មេរៀនទី 83
អាលម៉ា 19–20
សេចក្តីផ្ដើម
ស្ដេចឡាម៉ូណៃបានទទួលនូវការផ្លាស់ប្ដូរក្នុងដួងចិត្ត ដែលនាំទៅរកការប្រែចិត្តជឿរបស់មហេសីទ្រង់ និងប្រជាជនជាច្រើនរបស់ទ្រង់ ។ បន្ទាប់មក អាំម៉ូន និងស្ដេចឡាម៉ូណៃបានធ្វើដំណើរទៅមិឌដូណៃដើម្បីដោះលែងបងប្អូនប្រុសដែលជាប់គុករបស់អាំម៉ូន ។ នៅតាមផ្លូវ ពួកគាត់បានជួបនឹងបិតារបស់ឡាម៉ូណៃ ជាស្ដេចនៃអស់ទាំងដែនដី ។ ព្រះអង្គបានរំភើបដោយសម្ដីរបស់ឡាម៉ូណៃ និងអាំម៉ូន ដោយកម្លាំងរបស់អាំម៉ូន និងដោយសេចក្ដីស្រឡាញ់របស់អាំម៉ូនចំពោះឡាម៉ូណៃ ។ ដួងចិត្តរបស់ទ្រង់ត្រូវបានបន្ទន់ ហើយទ្រង់បានធានាដល់ពួកគេថា បងប្អូនប្រុសរបស់អាំម៉ូននឹងត្រូវដោះលែងពីគុក ។ ទ្រង់បង្ហាញពីបំណងប្រាថ្នាដើម្បីរៀនអំពីពាក្យដែលទ្រង់បានឮពីបុត្រារបស់ទ្រង់ និងអាំម៉ូន ។
យោបល់សម្រាប់ការបង្រៀន
អាលម៉ា 19
ស្ដេចឡាម៉ូណៃ និងប្រជាជនជាច្រើនរបស់ទ្រង់ប្រែចិត្ត ហើយបានជ្រមុជទឹក
សូមសួរសិស្ស ៖
-
នៅពេលដែលអ្នកទម្លាក់ថ្មទៅក្នុងអាងទឹកមួយ តើនឹងមានអ្វីកើតឡើងលើទឹកនោះ ?
នៅពេលសិស្សរៀបរាប់ពីឥទ្ធិពលនៃថ្មដែលធ្លាក់ទៅក្នុងទឹក សូមគូសតារាងដូចខាងក្រោមនៅលើក្ដារខៀន ដោយរំលងពាក្យទាំងឡាយ ។
សូមសរសេរឃ្លាខាងក្រោមនៅលើក្តាខៀន ៖
ដោយការចែកចាយទីបន្ទាល់របស់យើង និងការបង្ហាញគំរូដ៏សុចរិត យើងអាច …
សូមឲ្យសិស្សចាំប្រយោគនេះពេលរៀនមេរៀននេះ ហើយគិតពីរបៀបដែលពួកគេអាចបំពេញវា ។
-
តើសកម្មភាពរបស់បុគ្គលម្នាក់អាចដូចជាថ្មដែលបានធ្លាក់ទៅក្នុងទឹកនោះដោយរបៀបណា ? ( សូមជួយសិស្សឲ្យយល់ថា ដូចជារលកដែលកើតពីការទម្លាក់ថ្មនោះដែរ មនុស្សផ្សេងទៀតអាចទទួលឥទ្ធិពលពីសកម្មភាពរបស់យើង ។
សូមសររសេរ អាំម៉ូន នៅក្នុងរង្វង់ទីមួយនៅក្នុងតារាង ។
-
តើនរណាដែលអាំម៉ូនបានបង្រៀនដំបូងគេបង្អស់ ? ( ប្រសិនបើសិស្សត្រូវការជំនួយក្នុងការឆ្លើយនឹងសំណួរនេះ អ្នកអាចផ្ដល់យោបល់ថា ពួកគេគួររំឭកសេចក្ដីសង្ខេបជំពូកនៃ អាលម៉ា 18 ។ សូមសរសេរ ស្ដេចឡាម៉ូណៃ នៅលើរង្វង់ទីពីរក្នុងតារាង ។
