Mësimdhënia e Ungjijve si një Harmoni

Ne rekomandojmë që ju ta përdorni këtë manual siç është shkruar dhe t’i jepni mësim të katër Ungjijtë njëri pas tjetrit. Megjithatë, ju mund të zgjidhni t’i jepni mësim Ungjijtë e Dhiatës së Re si një “harmoni”, që do të thotë t’i jepni mësim ngjarjet e jetës së Shpëtimtarit në mënyrë kronologjike, duke ndërthurur materialin nga secili Ungjill. Për informacion dhe burime mbi mësimdhënien e Ungjijve si një harmoni, drejtojuni shtojcës në variantet dixhitale të këtij manuali te LDS.org dhe në programin Gospel Library [Biblioteka e Ungjillit] për pajisje elektronike.

Ne rekomandojmë që ju ta përdorni këtë manual siç është shkruar dhe t’i jepni mësim katër Ungjijtë njëri pas tjetrit. Megjithatë, ju mund të zgjidhni t’i jepni mësim Ungjijtë e Dhiatës së Re si një “harmoni”, që do të thotë t’i jepni mësim ngjarjet e jetës së Shpëtimtarit në mënyrë kronologjike, duke ndërthurur materialin nga secili Ungjill. Kjo mund të bëhet në disa mënyra. Për shembull, ju kryesisht mund t’i jepni mësim Ungjijtë njëri pas tjetrit, por zgjidhni të jepni mësim disa pjesë – të tilla si ngjarjet që ndodhën krahas lindjes ose Shlyerjes së Shpëtimtarit – si një harmoni. Ose ju mund ta jepni mësim të gjithë përmbajtjen e Ungjijve si një harmoni.

Nëse kurrë nuk i keni dhënë mësim Ungjijtë njëri pas tjetrit, ju mund të keni ngurrim për ta provuar këtë metodë. Ky manual është përgatitur për t’ju ndihmuar ta jepni mësim me efektshmëri secilin Ungjill veç e veç. Nëse zgjidhni t’i jepni mësim Ungjijtë duke përdorur një metodë harmonike, ju duhet ta merrni këtë vendim në këshillim me bashkërenduesin ose drejtorin tuaj të seminarit, duke marrë parasysh nevojat e studentëve dhe duke përdorur udhërrëfimin e Shpirtit.

Mësimdhënia e Ungjijve si një harmoni mund t’ju lejojë t’i trajtoni më tërësisht mësimet dhe ngjarjet nga jeta e Shpëtimtarit dhe ta zvogëloni përsëritjen e tepërt që nganjëherë ndihet kur Ungjijtë jepen mësim njëri pas tjetrit. Megjithatë, është e rëndësishme të përmendim se mësimet në këtë manual u hartuan që ta pakësojnë përsëritjen e tepërt në metodën e mësimdhënies njëri pas tjetrit, nëpërmjet përqendrimit te përmbajtja e dallueshme në secilin prej Ungjijve dhe nëpërmjet përmbledhjes së përmbajtjes që u dha mësim më parë.

Përpara se të zgjidhni që ta jepni mësim këtë kurs duke përdorur një metodë harmonike, është e rëndësishme që të merrni parasysh sa vijon:

• Mësimdhënia e Ungjijve si një harmoni mund ta bëjë të vështirë që të kuptohet renditja dhe konteksti i fragmenteve të shkrimeve të shenjta sikurse u shënuan brenda katër Ungjijve. Do t’ju duhet t’i ndihmoni studentët ta kuptojnë përmbajtjen e tekstit dhe të historisë së secilit fragment teksa lëvizin nga një tregim tek tjetri.

• Mësimdhënia e Ungjijve si një harmoni ka prirje t’i bëjë të paqarta qëllimet, temat dhe përqendrimet e dallueshme të secilit shkrues individual të Ungjillit. Ju duhet t’u kushtoni vëmendje të kujdesshme këtyre temave që kështu të mund t’i ndihmoni studentët tuaj për t’i përcaktuar dhe vlerësuar ato. Hyrjet në librat e Mateut, Markut, Llukës dhe Gjonit, të dhëna në këtë manual, mund t’ju ndihmojnë t’i dalloni këto tema.

