សេចក្ដីសង្ខេបនៃព្រះគម្ពីរមរមន

សេចក្តីផ្ដើម

មេរៀននេះ ផ្ដល់នូវសេចក្ដីសង្ខេបពីព្រះគម្ពីរមរមន ។ សិស្សនឹងសិក្សាពីទីបន្ទាល់របស់ យ៉ូសែប ស្ម៊ីធ ទាក់ទងនឹងការចេញមកនៃព្រះគម្ពីរមរមន ។ ពួកគេនឹងរៀនផងដែរ ពីរបៀបដែលព្រះគម្ពីរត្រូវបានចងក្រង និង សង្ខេបក្រោមការណែនាំពីស្ថានសួគ៌ ។ អ្នកសរសេរព្រះគម្ពីរមរមន បានឃើញជំនាន់ចុងក្រោយ ហើយពួកគេបានបញ្ចូលដំណើររឿង និង ការបង្រៀនដែលពួកគេដឹងថា គឺជាប្រយោជន៍ដ៏ធំបំផុតចំពោះយើង ។

ការផ្ដល់នូវសេចក្ដីសង្ខេប

ប្រធាន ប៊យដ៍ ឃេ ផាកកឺ នៃកូរ៉ុមនៃពួកសាវកដប់ពីរនាក់ បានមានប្រសាសន៍ថា ៖ « មានតម្លៃដ៏ធំ នៅក្នុងការបង្ហាញ នូវសេចក្ដីសង្ខេប មួយ ប៉ុន្ដែត្រូវជាសេចក្ដីសង្ខេបដែលរៀបចំដ៏ប្រុងប្រយ័ត្នក្រៃលែង នៃការថ្លែងទាំងអស់នៅពេលចាប់ផ្ដើមដំបូងបំផុត ។ …

« … [ សិស្ស ] ចាំបានច្រើនជាងមុន នៅពេលពួកគេដឹងពីរបៀបដែលចំណែកទាំងអស់រួមចូលគ្នា ហើយពន្លឺនៃការរៀនសូត្របានភ្លឺកាន់តែខ្លាំងឡើង ។ ទម្រង់នៃការឃើញជាមុន គឺជាគម្រោងមួយ ហើយគឺកាន់តែមានតម្លៃជាងដែលសមនឹងពេលវេលា និង ការងារដែលដាក់ទុនជាមួយនឹងវា » ( « The Great Plan of Happiness » [ ការប្រជុំពិភាក្សារបស់ CES ស្តីអំពីគោលលទ្ធិ និង សេចក្តីសញ្ញា/ប្រវត្តិសាសនាចក្រ ថ្ងៃទី 10 ខែ សីហា ឆ្នាំ 1993] ទំព័រ 2 si.lds.org ) ។

យោបល់សម្រាប់ការបង្រៀន

ទីបន្ទាល់របស់ព្យាការី យ៉ូសែប ស្ម៊ីធ

មុនចាប់ផ្ដើមថ្នាក់ សូមដាក់ព្រះគម្ពីរមរមននៅក្នុងប្រអប់មួយ ហើយខ្ចប់វាដូចជាអំណោយមួយ ។ សូមដាក់តាំងអំណោយនោះ លើតុមួយ នៅខាងមុខថ្នាក់ ហើយប្រាប់សិស្សថា វាជាអំណោយដ៏មានតម្លៃមួយ ។

តើអ្វីខ្លះជាអំណោយដ៏មានតម្លៃបំផុត ដែលអ្នកបានទទួល ?
តើអ្វីធ្វើឲ្យអំណោយមួយមានតម្លៃ ?
តើអ្នកមានអារម្មណ៍យ៉ាងណា នៅពេលអ្នកឲ្យអំណោយមួយដែលអ្នកចាត់ទុកថា មានតម្លៃ ហើយអ្នកទទួលទទួលវាដោយមានសេចក្ដីអំណរ ?