សូមសង្ខេប អាលម៉ា 18:40–43 និង 19:1–5 ដោយការពន្យល់ថា នៅពេលស្ដេចឡាម៉ូណៃបានស្ដាប់តាមអាំម៉ូន ទ្រង់បានទទួលស្គាល់ពីអំពើបាបរបស់ទ្រង់ផ្ទាល់ និងពីតម្រូវការរបស់ទ្រង់ដើម្បីមានព្រះអង្គសង្គ្រោះ ។ ទ្រង់បានព្រះកន្សែងសុំឲ្យព្រះអម្ចាស់មេត្តាករុណា ហើយបន្ទាប់មកបានដួលទៅលើដី ។ ដោយជឿថា ទ្រង់បានស្លាប់ អ្នកបម្រើរបស់ទ្រង់បានយកទ្រង់ឲ្យទៅព្រះមហេសីទ្រង់ ហើយបានដាក់ទ្រង់នៅលើក្រលាបន្ទុំ ។ ពីរថ្ងៃពីរយប់ក្រោយមក អ្នកបម្រើហៀបនឹងយកព្រះកាយរបស់ទ្រង់ទៅឯស្ដូប នៅពេលម្ចាស់ក្សត្រីបានមានបន្ទូលថា ទ្រង់ចង់និយាយជាមួយនឹងអាំម៉ូន ។ ទ្រង់គិតថា ឡាម៉ូណៃមិនទាន់សុគតនោះទេ ហើយទ្រង់ចង់ឲ្យអាំម៉ូនទៅជួបនឹងព្រះអង្គ ។
សូមឲ្យសិស្សអាន អាលម៉ា 19:6 ដោយស្ងាត់ៗ ដោយរកមើលឃ្លាមួយដែលពួកគេមានអារម្មណ៍ថា ពិពណ៌នាពីបទពិសោធន៍របស់ស្ដេចឡាម៉ូណៃបានយ៉ាងល្អពិសេសជាងគេ ។ សូមហៅឲ្យសិស្សពីរបីនាក់អានឃ្លាដែលពួកគេបានជ្រើសរើស ។ សូមសួរពួកគេថា ហេតុអ្វីបានជាពួកគេបានរើសយកឃ្លាពិសេសទាំងនោះ ។
សូមសរសេរ ម្ចាស់ក្សត្រី នៅក្នុងរង្វង់បន្ទាប់នៅលើតារាង ។ សូមឲ្យសិស្សសិក្សា អាលម៉ា 19:7–11 ដើម្បីឃើញពីរបៀបដែលបទពិសោធន៍នេះជះឥទ្ធិពលដល់ម្ចាស់ក្សត្រី ។
-
តើយើងអាចរៀនអ្វីខ្លះពីម្ចាស់ក្សត្រីចេញពីខគម្ពីរទាំងនេះ ? ( ចម្លើយអាចរួមមាន ទ្រង់ស្រឡាញ់ព្រះស្វាមីទ្រង់ ថាទ្រង់ទុកចិត្តអាំម៉ូន ហើយថាទ្រង់បានមានសេចក្ដីជំនឿដ៏ខ្លាំង ។
សូមឲ្យសិស្សម្នាក់អាន អាលម៉ា 19:12–14 ឮៗ ។ សូមឲ្យសិស្សផ្សេងទៀតមើលតាម ដោយយកចិត្តទុកដាក់ជាពិសេសដល់ការបង្ហាញពីសេចក្ដីជំនឿរបស់ស្ដេចឡាម៉ូណៃ ។
-
តើសេចក្ដីពិតអ្វីខ្លះដែលស្ដេចឡាម៉ូណៃបានរៀនអំឡុងពេលពីរថ្ងៃមុននេះ ?
-
ស្ដេចឡាម៉ូណៃ ម្ចាស់ក្សត្រី និងអាម៉ូន « ត្រូវបានស្រោចដោយព្រះវិញ្ញាណ » និង « ពោរពេញទៅដោយសេចក្ដីអំណរ » ។ តើនៅពេលណាដែលអ្នកមានអារម្មណ៍ពីឥទ្ធិពលនៃព្រះវិញ្ញានតាមរបៀបមួយដ៏មានឥទ្ធិពល ? តើនៅពេលណាដែលអ្នកមានអារម្មណ៍សេចក្ដីអំណរដ៏ខ្លាំង ?
សូមសរសេរ អ្នកបម្រើរបស់ស្ដេចឡាម៉ូណៃ នៅលើរង្វង់បន្ទាប់នៅលើតារាង ។ សូមឲ្យសិស្សម្នាក់អាន អាលម៉ា 19:15–16 ឮៗ ។ សូមឲ្យសិស្សក្នុងថ្នាក់រកមើលភស្ដុតាងដែលអ្នកបម្រើទាំងនេះបានបែរទៅរកព្រះ ។
-
តើពាក្យ និងឃ្លាអ្វីខ្លះដែលបង្ហាញថា អ្នកបម្រើបានបែរទៅរកព្រះ ?
