբար քայլել Տիրոջ առաջ
Պատկերացրեք, որ դուք Հարեդացիների պես, հատել եք օվկիանոսը և ժամանել եք ձեզ համար բոլորովին նոր երկիր: Կարդացեք Եթեր 6.13–18, և մտածեք հետևյալ հարցերի շուրջ. Ի՞նչը կարող է Տիրոջ առաջ խոնարհ քայլելու օրինակ հանդիսանալ: Ինչպե՞ս են ձեր ծնողներն ու մյուսները քաջալերել ձեզ խոնարհ քայլել Տիրոջ առաջ: Ձեր կարծիքով, ո՞րն է խոնարհ քայլելու և բարձրից ուսուցանվելու միջև կապը: Ե՞րբ եք զգացել, որ ձեզ «սովորեցրել են վերևից» (Եթեր 6.17):
-
Գրեք հետևյալը՝ սուրբ գրությունների ուսումնասիրության ձեր օրագրում՝ այսօրվա հանձնարարության տակ.
Ես ուսումնասիրեցի Եթեր 6 և ավարտեցի այս դասը (ամսաթիվ):
Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.