សូមអញ្ជើញសិស្សម្នាក់បើកអំណោយនោះ ហើយបង្ហាញសិស្សផ្សេងទៀត ឲ្យឃើញអ្វីដែលមាននៅខាងក្នុង ។

តើនរណាបានឲ្យអំណោយនេះដល់យើង ?
ហេតុអ្វីបានជាអ្នកមានអារម្មណ៍ថា អំណោយនេះមានតម្លៃ ?

សូមដាក់តាំងរូបភាព មរ៉ូណៃ លេចមកឯ យ៉ូសែប ស្ម៊ីធ នៅក្នុងបន្ទប់របស់គាត់ (62492; សៀវភៅរូបភាពដំណឹងល្អ [ឆ្នាំ 2009] ទំព័រ 91 ) ។

រូបភាព

The Angel Moroni Appears to Joseph Smith

តើព្រឹត្តិការណ៍អ្វី ដែលត្រូវបានបង្ហាញនៅក្នុងរូបភាពនេះ ?
តើព្រឹត្តិការណ៍នេះ ជួយយ៉ាងដូចម្ដេចចំពោះការស្ដារឡើងវិញនៃដំណឹងល្អ ?

សូមពន្យល់ដល់សិស្សថា ពួកគេនឹងអាននូវពាក្យសម្ដីរបស់ព្យាការី យ៉ូសែប ស្ម៊ីធ ផ្ទាល់ ឥឡូវនេះ អំពីការលេចចេញមកនៃព្រះគម្ពីរមរមន ។ សូមប្រាប់ពួកគេថា ទីបន្ទាល់របស់ព្យាការី យ៉ូសែប ស្ម៊ីធ ដែលសម្ដែងឡើងនៅដើមដំបូងនៃព្រះគម្ពីរមរមន ត្រូវបានដកស្រង់ពីប្រវត្តិ —យ៉ូសែប ស្ម៊ីធ នៅក្នុងមុក្តាដ៏មានតម្លៃមហិមា ។ នៅពេលសិស្សបំពេញសកម្មភាពខាងក្រោម សូមឲ្យពួកគេអានពីមុក្តាដ៏មានតម្លៃមហិមា ។

សូមចាត់សិស្សឲ្យធ្វើការជាដៃគូ ។ សូមអញ្ជើញសិស្សម្នាក់ក្នុងដៃគូនីមួយៗ អាន យ៉ូសែប ស្ម៊ីធ —ប្រវត្តិ 1:30, 32–35, 42ដោយស្ងាត់ស្ងៀម ។ សុំឲ្យសិស្សម្នាក់ទៀតនៅក្នុងដៃគូនីមួយៗអាន យ៉ូសែប ស្ម៊ីធ —ប្រវត្តិ1:51–54, 59–60ដោយស្ងាត់ស្ងៀម ។ សូមពន្យល់ថា នៅពេលពួកគេអានចប់ ដៃគូនីមួយៗ គួរតែបង្រៀនដៃគូមួយទៀត ពីអ្វីដែលពួកគេបានអាន ។

ក្រោយពីសិស្សមានពេលគ្រប់គ្រាន់ដើម្បីអាន និង ពិភាក្សារួច សូមសួរ ៖

តើអ្នកគិតថា វាអាចជួយ យ៉ូសែប ស្ម៊ីធ បានយ៉ាងដូចម្ដេច ក្នុងការរង់ចាំរយៈពេលបួនឆ្នាំ មុនពេលគាត់អាចយកផ្ទាំងមាសនោះមកផ្ទះជាមួយនឹងគាត់ ? ( អំឡុងពេលនោះ យ៉ូសែប ត្រូវបានបង្រៀនដោយ មរ៉ូណៃ ហើយគាត់បានធំលូតលាស់ឡើង ក្នុងរបៀបច្រើនយ៉ាង ។ ( សូមមើល យ៉ូសែប ស្ម៊ីធ —ប្រវត្តិ 1:54 ) ។
នៅក្នុងដំណើររឿងរបស់ យ៉ូសែប ស្ម៊ីធ តើមានភស្ដុតាងអ្វី ដែលអ្នកមើលឃើញថា ព្រះអម្ចាស់បានរក្សាព្រះគម្ពីរមរមន ឲ្យចេញមកនៅក្នុងថ្ងៃចុងក្រោយ ?
នៅក្នុងដំណើររឿងរបស់ យ៉ូសែប ស្ម៊ីធ តើមានភស្ដុតាងអ្វី ដែលអ្នកមើលឃើញថា ព្រះគម្ពីរមរមនបានចេញមកដោយព្រះចេសា្ដនៃព្រះ ?