សូមសរសេរ អ័ប៊ីស នៅលើរង្វង់បន្ទាប់ ។ សូមឲ្យសិស្សម្នាក់អាន អាលម៉ា 19:17 ឮៗ ។ សូមឲ្យសិស្សក្នុងថ្នាក់រកមើលពីរបៀបដែលអ័ប៊ីសទទួលឥទ្ធិពលពីហេតុការណ៍ទាំងនេះ ។
-
តើអ័ប៊ីសបានធ្វើអ្វី ? តើនាងបានសង្ឃឹមថានឹងមានអ្វីកើតឡើងដោយសារតែសកម្មភាពរបស់នាងនោះ ?
សូមគិតពីឲ្យការឲ្យសិស្សមានឱកាសសង្ខេប អាលម៉ា 19:18–28 ។ សូមឲ្យពួកគេមានពេលអានខគម្ពីរទាំងនេះដោយស្ងាត់ៗ ។ បន្ទាប់មក សូមឲ្យមានអ្នកស្ម័គ្រចិត្តម្នាក់ដើម្បីប្រាប់ពីរឿងនេះជាសម្ដីផ្ទាល់ខ្លួន ។ សូមឲ្យសិស្សផ្សេងទៀតជួយ ។ នៅពេលចាំបាច់ សូមជួយពួកគេឲ្យរួមបញ្ចូលនូវព័ត៌មានខាងក្រោម ៖ ក្រោយពីបានឮដំណឹងល្អពីអ័ប៊ីស ប្រជាជនបានប្រមូលផ្ដុំគ្នានៅក្នុងដំណាក់របស់ស្ដេច ។ នៅពេលពួកគេបានឃើញអាំម៉ូន ស្ដេច ម្ចាស់ក្សត្រី និងអ្នកបម្រើបានដួលសន្លប់ មានការទាស់ទែងគ្នាដ៏ខ្លាំងមួយក្នុងចំណោមពួកគេ ។ បុរសម្នាក់បានព្យាយាមសម្លាប់អាំម៉ូន ប៉ុន្ដែគាត់បានដួលស្លាប់ពេលប៉ុនប៉ង ។ អ្នកខ្លះបានអះអាងថា អាំម៉ូនគឺជាវិញ្ញាណដ៏អស្ចារ្យ ហើយអ្នកផ្សេងបាននិយាយថា គាត់គឺជាបិសាចមួយ ។ នៅពេលអ័ប៊ីសបានឃើញការទាស់ទែងទាំងអស់នេះដែលកើតពីការនាំប្រជាជនរបស់នាងមកផ្ដុំគ្នា នាងក្រៀមក្រំយ៉ាងខ្លាំង ។
សូមឲ្យសិស្សគិតពីអ្វីដែលពួកគេអាចធ្វើនៅក្នុងស្ថានភាពរបស់អ័ប៊ីស ។ បន្ទាប់មក សូមឲ្យសិស្សម្នាក់អាន អាលម៉ា 19:29 ឮៗ ។
-
តើសកម្មភាពរបស់អ័ប៊ីសបានបង្ហាញពីកម្លាំងនៃទីបន្ទាល់របស់នាងដោយរបៀបណា ? តើម្ចាស់ក្សត្រីបានបង្ហាញថា ទ្រង់បានទទួលទីបន្ទាល់មួយដោយរបៀបណា ?
សូមអាន អាលម៉ា 19:30–36 ឮៗ ។ សូមឲ្យសិស្សអានតាម ហើយគិតពីឥទ្ធិពលនៃទីបន្ទាល់របស់អាំម៉ូន និងគំរូដែលបានមានដល់អ្នកដទៃ ។
សូមសរសេរ សាសន៍លេមិនផ្សេងទៀតជាច្រើន នៅក្នុងរង្វង់ចុងក្រោយនៅលើតារាង ។
សូមឲ្យសិស្សបំពេញប្រយោគដែលអ្នកបានសរសេរនៅលើក្ដារខៀនពីពេលមុន ។ គោលការណ៍មួយដែលពួកគេអាចបង្ហាញគឺថា ដោយការចែកចាយទីបន្ទាល់របស់យើង និងការបង្ហាញគំរូដ៏សុចរិត យើងអាចជួយអ្នកដទៃឲ្យបែរទៅរកព្រះអម្ចាស់ ។
-
តើនៅពេលណាដែលគំរូ ឬ ទីបន្ទាល់របស់នរណាម្នាក់បានជះឥទ្ធិពលដល់អ្នកសម្រាប់ការល្អ ?