• Siç janë të shkruara kohët e fundit, idetë e mësimdhënies në këtë manual hartohen që të rrjedhin lehtësisht nga një pjesë e mësimit te një tjetër dhe thëniet ndërmjetësuese jepen për ta lehtësuar lëvizjen nga një ide e mësimdhënies tek tjetra. Kur këto ide të mësimdhënies riorganizohen në një metodë harmonike duke përdorur grafikun shoqërues, do t’ju duhet të përfshini vetë pasazhet tuaja lidhëse ndërmjet ideve të sugjeruara.

Nëse zgjidhni të përdorni një metodë harmonike, ju mund të gjeni ndihmë të vlefshme në tabelat “Harmonia e Ungjijve” që gjenden në shtojcën e Biblës dhe në LDS.org. Përveç kësaj, grafiku shoqërues jep një renditje të sugjeruar të ideve që gjenden në këtë manual për ta mbështetur një metodë harmonike. Me përjashtim të disa përshtatjeve të vogla për të lejuar lehtësim në mësimdhënie, ky grafik përputhet me tabelat “Harmonia e Ungjijve” në botimin e vitit 2013 të shkrimeve të shenjta SHDM. Kolona e majtë e grafikut siguron një udhëzues ritmi që e ndan semestrin në 16 javë. Çdo javë (me përjashtim të javës së 1-rë) rendit ngjarje e mësime nga jeta dhe shërbesa e Shpëtimtarit në fragmente kronologjike, të cilat mund të jepen mësim përgjatë kursit të pesë ditëve. Ky udhëzues ritmi siguron 80 mësime mbi katër Ungjijtë, që është e njëjta sasi e dhënë në këtë manual në metodën e mësimdhënies sipas radhës së shkrimeve të shenjta.

Pavarësisht nëse i jepni mësim Ungjijtë njëri pas tjetrit ose si një harmoni, ne rekomandojmë që ju ta filloni kursin duke zhvilluar pesë mësimet e para të hyrjes që gjenden në javën 1 të këtij manuali: “Hyrje te Dhiata e Re”; “Plani i Shpëtimit”; “Roli i Nxënësit”; “Studimi i Shkrimeve të Shenjta” dhe “Konteksti dhe Vështrimi i Përgjithshëm i Dhiatës së Re”.