ការពន្យល់សង្ខេបមួយអំពីព្រះគម្ពីរមរមន

ដើម្បីជួយសិស្សយល់ពីរបៀបដែលព្រះគម្ពីរមរមន ត្រូវបានចងក្រងឡើង សូមឲ្យពួកគេបើកទៅ « ការពន្យល់សង្ខេបមួយ អំពីព្រះគម្ពីរមរមន » នៅក្នុងទំព័របុព្វកថានៃព្រះគម្ពីរមរមន ។ សូមអញ្ជើញសិស្សបួននាក់ ប្ដូរវេនគ្នាអានចំណុចនានា 1–4 ឮៗ ។ នៅពេលពួកគេអាន សូមឲ្យសិស្សក្នុងថ្នាក់ផ្សេងទៀត ស្ដាប់នូវរបៀបដែលផ្ទាំងមាសទាំងនោះមួយៗ សំខាន់ចំពោះព្រះគម្ពីរមរមន ។ ឧបសម្ព័ន្ធលើសៀវភៅសិក្សានេះ រួមមានគំនូរដែលមានចំណងជើងថា « ផ្ទាំងមាស និង ទំនាក់ទំនងរបស់ពួកគេទៅនឹងព្រះគម្ពីរមរមនដែលបានបោះពុម្ពរួច » ។ គំនូរនេះ អាចជួយសិស្សឲ្យមើលឃើញពីផ្ទាំងមាស ដែលបានពិភាក្សានៅក្នុង « ការពន្យល់សង្ខេបមួយ អំពីព្រះគម្ពីរមរមន » ។ ( ប្រសិនបើអ្នកមានអារម្មណ៍ថា វានឹងជួយជាផ្នែកមួយនៃការពិភាក្សានេះ សូមបង្ហាញកថាខណ្ឌចុងក្រោយនៃការពន្យល់សង្ខេបនេះ ដោយចាប់ផ្ដើមដោយឃ្លា « អំពីការបោះពុម្ពផ្សាយនេះ » ។ សូមពន្យល់ថា ការបោះពុម្ពនីមួយៗនៃព្រះគម្ពីរមរមន បានរួមបញ្ចូលការកែប្រែបន្ដិចបន្ដួចនៃការប្រកប និង កំហុសការវាយអក្សរ ។ )

រូបភាព

Mormon Abridging the Plates

សូមបង្ហាញរូបភាព មរមនសង្ខេបផ្ទាំងមាស (62520; សៀវភៅរូបភាពដំណឹងល្អ ទំព័រ 73 ) ។ សូមពន្យល់ថា មនុស្សជាច្រើន បានរក្សាកំណត់ត្រានេះ ដែលនៅទីបញ្ចប់ ក្លាយទៅជាព្រះគម្ពីរមរមន ។ សូមសរសេរសេចក្តីយោងបទគម្ពីរខាងក្រោមលើក្ដារខៀន ។ សុំឲ្យសិស្សសិក្សាវាដោយស្ងាត់ៗ ដោយរកមើលគោលការណ៍ខ្លះ ដែលជួយអ្នកសរសេរព្រះគម្ពីរមរមន សម្រេចនូវអ្វីដែលត្រូវបញ្ចូលក្នុងកំណត់ត្រារបស់ពួកគេ ។ សូមអញ្ជើញសិស្សឲ្យចែកចាយនូវអ្វីដែលពួកគេរកឃើញ ។ ( អ្នកគប្បីសរសេរចម្លើយរបស់ពួកគេនៅលើក្ដារខៀន ) ។

តើការយល់ពីគោលការណ៍ណែនាំទាំងនេះ គប្បីជួយអ្នក នៅពេលអ្នកសិក្សាពីព្រះគម្ពីរមរមនយ៉ាងដូចម្ដេច ?

