មេរៀនទី 135
នីហ្វៃទី 3 29–30
សេចក្តីផ្ដើម
នៅពេលមរមនបានបញ្ចប់ដំណើររឿងនៃការយាងមករបស់ព្រះអង្គសង្គ្រោះនៅក្នុងចំណោមពួកសាសន៍នីហ្វៃនេះហើយ លោកបានពន្យល់ថា ការលេចចេញមកនៃព្រះគម្ពីរមរមននឹងជាទីសម្គាល់មួយដែលព្រះអម្ចាស់កំពុងបំពេញតាមសេចក្ដីសញ្ញារបស់ទ្រង់ជាមួយនឹងវង្សអ៊ីស្រាអែល ។ លោកក៏បានព្រមានថា អ្នកណាដែលបដិសេធកិច្ចការរបស់ព្រះនឹងត្រូវរងការកាត់សេចក្ដីរបស់ព្រះ ។ នៅទីបញ្ចប់ លោកបានកត់ត្រាពីការអញ្ជើញរបស់ព្រះអង្គសង្គ្រោះដល់មនុស្សទាំងអស់ឲ្យប្រែចិត្ត និងត្រូវបានរាប់នៅក្នុងចំណោមវង្សអ៊ីស្រាអែល ។
យោបល់ទំាងឡាយសម្រាប់ការបង្រៀន
នីហ្វៃទី 3 29
មរមនបានថ្លែងទីបន្ទាល់ថា ព្រះអម្ចាស់នឹងបំពេញតាមសេចក្ដីសញ្ញារបស់ទ្រង់ជាមួយនឹងវង្សអ៊ីស្រាអែលនៅក្នុងថ្ងៃចុងក្រោយ
សូមគូសតារាងខាងក្រោមនៅលើក្ដារខៀនមុនពេលចាប់ផ្ដើមថ្នាក់ ( ឬរៀបចំជាក្រដាសចែកដល់សិស្សម្នាក់ៗ ) ៖
|
|
|
|
|
|
|
|
|
|
សូមចាប់ផ្ដើមថ្នាក់ដោយការសុំឲ្យសិស្សផ្គូរផ្គងពាក្យនៅក្នុងកូឡោនទីមួយនៃតារាងទៅនឹងនិយមន័យត្រឹមត្រូវរបស់វានៅក្នុងកូឡោនទីពីរ ( ចម្លើយ ៖ 1-គ, 2-ក, 3-ង, 4-ខ, 5-ឃ ) ។ នៅពេលសិស្សរៀបរាប់ពីចម្លើយរបស់គេ សូមប្រាកដថា ពួកគេយល់ពីនិយមន័យនីមួយៗ ។ អ្នកអាចធ្វើការណ៍នេះដោយសុំឲ្យសិស្សពន្យល់ពីនិយមន័យជាពាក្យសម្ដីពួកគេផ្ទាល់ ឬដោយការប្រើពាក្យ ឬ ឃ្លានីមួយៗជាប្រយោគ ។ សូមប្រាប់សិស្សថា និយមន័យទាំងនេះនឹងជួយពួកគេឲ្យយល់ នីហ្វៃទី 3 29–30 កាន់តែច្បាស់ ។
សូមពន្យល់ថា ក្រោយពីមរមនបានសរសេរអំពីការយាងមករបស់ព្រះអង្គសង្គ្រោះទៅជួបនឹងពួកសាសន៍នីហ្វៃហើយ លោកបានព្យាករណ៍អំពីការបំពេញនៃសេចក្ដីសន្យារបស់ព្រះអម្ចាស់នៅក្នុងថ្ងៃចុងក្រោយ ។ សូមសួរសិស្សថា តើពួកគេធ្លាប់ជួបនឹងការបំពេញនៃការសន្យាដ៏ទេវភាពឬទេ មិនថាត្រូវបានផ្ដល់នៅក្នុងព្រះគម្ពីរ ដោយព្យាការី តាមរយៈព្រះវិញ្ញាណបរិសុទ្ធ ឬតាមរយៈពរជ័យនៃបព្វជិតភាពមួយ ។ សូមឲ្យសិស្សពីរបីនាក់ភ្ជាប់បទពិសោធន៍របស់ពួកគេ ប៉ុន្ដែសូមប្រាកដដើម្បីរំឭកពួកគេថា ពួកគេមិនគួរចែកចាយបទពិសោធន៍ណាដែលឯកជន ឬផ្ទាល់ខ្លួនពេកនោះទេ ។
-
តើអ្នកគិតថា ហេតុអ្វីបានជាមនុស្សខ្លះអាចសង្ស័យថា ព្រះនឹងរក្សាសេចក្ដីសន្យារបស់ទ្រង់ ?