Udhëzuesi i Ritmit		Ngjarjet dhe Mësimet	Burimet e Mësuesit
Java 1	Ditët 1–5		Mësimet 1–5
Java 2	Dita 1	Ekzistenca e Jezu Krishtit para lindjes	Mësimi 60: Gjoni 1:1–18
		Gjenealogjia tokësore e Jezu Krishtit	Mësimi 6: Mateu 1:1–17
	Dita 2	Lajmërimi i lindjes së Jezusit prej engjëllit Gabriel dhënë Zakarias; lajmërimi i lindjes dhënë Marisë; vizita e Marisë tek Elizabeta; lindja e Gjon Pagëzorit	Mësimi 43: Lluka 1
	Dita 3	Lajmërimi i lindjes dhënë Jozefit	Mësimi 6: Mateu 1:18–25
		Lindja e Jezu Krishtit; lajmërimi i lindjes së Jezusit dhënë barinjve; paraqitja e Jezusit në tempull	Mësimi 44: Lluka 2:1–39
		Vizita e Dijetarëve; ikja për në Egjipt	Mësimi 6: Mateu 2
		Vizita në tempull (mosha 12 vjeç)	Mësimi 44: Lluka 2:40–52
	Dita 4	Shërbesa dhe dëshmia e Gjon Pagëzorit	Mësimi 7: Mateu 3:1–12; Mësimi 45: Lluka 3:1–22; Mësimi 60: Gjoni 1:1–18
	Dita 5	Pagëzimi i Jezusit	Mësimi 7: Mateu 3:13–17; Mësimi 60: Gjoni 1:19–34
Java 3	Dita 1	Tundimi i Jezusit	Mësimi 8: Mateu 4:1–11
	Dita 2	Dishepujt e Gjon Pagëzorit ndjekin Jezusin	Mësimi 60: Gjoni 1:35–51
		Dasma në Kanë; pastrimi i parë i tempullit	Mësimi 61: Gjoni 2
	Dita 3	Vizita e Nikodemit; dëshmia e Gjon Pagëzorit	Mësimi 62: Gjoni 3
	Dita 4	Gruaja te pusi	Mësimi 63: Gjoni 4:1–42
	Dita 5	Jezusi kthehet në Galile	Mësimi 8: Mateu 4:12–17
		Jezusi shëron birin e nëpunësit mbretëror	Mësimi 63: Gjoni 4:43–54
		Shpëtimtari nuk pranohet në Nazaret	Mësimi 45: Lluka 4:14–30
Java 4	Dita 1	Thirren peshkatarët	Mësimi 46: Lluka 5:1–11; Mësimi 8: Mateu 4:18–22
	Dita 2	Jezusi jep mësim në Kapernaum dhe dëbon një frymë të ndyrë	Mësimi 34: Marku 1:21–39
		Jezusi predikon ungjillin në Galile	Mësimi 8: Mateu 4:23–25
		Jezusi shëron një lebros dhe një të paralizuar	Mësimi 34: Marku 1:40–45; Mësimi 35: Marku 2:1–12; Mësimi 46: Lluka 5:12–26
	Dita 3	Ha me tagrambledhësit dhe mëkatarët	Mësimi 35: Marku 2:13–22
		Dishepujt e Gjonit pyesin për agjërimin: E vjetër dhe e re	Mësimi 46: Lluka 5:27–39
	Dita 4	Jezusi merr pjesë në një festë; shëron në Shabat; ligjërata: Dëshmia e Atit	Mësimi 64: Gjoni 5
	Dita 5	Polemikat për Shabatin	Mësimi 35: Marku 2:23–3:6
		Thirren dhe shugurohen dymbëdhjetë	Mësimi 13: Mateu 9:35–10:8
Java 5	Dita 1	Predikimi në Mal	Mësimi 9: Mateu 5:1–16
	Dita 2	Predikimi në Mal	Mësimi 10: Mateu 5:17–48; Mësimi 47: Lluka 6
	Dita 3	Predikimi në Mal	Mësimi 11: Mateu 6; Mësimi 51: Lluka 12
	Dita 4	Predikimi në Mal	Mësimi 12: Mateu 7
	Dita 5	Jezusi shëron shërbëtorin e centurionit; ngre së vdekuri djalin e së vesë së Nainit	Mësimi 47: Lluka 7:1–18
		Gjon Pagëzori dërgon dishepuj te Jezusi	Mësimi 14: Mateu 11; Mësimi 48: Lluka 7:18–35
Java 6	Dita 1	Gruaja vajos Jezusin	Mësimi 48: Lluka 7:36–50
		Beelzebubi, blasfemia; ligjëratat mbi shenjat; shëmbëlltyra: Shtëpia e zbrazët; nëna dhe vëllezërit e Jezusit	Mësimi 14: Mateu 12:1–50
	Dita 2	Shëmbëlltyra e mbjellësit	Mësimi 15: Mateu 13:1–23
	Dita 3	Shëmbëlltyrat shtesë rreth të ardhmes së mbretërisë	Mësimi 16: Mateu 13:24–58