សូមចែកចាយទីបន្ទាល់របស់អ្នកថា អ្នកសរសេរព្រះគម្ពីរមរមន បានឃើញជំនាន់របស់យើង ហើយបានសរសេរអ្វីដែលនឹងជួយដល់យើងខ្លាំងបំផុត ។សូមអញ្ជើញសិស្សម្នាក់អាន មរមន 8:35–38 ឮៗ ។

តើបញ្ហាអ្វី ដែលមរ៉ូណៃបានឃើញ ក្នុងចំណោមប្រជាជនក្នុងជំនាន់យើង ?
ហេតុអ្វីបានជាវាសំខាន់ដើម្បីដឹងថា មរ៉ូណៃ និង អ្នកសរសេរផ្សេងទៀតនៃព្រះគម្ពីរមរមន បានដឹងពីបញ្ហាដែលយើងនឹងជួបប្រទះ ?

សូមអញ្ជើញសិស្សម្នាក់អានសេចក្ដីថ្លែងការណ៍ខាងក្រោមដោយប្រធាន អ៊ែសរ៉ា ថាហ្វ ប៊ែនសឹន ដែលទាក់ទងនឹងរបៀបដើម្បីសិក្សាព្រះគម្ពីរមរមន ៖

រូបភាព

ប្រធាន អ៊ែសរ៉ា ថាហ្វ ប៊ែនសឹន

« បើសិនជាពួកលោកបានឃើញសម័យរបស់យើង និង បានជ្រើសរើសការណ៍ទាំងនោះដែលអាចមានតម្លៃអស្ចារ្យបំផុតដល់យើង តើនោះមិនមែនជារបៀបដែលយើងគួរតែសិក្សាព្រះគម្ពីរមរមនដែរឬទេអី ? យើងគួរតែសួរខ្លួនឯងជាញឹកញាប់ថា ‹ ហេតុអ្វីបានជាព្រះអម្ចាស់បំផុសគំនិតមរមន ( ឬ មរ៉ូណៃ ឬ អាលម៉ា ) ឲ្យបញ្ចូលការណ៍នោះ នៅក្នុងបញ្ជីរបស់លោក ? តើមេរៀនអ្វីដែលខ្ញុំអាចរៀនពីរឿងនោះ ដើម្បីជួយខ្ញុំឲ្យរស់នៅក្នុងជំនាន់ និង សម័យកាលនេះ ? » ( « ព្រះគម្ពីរមរមន— សិលាគន្លឹះនៃសាសនារបស់យើង »Ensign ខែ វិច្ឆិកា ឆ្នាំ 1986 ទំព័រ 6) ។

សូមប្រាប់ដល់សិស្សថា ប្រជាជនដែលត្រូវបានកត់ត្រាដាក់ក្នុងព្រះគម្ពីរមរមន បានជួបប្រទះនូវបញ្ហាជាច្រើនដូចជាជំនាន់របស់យើងដែរ ។ ទោះបីជាព្រះគម្ពីរមរមន គឺជាឯកសារពីបុរាណមួយក៏ដោយ ក៏គោលលទ្ធិ ប្រវត្តិសាស្ដ្រ និង ដំណើររឿងរបស់គម្ពីរមានតម្លៃដ៏មហិមានាពេលបច្ចុប្បន្ន ។