-
តើអ្នកដឹងថា ព្រះរក្សាសេចក្ដីសន្យារបស់ទ្រង់ដោយរបៀបណា ?
សូមសរសេរពាក្យ នៅពេល និង បន្ទាប់មក នៅលើក្ដារខៀន ។ សូមឲ្យសិស្សអាន នីហ្វៃទី 329:1–3 ដោយស្ងាត់ស្ងៀម ដោយរកមើលពាក្យ ឬឃ្លាដែលមាននៅលើក្ដារខៀន ។ សូមពន្យល់ថា ពាក្យទាំងនេះនឹងជួយពួកគេឲ្យរកឃើញហេតុការណ៍មួយដែលនឹងបង្ហាញថា ព្រះអម្ចាស់រក្សាសេចក្ដីសន្យារបស់ទ្រង់ជាមួយនឹងវង្សអ៊ីស្រាអែលនៅថ្ងៃចុងក្រោយ ។ ( វាអាចជួយបានច្រើនដើម្បីពន្យល់ថាឃ្លា « ពាក្យទាំងឡាយ » នៅក្នុង នីហ្វៃទី 3 29:1 សំដៅលើការសរសេរនៃព្រះគម្ពីរមរមន ) ។
-
តើអ្នកនឹងសង្ខេបការព្យាករណ៍ដែលបានកត់ត្រានៅក្នុងខគម្ពីរទាំងនេះដោយរបៀបណា ? ( សិស្សអាចប្រើពាក្យខុសៗគ្នា ប៉ុន្តែពួកគេគួររកឃើញនូវសេចក្ដីពិតខាងក្រោមនេះ ៖ ការលេចចេញមកនៃព្រះគម្ពីរមរមនគឺជាទីសម្គាល់មួយដែលព្រះកំពុងបំពេញសេចក្ដីសញ្ញារបស់ទ្រង់ដើម្បីប្រមូលពួកសាសន៍អ៊ីស្រាអែលនៅថ្ងៃចុងក្រោយ ។ អ្នកអាចលើកទឹកចិត្តសិស្សឲ្យគូសចំណាំសេចក្ដីពិតនេះនៅក្នុងការសង្ខេបជំពូកនៃ នីហ្វៃទី 329 ) ។
សូមឲ្យសិស្សលើកព្រះគម្ពីរមរមនរបស់គេឡើង ។ សូមពន្យល់ថា ពួកគេមាននៅក្នុងដៃរបស់ពួកគេនូវការបំពេញនៃការព្យាករណ៍របស់មរមន ហើយថាពួកគេអាចប្រាកដថា ព្រះអម្ចាស់កំពុងរៀបចំរាស្ត្ររបស់ទ្រង់សម្រាប់ការយាងមករបស់ទ្រង់ ។ សូមឲ្យសិស្សម្នាក់អានឮៗនូវសេចក្ដីថ្លែងការណ៍ខាងក្រោមដោយអែលឌើរ រ័សុល អិម ណិលសុន នៃកូរ៉ុមនៃពួកសាវកដប់ពីរនាក់ ៖
« ព្រះគម្ពីរមរមនគឺជាទីសម្គាល់ដ៏ពិតមួយថា ព្រះអម្ចាស់បានចាប់ផ្ដើមប្រមូលកូនចៅនៃសេចក្ដីសញ្ញាអ៊ីស្រាអែលរបស់ទ្រង់ហើយ ។ …
« ពិតណាស់ ព្រះអម្ចាស់មិនបានភ្លេចនោះទេ ! ទ្រង់បានប្រទានពរដល់យើង និងអ្នកដទៃទូទាំងពិភពលោកដោយព្រះគម្ពីរមរមន ។ … ព្រះគម្ពីរនេះជួយយើងឲ្យធ្វើសេចក្ដីសញ្ញាជាមួយនឹងព្រះ ។ ព្រះគម្ពីរនេះអញ្ជើញយើងឲ្យចងចាំដល់ទ្រង់ ហើយស្គាល់បុត្រាដ៏ជាទីស្រលាញ់របស់ទ្រង់ ។ ព្រះគម្ពីរនេះគឺជាសក្ខីបទមួយទៀតអំពីព្រះយេស៊ូវគ្រីស្ទ » ( « Covenants » Ensign ឬ Liahona ខែ វិច្ឆិកា ឆ្នាំ 2011 ទំព័រ 88 ) ។