សូមឲ្យសិស្សសញ្ជឹងគិតអំពីរបៀបដែលទីបន្ទាល់ និងគំរូរបស់ពួកគេអាចជះឥទ្ធិពលដល់សមាជិកគ្រួសារ មិត្តភក្ដិ និងសហគមន៍របស់ពួកគេ ។ សូមឲ្យពួកគេសរសេរចម្លើយមួយទៅនឹងសំណួរខាងក្រោមនៅក្នុងកំណត់ហេតុសិក្សាព្រះគម្ពីរ ឬ សៀវភៅសរសេរក្នុងថ្នាក់របស់ពួកគេ ៖
-
តើអ្នកអាចធ្វើអ្វីខ្លះនៅថ្ងៃនេះ ដែលអាចមានឥទ្ធិពលល្អដល់មនុស្សនៅជុំវិញអ្នក ?
សូមលើកទឹកចិត្តសិស្សដើម្បីអនុញ្ញាតឲ្យទីបន្ទាល់ និងគំរូដ៏សុចរិតរបស់ពួកគេមានឥទ្ធិពលដល់អ្នកដទៃ ដូចជាថ្មមួយធ្វើឲ្យមានរលកនៅក្នុងត្រពាំងមួយ ។ សូមប្រាប់សិស្សថា នៅក្នុងមេរៀនក្រោយ ( មេរៀនទី 85 ) អ្នកអាចសុំឲ្យពួកគេរៀបរាប់ពីការខំប្រឹងរបស់ពួកគេ ។
អាលម៉ា 20
បិតារបស់ស្ដេចឡាម៉ូណៃចង់រៀនអំពីដំណឹងល្អ ហើយចាប់ផ្ដើមទទួលបានការផ្លាស់ប្ដូនៅក្នុងចិត្ត
សូមឲ្យសិស្សគិតពីពេលមួយដែលពួកគេបានមានអារម្មណ៍ថា ពួកគេរងនូវការអាក្រក់ ឬការមិនយុត្តិធម៌ ។
សូមពន្យល់ថា អាំម៉ូន និងស្ដេចឡាម៉ូណៃបានជួបនឹងស្ថានភាពមួយដែលពួកគេរងការប្រព្រឹត្តដ៏អាក្រក់ ។ សូមបង្ហាញថា យើងអាចរៀនពីមេរៀនដ៏សំខាន់អំពីចម្លើយរបស់ពួកគេទៅនឹងរបៀបដែលពួកគេត្រូវបានគេប្រព្រឹត្តដាក់ ។
ដើម្បីជួយសិស្សឲ្យស្គាល់ពីដំណើររឿងនៅក្នុង អាលម៉ា 20 សូមសង្ខេប អាលម៉ា 20:1–7 ដូចខាងក្រោម ៖ ស្ដេចឡាម៉ូណៃចង់យកអាំម៉ូនទៅជួបនឹងបិតាទ្រង់ ដែលជាស្ដេចនៃអស់ទាំងដែនដី ។ ព្រះអម្ចាសបានបង្ហាញដល់អាម៉ូនថា អាំម៉ូនមិនគួរទៅទេ ដោយសារបិតារបស់ស្ដេចឡាម៉ូណៃនឹងព្យាយាមសម្លាប់គាត់ ។ ព្រះអម្ចាស់ក៏បានបង្ហាញថា បងប្រុសរបស់អាំម៉ូនគឺ អើរ៉ុន និងដៃគូពីនាក់បានជាប់គុកនៅក្នុងដែនដីមិឌដូណៃ ។ អាំម៉ូនចង់ដោះលែងបងប្អូនប្រុសរបស់គាត់ ។ ដោយឮថា អាំម៉ូនបានដឹងពីការណ៍ទាំងនេះដោយវិវរណៈ ស្ដេចឡាម៉ូណៃបានជួយដល់អាំម៉ូនដើម្បីរំដោះបងប្អូនប្រុសរបស់គាត់ ។
មុនចាប់ផ្ដើមថ្នាក់ សូមចម្លងតារាងខាងក្រោមដាក់លើក្ដារខៀន ឬ នៅលើក្រដាសមួយសម្រាប់សិស្សម្នាក់ៗ ។
|
តើអ្នកមានអារម្មណ៍យ៉ាងណា ប្រសិនបើអ្នកនៅក្នុងតំណែងរបស់អាំម៉ូន ហើយនរណាម្នាក់បានចោទអ្នកថាជាមនុស្សកុហក និងជាចោរនោះ ? | |
|
តើយើងអាចរៀនមេរៀនអ្វីខ្លះពីការឆ្លើយតបរបស់ស្ដេចឡាម៉ូណៃចំពោះបិតារបស់ទ្រង់ ? | |