សុំឲ្យសិស្សម្នាក់អានឮៗ នូវសេចក្ដីថ្លែងការណ៍ខាងក្រោមដោយ ប្រធាន អ៊ែសរ៉ា ថាហ្វ ប៊ែនសឹន ។ ( អ្នកគប្បីឲ្យសិស្សម្នាក់ៗ នូវសេចក្ដីថ្លែងការណ៍នេះមួយច្បាប់ ) ។ សុំឲ្យថ្នាក់ស្ដាប់នូវពរជ័យទាំងឡាយដែលប្រធាន ប៊ែនសឹន បានសន្យាដល់អស់អ្នកដែលចាប់ផ្ដើមសិក្សា ព្រះគម្ពីរមរមនខ្លាំង ។

« វាមិនត្រឹមតែថា ព្រះគម្ពីរមរមន បង្រៀនយើងនូវការពិតប៉ុណ្ណោះទេ តែវាពិតបង្រៀនច្បាស់លាស់មែន ។ ព្រះគម្ពីរមរមនពុំមែនគ្រាន់តែថ្លែងទីបន្ទាល់អំពីព្រះគ្រីស្ទប៉ុណ្ណោះនោះទេ ប៉ុន្ដែវាពិតជាបានថ្លែងទីបន្ទាល់ពិតមែនផងដែរ ។ ប៉ុន្តែមានអ្វីៗច្រើនជាងនេះទៅទៀត ។ នៅក្នុងព្រះគម្ពីរមរមន មាននូវព្រះចេស្ដាមួយដែលនឹងចូលទៅក្នុងជីវិតរបស់អ្នក នៅខណៈពេលដែលអ្នកចាប់ផ្តើមសិក្សាព្រះគម្ពីរនេះឲ្យបានហ្មត់ចត់ ។ អ្នកនឹងរកឃើញនូវព្រះចេស្ដាដ៏កាន់តែធំមហិមា ដើម្បីទប់ទល់នឹងសេចក្តីល្បួង ។ អ្នកនឹងរកឃើញព្រះចេស្ដាដើម្បីជៀសវាងពីការបោកបញ្ឆោត ។ អ្នកនឹងរកឃើញព្រះចេស្ដាដើម្បីឈរនៅលើផ្លូវត្រង់ និង ចង្អៀត ។ ព្រះគម្ពីរទាំងអស់ត្រូវបានហៅថាជា « ព្រះបន្ទូលទាំងឡាយនៃជីវិត » (សូមមើល គ. និង ស. 84:85) ហើយគ្មានព្រះគម្ពីរណាដែលពិតជាងនេះ ជាងព្រះគម្ពីរមរមនឡើយ ។ នៅពេលអ្នកចាប់ផ្ដើមស្រេកឃ្លាន និង ស្រេកតាមព្រះបន្ទូលទាំងនោះ អ្នកនឹងឃើញថា ជីវិតអ្នកនឹងបរិបូរណ៍ដ៏អស្ចារ្យជាងមុនឆ្ងាយណាស់ » ( « ព្រះគម្ពីរមរមន— សិលាគន្លឹះនៃសាសនារបស់យើង » ទំព័រ 7 ) ។

តើអ្នកមានបទពិសោធន៍ទទួលបានពរជ័យពីការសិក្សាព្រះគម្ពីរមរមន ពេលណាដែរទេ ?

សូមចែកចាយទីបន្ទាល់របស់អ្នកថា ព្រះគម្ពីរមរមន បានផ្ដល់ដល់យើងនូវព្រះចេស្ដាដ៏កាន់តែធំមហិមា ដើម្បីទប់ទល់នឹងសេចក្ដីល្បួង ដើម្បីជៀសវាងពីការបោកបញ្ឆោត ហើយនឹងដើម្បីឈរនៅលើផ្លូវត្រង់ និង ចង្អៀត ។សូមប្រាប់សិស្ស អំពីពេលមួយដែលអ្នកបានទទួលនូវពរជ័យទាំងនេះ ដែលជាលទ្ធផលនៃការសិក្សាព្រះគម្ពីរមរមន ។