	Dita 4	Jezusi fashit një stuhi; dëbon një legjion frymërash të liga; shëron gruan me fluks gjaku; ngre së vdekuri bijën e Jairit	Mësimi 36: Marku 4–5
	Dita 5	Nevoja për më shumë punëtorë; caktimi i Të Dymbëdhjetëve	Mësimi 13: Mateu 9:35–10:42
		Vdekja e Gjon Pagëzorit	Mësimi 37: Marku 6:1–29
Java 7	Dita 1	Jezusi ushqen pesë mijë njerëz	Mësimi 37: Marku 6:30–44; Mësimi 17: Mateu 14:1–21
	Dita 2	Jezusi ecën mbi ujë	Mësimi 17: Mateu 14:22–36
		Shërimet	Mësimi 37: Marku 6:45–56
	Dita 3	Ligjërata: Buka e Jetës	Mësimi 65: Gjoni 6:22–59
	Dita 4	Ligjëratat mbi pastërtinë; Jezusi shëron bijën kanaanite dhe njerëz të tjerë	Mësimi 18: Mateu 15
	Dita 5	Jezusi shëron burrin shurdhmemec në Dekapolis; ushqen katër mijë veta; burri i verbër shërohet gradualisht	Mësimi 38: Marku 7:1–8:26
Java 8	Dita 1	Farisenjtë dhe saducenjtë kërkojnë një shenjë; dëshmia e Pjetrit; premtohen çelësat vulosës të mbretërisë; merrni mbi vete një kryq	Mësimi 19: Mateu 16:1–28
	Dita 2	Shpërfytyrimi: jepen çelësat e vulosjes; monedha e haraçit prej një peshku	Mësimi 20: Mateu 17
	Dita 3	Jezusi shëron djalin e pushtuar nga një frymë e ndyrë	Mësimi 39: Marku 9:14–29
	Dita 4	Kush është më i madhi në mbretëri; skandalizimet	Mësimi 40: Marku 9:30–50
	Dita 5	Falja; shëmbëlltyra: Shërbëtori i pamëshirshëm	Mësimi 21: Mateu 18:1–35
Java 9	Dita 1	Sakrifica që kërkohet për ta ndjekur Jezusin; Jezusi u dërgua që të shpëtonte, jo që të shkatërronte	Mësimi 49: Lluka 8–9
	Dita 2	Caktohen dhe dërgohen Të Shtatëdhjetët; Jezusi merr pjesë në Festën e Tabernakujve	Mësimi 50: Lluka 10:1–24; Mësimi 66: Gjoni 7
	Dita 3	Gruaja që shkeli kurorën; Drita e Botës	Mësimi 67: Gjoni 8:1–30
	Dita 4	Jezusi jep mësim rreth lirisë prej mëkatit dhe dëshmon për hyjnishmërinë e Tij	Mësimi 68: Gjoni 8:31–59
	Dita 5	Jezusi shëron një burrë të verbër në Shabat	Mësimi 69: Gjoni 9
Java 10	Dita 1	Shëmbëlltyra: Bariu i Mirë; premtimi i Jezusit për çlodhjen	Mësimi 70: Gjoni 10; Mësimi 14: Mateu 11
	Dita 2	Shëmbëlltyra: Samaritani i mirë	Mësimi 50: Lluka 10:25–37
	Dita 3	Maria dhe Marta; lutja; ruhuni nga farisenjtë; shëmbëlltyra: Pasaniku i pamend	Mësimi 51: Lluka 10:38–12:59
	Dita 4	Shërimi në Shabat; shëmbëlltyra: Gostia e madhe	Mësimi 52: Lluka 13–14
	Dita 5	Shëmbëlltyrat: Delja e humbur, Dhrahmia e humbur, Djali plangprishës	Mësimi 53: Lluka 15
Java 11	Dita 1	Shëmbëlltyrat: Administratori i pabesë, Llazari dhe pasaniku	Mësimi 54: Lluka 16
	Dita 2	Ligjëratat mbi skandalet dhe besimin; Jezusi shëron dhjetë lebrosët	Mësimi 55: Lluka 17
	Dita 3	Jezusi ngre Llazarin së vdekuri	Mësimi 71: Gjoni 11:1–46
	Dita 4	Farisenjtë pyesin rreth divorcit	Mësimi 22: Mateu 19:1–12
	Dita 5	I lini fëmijët e vegjël; sundimtari i ri pasanik	Mësimi 41: Marku 10:1–34
Java 12	Dita 1	Shpërblimi për heqjen dorë nga të gjitha; shëmbëlltyra: Punëtorët në vresht	Mësimi 22: Mateu 19:13–30; 20:1–16
		Më i madhi duhet të shërbejë	Mësimi 41: Marku 10:35–52