-
តើការពិតដែលថាយើងមានព្រះគម្ពីរមរមន ជាសាក្សីមួយថា ព្រះនឹងរក្សាសេចក្ដីសន្យារបស់ទ្រង់ដោយរបៀបណា ?
សូមសរសេរសំណួរខាងក្រោមនៅលើក្តារខៀន៖ ហេតុអ្វីបានជាពួកបរិសុទ្ធថ្ងៃចុងក្រោយចាប់អារម្មណ៍នឹងសេចក្ដីសញ្ញារបស់ព្រះអម្ចាស់ជាមួយនឹងវង្សអ៊ីស្រាអែល ? សូមឲ្យសិស្សស្ដាប់រកចម្លើយចំពោះសំណួរនេះ នៅពេលអ្នកអានសេចក្ដីថ្លែងការណ៍ខាងក្រោមដោយអែលឌើរ រ័សុល អិម ណិលសុន ដែលបានរៀបរាប់ពីសេចក្ដីសន្យាដែលជាផ្នែកនៃសេចក្ដីសញ្ញារបស់ព្រះអម្ចាស់ជាមួយនឹងរាស្ត្ររបស់ទ្រង់ ។ ( អ្នកគួរឲ្យក្រដាសនៃសេចក្ដីថ្លែងការណ៍នេះដល់សិស្សម្នាក់ៗ ។ )
« សេចក្ដីសញ្ញាដែលព្រះបានធ្វើជាមួយនឹងអ័ប្រាហាំ ហើយក្រោយមកបានបញ្ជាក់ជាថ្មីជាមួយនឹងអ៊ីសាក និងយ៉ាកុប … រួមមានសេចក្ដីសន្យាមួយចំនួន ៖
-
ព្រះយេស៊ូវ ជាព្រះគ្រីស្ទនឹងប្រសូតតាមរយៈពូជពង្សរបស់អ័ប្រាហាំ ។
-
កូនចៅរបស់អ័ប្រាហាំនឹងមានចំនួនច្រើន នឹងទទួលបានការកើនឡើងដ៏អស់កល្បមួយ ហើយក៏ទទួលបានបព្វជិតភាពផងដែរ ។
-
អ័ប្រាហាំនឹងក្លាយជាឪពុកនៃសាសន៍ជាច្រើន ។
-
ដែនដីមួយចំនួននឹងត្រូវទទួលគ្រងដោយកូនចៅរបស់លោក ។
-
ជាតិសាសន៍ទាំងអស់នៅលើផែនដីនឹងមានពរដោយសារពូជពង្សរបស់លោក ។
-
ហើយសេចក្ដីសញ្ញានោះនឹងមានជារៀងរហូត— ទោះបីជា ‹ រាប់ពាន់ជំនាន់ក្ដី › ។
« សេចក្ដីសន្យាទាំងនេះមួយចំនួនត្រូវបានបំពេញហើយ ខ្លះទៀតនៅមិនទាន់សម្រេចទេ ។ …
« ពួកយើងខ្លះគឺជាពូជពិតរបស់អ័ប្រាហាំ អ្នកខ្លះទៀតត្រូវបានប្រមូលទៅក្នុងគ្រួសាររបស់លោកដោយការអនុញ្ញាត ។ ព្រះអម្ចាស់មិនបានធ្វើឲ្យមានការខុសគ្នាទេ ។ រួមគ្នា យើងទទួលបានពរជ័យដែលបានសន្យាទាំងនេះ —ប្រសិនបើយើងស្វែងរកព្រះអម្ចាស់ ហើយគោរពតាមព្រះបញ្ញត្តិរបស់ទ្រង់ ។ …