ពីមុនចាប់ផ្តើមថ្នាក់

បើសិនជាអាច សូមយកពេលរៀបចំថ្នាក់រៀន មុនចាប់ផ្ដើមថ្នាក់ ។ សូមសរសេរសេចក្តីយោងបទគម្ពីរ សំណួរ និង សកម្មភាពផ្សេងទៀត នៅលើក្ដារខៀន ពីមុនពេលចាប់ផ្តើមថ្នាក់ ។ វានឹងជួយអ្នក សន្សំពេលណែនាំដ៏មានតម្លៃ និង លុបបំបាត់ការរំខានដែលអាចផ្ដាច់នូវការបង្រៀន និង ដំណើរការរៀនសូត្របាន ។

មុននឹងថ្នាក់ចាប់ផ្តើម សូមសរសេរនូវបញ្ជីសំណួរ និង ព្រះគម្ពីរខាងក្រោមនៅលើក្ដារខៀន ៖

តើមានព្រះទេ ? ( សូមមើល អាលម៉ា 30:37–44 ) ។ តើខ្ញុំអាចស្គាល់ព្រះទេ ? ( សូមមើល អាលម៉ា 22:18 ) ។ តើព្រះខ្វល់ខ្វាយពីខ្ញុំឬទេ ? ( សូមអាន នីហ្វៃទី3 13:26–32 ) ។
តើខ្ញុំអាចទប់ទល់នឹងសេចក្ដីល្បួង និង អំពើបាបបានដោយរបៀបណា ? ( សូមមើលហេលេមិន 5:12 ) ។
តើអ្វីគឺជាគោលបំណងនៃជីវិត ? ( សូមមើល អាលម៉ា 34:32–34 ) ។
តើមានជីវិតក្រោយពីសេចក្ដីស្លាប់ដែរឬទេ ? ( សូមមើល អាលម៉ា 40:11–12, 21–23 ) ។
តើខ្ញុំអាចរកឃើញសេចក្ដីសុខសាន្ដ និង សេចក្ដីអំណរ ហើយរីករាយបានដោយរបៀបណា ? ( សូមមើល ម៉ូសាយ 2:41; 4:2–3; អាលម៉ា 41:10 ) ។
តើគ្រួសាររបស់ខ្ញុំអាចបានរីករាយ និង កាន់តែសាមគ្គីគ្នា ដោយរបៀបណា ? ( សូមមើល ម៉ូសាយ 4:14–15 ) ។
តើខ្ញុំអាចអារកាត់វាងត្រូវ និង ខុសបានដោយរបៀបណា ? ( សូមមើល មរ៉ូណៃ 7:16–17 ) ។
ហេតុអ្វីបានជាព្រះអនុញ្ញាតឲ្យមានសេចក្ដីអាក្រក់ និង ការរងទុក្ខកើតឡើង ? ( សូមមើល នីហ្វៃទី2 2:1–2, 11–16, 22–27; អាលម៉ា 14:9–11; 60:13 ) ។

សូមពន្យល់ថា បន្ថែមពីលើពរជ័យទាំងឡាយ ដែលបាននិយាយរួចមកហើយ ព្រះគម្ពីរមរមនរួមមានចម្លើយចំពោះសំណួរដ៏មានន័យបំផុតនៅក្នុងជីវិតរបស់យើង ។សូមអញ្ជើញសិស្សឲ្យជ្រើសរើសសំណួរផ្ទាល់ខ្លួនមួយ ឬ ពីរ ហើយស្វែងរកវគ្គគម្ពីរអមមកជាមួយ ចំពោះចម្លើយទាំងនោះ ។ សូមឲ្យពេលពួកគេពីរបីនាទី ដើម្បីស្វែងរកចម្លើយ ។ អ្នកគប្បីដើរជុំវិញថ្នាក់រៀន ដោយជួយសិស្សតាមដែលគេត្រូវការ ។

តើព្រះគម្ពីរមរមន ឆ្លើយតបចំពោះសំណួរទាំងអស់ដែលអ្នកបានជ្រើសរើសដោយរបៀបណា ?