|
នៅពេលដែលបិតារបស់ស្ដេចឡាម៉ូណៃបានឃើញថា អាំម៉ូនអាចសម្លាប់ទ្រង់ តើទ្រង់បានផ្ដល់អ្វីដល់អាំម៉ូន ? តើអាំម៉ូនបានសុំអ្វីវិញទៅ ? | |
|
តើសេចក្ដីស្រឡាញ់របស់អាំម៉ូនចំពោះស្ដេចឡាម៉ូណៃបានជះឥទ្ធិពលដល់បិតារបស់ទ្រង់ដោយរបៀបណា ? តើពាក្យរបស់អាំម៉ូន និងស្ដេចឡាម៉ូណៃបានជះឥទ្ធិពលដល់បិតារបស់ស្ដេចឡាម៉ូណៃតាមរបៀបណា ? |
សូមឲ្យធ្វើការជាគូៗ ។ នៅក្នុងភាពជាដៃគូនេះ សូមឲ្យពួកគេអានខគម្ពីរដែលមាននៅក្នុងជួរទី 1–2 ហើយសូមពិភាក្សាពីចម្លើយចំពោះសំណួរដែលមានមកជាមួយនោះ ។ សូមលើកទឹកចិត្តពួកគេឲ្យរៀបចំដើម្បីចែកចាយចម្លើយរបស់ពួកគេជាមួយនឹងសិស្សក្នុងថ្នាក់ទាំងមូល ។
ក្រោយពីសិស្សបានពិភាក្សាពីជួរទី 1–2 ជាដៃគូហើយ សូមឲ្យពួកគេពីរបីនាក់រៀបរាប់ពីអ្វីដែលពួកគេបានរៀន ។ បន្ទាប់មក សូមសួរ ៖
-
តើគោលការណ៍អ្វីខ្លះដែលយើងអាចរៀនពីខគម្ពីរទាំងនេះ ? ( សិស្សអាចចែកចាយចម្លើយជាច្រើន ប៉ុន្ដែសូមជួយពួកគេឲ្យឃើញពីគោលការណ៍ខាងក្រោម ៖ យើងអាចថ្លែងទីបន្ទាល់របស់យើងដោយពាក្យ និងគំរូ ទោះបីជានៅពេលអ្នកផ្សេងព្យាយាមបញ្ចុះបញ្ចូលយើងឲ្យធ្វើអ្វីដែលខុសឆ្គងក៏ដោយ ។អ្នកអាចផ្ដល់យោបល់ថា ពួកគេគួរសរសេរគោលការណ៍នេះក្បែរ អាលម៉ា 20:15 ។
សូមឲ្យដៃគូទាំងឡាយសិក្សាខគម្ពីរដែលមាននៅក្នុងជួរទី 3–4 ហើយពិភាក្សាពីសំណួរដែលអមមកនោះ ។ សូមឲ្យពួកគេរៀបរាប់ពីអ្វីដែលពួកគេបានរកឃើញ ។ បន្ទាប់មក សូមសួរ ៖
-
តើគោលការណ៍អ្វីខ្លះដែលយើងអាចរៀនពីខគម្ពីរទាំងនេះ ? ( ទោះបីជាសិស្សអាចចែកចាយពីគោលការណ៍ជាច្រើនក្ដី សូមប្រាកដថាគោលការណ៍ខាងក្រោមត្រូវបានបញ្ជាក់ច្បាស់ ៖ នៅពេលយើងបង្ហាញសេចក្ដីស្រឡាញ់ និងបង្រៀនពីសេចក្ដីពិត យើងអាចជួយអ្នកដទៃឲ្យបន្ទន់ដួងចិត្តរបស់ពួកគេ ហើយទទួលយកដំណឹងល្អ ។អ្នកអាចលើកទឹកចិត្តសិស្សឲ្យសរសេរគោលការណ៍នៅក្បែរ អាលម៉ា 20:26–27 ។
សូមឲ្យសិស្សចែកចាយពីបទពិសោធន៍ដែលពួកគេបានមាន ដែលបង្ហាញពីសេចក្ដីពិតមួយនៃគោលការណ៍ដែលពួកគេបានរកឃើញនៅក្នុង អាលម៉ា 20 ។ អ្នកក៏អាចចែកចាយពីបទពិសោធន៍មួយរបស់អ្នកដែរ ។
សូមបញ្ចប់ដោយការលើកទឹកចិត្តសិស្សឲ្យស្វែងរកការដឹកនាំពីព្រះវិញ្ញាណអំពីរបៀបដែលពួកគេអាចអនុវត្តគោលការណ៍ទាំងពីរនេះនៅក្នុងជីវិតរបស់ពួកគេ ។