« … ព្រិកហាំ យ៉ង់ បានមានប្រសាសន៍ថា ៖ ‹ ពួកបរិសុទ្ធថ្ងៃចុងក្រោយទាំងអស់ចូលទៅក្នុងសេចក្តីសញ្ញាថ្មី ហើយអស់កល្បជានិច្ចនោះ នៅពេលពួកគេចូលទៅក្នុងសាសនាចក្រនេះ › » ( « Covenants » ទំព័រ 87–88 ដោយដកស្រង់ពី Teachings of Presidents of the Church: Brigham Young [ ឆ្នាំ1997 ] ទំព័រ 62 ) ។
-
ដោយការប្រើអ្វីដែលអ្នកបានរៀនពីសេចក្ដីថ្លែងការណ៍របស់អែលឌើរ ណែលសុន តើអ្នកអាចឆ្លើយនឹងសំណួរនៅលើក្ដារខៀនបានដោយរបៀបណា ? ( សិស្សអាចផ្ដល់ចម្លើយផ្សេងៗគ្នា ប៉ុន្ដែសូមប្រាកដថា ពួកគេរកឃើញនូវសេចក្ដីពិតខាងក្រោម ៖ ពួកបរិសុទ្ធថ្ងៃចុងក្រោយគឺជាផ្នែកនៃរាស្ត្រនៃសេចក្តីសញ្ញារបស់ព្រះអម្ចាស់ ហើយយើងមានទំនួលខុសត្រូវដើម្បីប្រទានពរដល់សាសន៍ទាំងឡាយ ។
-
តើពួកបរិសុទ្ធថ្ងៃចុងក្រោយស្វែងរករបៀបដើម្បីប្រទានពរដល់សាសន៍ទាំងឡាយនៅលើផែនដីបានដោយរបៀបណា ?
-
តើព្រះគម្ពីរមរមនមានតួនាទីអ្វីខ្លះនៅក្នុងការខិតខំនេះ ?
សូមសំដៅលើពាក្យ ច្រានចេញ និងវេទនា ពីសកម្មភាពផ្គូផ្គង ។ សូមពន្យល់ថា មរមនបានដឹងថា នៅក្នុងថ្ងៃចុងក្រោយ នឹងមានអ្នកដែលបដិសេធព្រះគម្ពីរមរមន និងភស្ដុតាងផ្សេងទៀតនៃការបំពេញសេចក្តីសញ្ញារបស់ព្រះអម្ចាស់ជាមួយនឹងរាស្ត្ររបស់ទ្រង់ ។ សូមឲ្យសិស្សអាន នីហ្វៃទី 329:4–9 ដោយស្ងៀមស្ងាត់ ដោយរកមើលអ្វីដែលនឹងកើតឡើងដល់អ្នកដែលបដិសេធព្រះអង្គសង្គ្រោះ និងកិច្ចការរបស់ទ្រង់ ។ ក្រោយពីសិស្សពន្យល់អ្វីដែលពួកគេបានរកឃើញហើយ អ្នកអាចណែនាំឲ្យពួកគេសរសេរសេចក្ដីពិតខាងក្រោមនៅក្នុងព្រះគម្ពីររបស់គេ ៖ ទុក្ខសោកនឹងកើតមានដល់អ្នកដែលបដិសេធព្រះយេស៊ូវគ្រីស្ទ និងកិច្ចការរបស់ទ្រង់ ។
-
តើហេតុអ្វីបានជាទុក្ខសោកគឺជាលទ្ធផលពីធម្មជាតិមួយនៃការបដិសេធព្រះយេស៊ូវគ្រីស្ទ និងកិច្ចការរបស់ទ្រង់ ?