សូមអានសេចក្ដីថ្លែងការណ៍ខាងក្រោមដោយប្រធាន ប៊យដ៍ ឃេ ផាកកឺ នៃកូរ៉ុមនៃពួកសាវកដប់ពីរនាក់ ។ នៅពេលគាត់បានធ្វើសេចក្ដីថ្លែងការណ៍នេះ គាត់កំពុងនិយាយទៅរកគ្រូបង្រៀនទាំងឡាយនៅថ្នាក់សិក្ខាសាលា និង ថ្នាក់វិទ្យាស្ថាន អំពីព្រះចេសា្ដនៃព្រះគម្ពីរ ក្នុងការឆ្លើយតបនូវរាល់សំណួរដ៏មានន័យបំផុតនៅក្នុងជីវិតរបស់យើង ។

« ប្រសិនបើសិស្សរបស់អ្នកយល់ស្គាល់នឹងវិវរណៈនានា នោះគ្មានសំណួរ —ផ្ទាល់ខ្លួន ឬ សង្គម ឬ នយោបាយ ឬ ការងារណា—ដែលត្រូវទៅដោយគ្មានចម្លើយនោះទេ ។ ត្រង់នេះ រួមមានភាពពេញលេញនៃដំណឹងល្អជារៀងរហូតតទៅ ។ ត្រង់នេះ យើងរកឃើញនូវគោលការណ៍នៃសេចក្ដីពិត ដែលនឹងដោះស្រាយនូវរាល់ការភាន់ច្រឡំ និង រាល់ការខ្វល់ខ្វាយក្នុងចិត្ត ដែលនឹងជួបប្រទះក្នុងគ្រួសាររបស់មនុស្សជាតិ ឬ បុគ្គលណាក៏ដោយ » ( « បង្រៀនព្រះគម្ពីរ » [ សុន្ទរកថាថ្លែងទៅកាន់អ្នកអប់រំសាសនា CES នៅថ្ងៃទី 14 ខែ តុលា ឆ្នាំ 1977], 3–4, si.lds.org) ។

សូមចែកចាយពីរបៀបដែលព្រះគម្ពីរមរមន បានប្រទានពរដល់ជីវិតរបស់អ្នក ។ សូមរំឭកដល់សិស្សពីគោលដៅរបស់ពួកគេ ឲ្យអានព្រះគម្ពីរមរមនប្រចាំថ្ងៃ និង អានព្រះគម្ពីរមរមនទាំងមូលយ៉ាងហោចណាស់មួយឆ្នាំម្ដង ។

វិចារណកថា និង ព័ត៌មានសាច់រឿង

ការពន្យល់សង្ខេបមួយអំពីព្រះគម្ពីរមរមន ។ « អំពីការបោះពុម្ពនេះ »

មានការសរសេរដោយដៃពីរនៃព្រះគម្ពីរមរមន ៖ ការសរសេរដោយដៃសំណៅដើម និង ការសរសេរដោយដៃរបស់អ្នកបោះពុម្ព ។ ចំណែកដ៏តូចមួយនៃការបោះពុម្ពសម្រាប់ការបោះពុម្ពឆ្នាំ 1830 នៃព្រះគម្ពីរមរមន ត្រូវផ្អែកលើការសរសេរដោយដៃសំណៅដើម ហើយអ្វីផ្សេងទាំងអស់ ត្រូវផ្អែកលើការសរសេរដោយដៃរបស់អ្នកបោះពុម្ព ដែលជាច្បាប់ចម្លងមួយនៃការសរសេរដោយដៃសំណៅដើម ។ នៅពេល យ៉ូសែប ស្ម៊ីធ បានរៀបចំការបោះពុម្ពព្រះគម្ពីរមរមននៅឆ្នាំ 1840 គាត់បានប្រើការសរសេរច្បាប់ដើមដោយដៃ ដើម្បីកែកំហុសអចេតនានានា និង ការលុបដែលបានកើតឡើងដោយអចេតនា នៅក្នុងការបោះពុម្ពឆ្នាំ 1830 ។ សម្រាប់ការបោះពុម្ពឆ្នាំ 1981 ដែលជាឯកសារសរសេរដោយដៃច្បាប់ដើម ត្រូវបានពិភាក្សាជាថ្មីម្ដងទៀតដើម្បីរើឡើងវិញនូវពាក្យដើមប្រហែល 20 កន្លែង ។ រាល់កំហុសនានានៅក្នុងព្រះគម្ពីរមរមន គឺជាកំហុសរបស់មនុស្ស ហើយការផ្លាស់ប្ដូរនានា ដែលធ្វើឡើង គឺធ្វើឡើងដើម្បីស្ដារឡើងវិញនូវព្រះគម្ពីរមរមន ឲ្យទៅន័យ និង គោលបំណងដើមរបស់វាវិញប៉ុណ្ណោះ ។ ( សូមមើល Book of Mormon Reference Companion, ed. Dennis Largey [2003], 124–25 ) ។