	Dita 2	Shëmbëlltyrat: gjykatësi i padrejtë, fariseu dhe tagrambledhësi; Jezusi shëron Bartimeun; viziton Zakeun	Mësimi 56: Lluka 18–21
	Dita 3	Maria vajos Jezusin	Mësimi 42: Marku 14:1–9; Mësimi 72: Gjoni 12:1–19
		Hyrja ngadhënjimtare; pastrimi i dytë i tempullit	Mësimi 23: Mateu 21:1–16
	Dita 4	Fiku mallkohet; shëmbëlltyrat: Dy bijtë, Vreshtarët e këqij, Dasma e birit të mbretit	Mësimi 24: Mateu 21:17–22:14
	Dita 5	Çështja e taksës; martesa dhe Ringjallja; urdhërimi i madh	Mësimi 25: Mateu 22:15–40
Java 13	Dita 1	Denoncimi i hipokrizisë	Mësimi 26: Mateu 23:1–36
		Monedha e gruas së ve	Mësimi 42: Marku 11–13
		Vajtimi i Jezusit për Jerusalemin	Mësimi 26: Mateu 23:37–39
	Dita 2	Komploti kundër Llazarit; ligjërata: Jezusi u dërgua nga Ati, një dritë për ata që besojnë	Mësimi 72: Gjoni 12
	Dita 3	Shkatërrimi i Jerusalemit; shenjat e Ardhjes së Dytë	Mësimi 27: Joseph Smith – Mateu; Mateu 24
	Dita 4	Shëmbëlltyra: Dhjetë virgjëreshat	Mësimi 28: Mateu 25:1–13
	Dita 5	Shëmbëlltyrat: Talentat, Delet dhe cjeptë	Mësimi 29: Mateu 25:14–46
Java 14	Dita 1	Komploti i Judës për ta tradhtuar Jezusin; Darka e Fundit fillon	Mësimi 30: Mateu 26:1–16
		Jezusi lan këmbët e dishepujve	Mësimi 73: Gjoni 13:1–17
		“Mos Jam Unë, Zot?”	Mësimi 30: Mateu 26:17–25
	Dita 2	Një urdhërim i ri	Mësimi 73: Gjoni 13:31–38
		Krijohet sakramenti	Mësimi 30: Mateu 26:26–30
	Dita 3	Ligjërata mbi Ngushëlluesin	Mësimi 74: Gjoni 14
	Dita 4	Paratregohet mohimi nga Pjetri	Mësimi 57: Lluka 22:1–38
		Hardhia e Vërtetë; doni njëri-tjetrin; dëshmon Shpirti i së vërtetës	Mësimi 75: Gjoni 15
	Dita 5	Paralajmërimet për Apostujt; Ngushëlluesi; kundërshtimi: Gëzim e hidhërim	Mësimi 76: Gjoni 16
Java 15	Dita 1	Lutja ndërmjetësuese e Jezusit	Mësimi 77: Gjoni 17
	Dita 2	Vuajtja dhe lutjet e Jezusit në Gjetseman	Mësimi 31: Mateu 26:31–46; Mësimi 42: Marku 14:10–16:20; Mësimi 57: Lluka 22:39–53
	Dita 3	Jezusi arrestohet; mohimi nga Pjetri; nxjerrja në gjyq e Jezusit përpara Kajafës	Mësimi 31: Mateu 26:47–75; Mësimi 57: Lluka 22:39–71
	Dita 4	Nxjerrja në gjyq para Pilatit dhe Herodit; Baraba lirohet	Mësimi 58: Lluka 23:1–25; Mësimi 78: Gjoni 18:1–19:16
		Nxjerrja e dytë në gjyq para Pilatit	Mësimi 78: Gjoni 18:33–19:16
		Jezusi fshikullohet dhe tallet	Mësimi 32: Mateu 27:1–50
	Dita 5	Kryqëzimi	Mësimi 32: Mateu 27:26–50; Mësimi 58: Lluka 23:26–56; Mësimi 78: Gjoni 19:17–42
Java 16	Dita 1	Vdekja e Jezu Krishtit; varrimi i Jezusit; krerët e priftërinjve dhe farisenjtë vulosin varrin	Mësimi 33: Mateu 27:51–66
	Dita 2	Ringjallja	Mësimi 33: Mateu 28:1–20; Mësimi 79: Gjoni 20
	Dita 3	Jezusi u shfaqet dy dishepujve në rrugën për në Emaus	Mësimi 59: Lluka 24:13–32
	Dita 4	Mbrëmja: Jezusi u shfaqet dishepujve, Thomai	Mësimi 79: Gjoni 20:11–31
	Dita 5	Pjetri: “Po shkoj të peshkoj”, Jezusi: “Kulloti delet e mia”	Mësimi 80: Gjoni 21; Mësimi 33: Mateu 28:1–20
		Porosia e madhe për Të Dymbëdhjetët; Ngjitja në qiell	Mësimi 59: Lluka 24