-
តើអ្នកនឹងឆ្លើយតបចំពោះនរណាម្នាក់ដែលនិយាយថា ព្រះអម្ចាស់មិនបានមានបន្ទូលមកកាន់មនុស្ស ឬបានសម្ដែងអព្ភូតហេតុនោះទេដោយរបៀបណា ?
-
តើយើងអាចស្គាល់ ហើយកោតសរសើរដល់ព្រះអម្ចាស់ និងកិច្ចការរបស់ទ្រង់នៅក្នុងជីវិតរបស់យើងឲ្យបានប្រសើរជាងមុនដោយរបៀបណា ?
នីហ្វៃទី 3 ជំពូក 30
ព្រះអម្ចាស់ដាស់តឿនដល់សាសន៏ដទៃឲ្យប្រែចិត្ត ហើយមករកទ្រង់
សូមសំដៅលើពាក្យ សាសន៍ដទៃ ពីសកម្មភាពផ្គូផ្គង ។ សូមប្រាប់សិស្សថានៅក្នុង នីហ្វៃទី 3 30 មរមនបានបំពេញតាមព្រះបញ្ញត្តិមួយពីព្រះអម្ចាស់ដើម្បីកត់ត្រាការអញ្ជើញពីព្រះយេស៊ូវគ្រីស្ទជាពិសេសដល់ពួកសាសន៍ដទៃ ឬមនុស្សដែលគ្មានដំណឹងល្អ ។ សូមឲ្យសិស្សអាន នីហ្វៃទី 3 30:1–2 ដោយស្ងៀមស្ងាត់ ដោយរកមើលការអញ្ជើញដល់សាសន៍ដទៃឲ្យបានច្រើនតាមដែលពួកគេអាចរកឃើញ ។ ក្រោយពីពួកគេរៀបរាប់អ្វីដែលពួកគេបានរកឃើញ សូមសួរ ៖
-
តើការអញ្ជើញទាំងនេះណាមួយ ដែលអ្នកគិតថា អាចជាការសង្ខេបមួយនៃការអញ្ជើញផ្សេងទៀត ? ( ការអញ្ជើញឲ្យមករកព្រះគ្រីស្ទរួមមាន ការប្រែចិត្ត បុណ្យជ្រមុជទឹក ការទទួលព្រះវិញ្ញាណបរិសុទ្ធ និងការត្រូវបានរាប់នៅក្នុងចំណោមរាស្ត្ររបស់ព្រះអម្ចាស់ ។ )
-
តើពរជ័យអ្វីដែលព្រះយេស៊ូវគ្រីស្ទសន្យានឹងសាសន៏ដទៃ ប្រសិនបើពួកគេនឹងមករកទ្រង់ ? ( ការផ្តាច់បាប ការពោរពេញដោយព្រះវិញ្ញាណបរិសុទ្ធ និងការត្រូវបានរាប់នៅក្នុងចំណោមរាស្ត្ររបស់ទ្រង់ ) ។
-
ហេតុអ្វីបានជាការដែលត្រូវបានរាប់បញ្ចូលទៅក្នុងរាស្ត្ររបស់ទ្រង់គឺជាពរជ័យមួយ ?