ប្រធាន យ៉ូសែប ហ៉្វីលឌីង ស៊្មីធ បានសរសេរថា ៖

« វាចងភ្ជាប់ទៅជាការរៀបអក្សរបោះពុម្ពខុសខ្លះ នៅក្នុងការបោះពុម្ពលើកទីមួយ [ នៃព្រះគម្ពីរមរមន ] ហើយប្រហែលជាការលុបខ្លះនៃពាក្យមួយ ឬ ពីរ ។ អ្នកដែលបានបោះពុម្ពព្រះគម្ពីរ ក្រោមកាលៈទេសៈដ៏ប្រុងប្រយ័ត្ន និង ដែលអនុគ្រោះបំផុត បែរជាស្រងាកចិត្ត ដោយបានរកឃើញកំហុសនានា ខាងការរៀបអក្សរបោះពុម្ព និង បច្ចេកទេស ដែលខ្លះកើតឡើងក្រោយពេលមានភស្ដុតាងនៃការពិនិត្យលើកចុងក្រោយ ។

« … ការត្រួតពិនិត្យយ៉ាងយកចិត្តទុកដាក់នៃបញ្ជីនៃការផ្លាស់ប្ដូរ … បង្ហាញថា គ្មានការផ្លាស់ប្ដូរមួយ ឬ ការបន្ថែមមួយដែលមិនស្ថិតនៅក្នុងភាពស្របគ្នានឹងអត្ថបទដើមនោះទេ ។ ការផ្លាស់ប្ដូរនានា ត្រូវបានធ្វើឡើងលើវណ្ណយុត្តិ និង កំហុសតិចតួចពីរបីផ្សេងទៀត ដែលត្រូវការការកែតម្រូវ ប៉ុន្ដែមិនដែលមានការផ្លាស់ប្ដូរ ឬ ការបន្ថែមដែលផ្លាស់ប្ដូរគំនិតដើមសូម្បីតែមួយ ។ នៅពេលវាលេចឡើងចំពោះយើង ការផ្លាស់ប្ដូរ … គឺជាអ្វីដែលធ្វើឲ្យអត្ថបទច្បាស់ជាងមុន ហើយបង្ហាញថា វាត្រូវបានលុបចេញ ។ ខ្ញុំប្រាកដថា កំហុស ឬ ការលុបចេញនានានៅក្នុងការបោះពុម្ពលើកទីមួយនេះ គឺជាកំហុសដ៏ធំរបស់អ្នករៀបពុម្ព ឬ អ្នកបោះពុម្ព ។ កំហុសទាំងនេះភាគច្រើន ដែលស្ថិតនៅក្នុងសំណៅលើកទីមួយ ត្រូវបានចាប់ដោយព្យាការី យ៉ូសែប ស្ម៊ីធ ខ្លួនគាត់ផ្ទាល់ ហើយគាត់បានកែតម្រូវ » (Answers to Gospel Questions, comp ។ Joseph Fielding Smith Jr វ៉ុល 5 [1957–66] 2:199–200 អក្សរទ្រេតក្នុងច្បាប់ដើម ) ។