សូមសរសេរគោលការណ៍ខាងក្រោមនៅលើក្តារខៀន៖ ប្រសិនបើយើងមករកព្រះគ្រីស្ទ នោះយើងនឹងត្រូវបានរាប់ចូលនៅក្នុងរាស្ត្ររបស់ទ្រង់ ។ សូមពន្យល់ថា ទោះបីជា នីហ្វៃទី 3 30:2 សំដៅទៅកាន់អ្នកដែលមិនមែនជាសមាជិកនៃសាសនាចក្រក្ដី យើងអាចប្រើការអញ្ជើញរបស់ព្រះយេស៊ូវគ្រីស្ទដើម្បីវាស់វែងពីការខិតខំរបស់យើងផ្ទាល់ដើម្បីរក្សាសេចក្ដីសញ្ញាដែលយើងបានធ្វើជាមួយនឹងព្រះ ។ សូមធ្វើទីបន្ទាល់អំពីពរជ័យដែលបានកើតមានតាមរយៈការរក្សាសេចក្ដីសញ្ញារបស់យើង និងព្រះបញ្ញត្តិរបស់ព្រះអម្ចាស់ ។
ការរំឭក នីហ្វៃទី 3
សូមចំណាយពេលខ្លះដើម្បីជួយសិស្សឲ្យរំឭក គម្ពីរនីហ្វៃទី 3 ឡើងវិញ ។ សូមឲ្យពួកគេគិតអំពីអ្វីដែលពួកគេបានរៀនពីគម្ពីរនេះ ទាំងនៅក្នុងថ្នាក់សិក្ខាសាលា និងនៅក្នុងការសិក្សាព្រះគម្ពីរផ្ទាល់ខ្លួនរបស់គេ ។ ប្រសិនបើចាំបាច់ សូមឲ្យពួកគេសង្ខេបដោយខ្លីៗអំពីសេចក្ដីសង្ខេបជំពូកខ្លះនៅក្នុងនីហ្វៃទី 3 ដើម្បីជួយពួកគេឲ្យចងចាំ ។ ក្រោយពីមានពេលគ្រប់គ្រាន់ហើយ សូមឲ្យសិស្សបីបួននាក់ចែកចាយអ្វីមួយក្នុងនីហ្វៃទី 3 ដែលបំផុសគំនិតដល់ពួកគេ ឬដែលបានជួយដល់ពួកគេឲ្យមានសេចក្ដីជំនឿកាន់តែខ្លាំងទៅលើព្រះយេស៊ូវគ្រីស្ទ ។
ការរំឭកចំណេះចំណានខគម្ពីរ
សូមឲ្យក្រដាសមួយសន្លឹកដល់សិស្សម្នាក់ៗ ។ សូមឲ្យពួកគេសរសេរសំបុត្រមួយទៅកាន់មនុស្សម្នាក់ ( មិនថាមនុស្សដែលពួកគេស្រមើស្រមៃឃើញ ឬមនុស្សដែលគេស្គាល់ឡើយ ) ដែលមិនមែនជាសមាជិកសាសនាចក្រ ។ សូមណែនាំឲ្យពួកគេសិក្សាវគ្គចំណេះចំណានខគម្ពីររកសេចក្ដីពិត ដែលពួកគេអាចប្រើដើម្បីអញ្ជើញអ្នកទទួលសំបុត្រនេះឲ្យមករកព្រះគ្រីស្ទ ហើយត្រូវបានរាប់បញ្ចូលនៅក្នុងចំណោមរាស្ត្ររបស់ទ្រង់ ។ សូមឲ្យសិស្សពីរបីនាក់ចែកចាយអ្វីដែលពួកគេបានសរសេរ ។
កំណត់ចំណាំ ៖ ប្រវែងនៃមេរៀននេះអាចឲ្យមានពេលសម្រាប់សកម្មភាពនេះ ។ សម្រាប់សកម្មភាពរំឭកចំណេះចំណានខគម្ពីរផ្សេងទៀត សូមមើលឧបសម្ព័ន្ធនៅចុងបញ្ចប់នៃសៀវភៅណែនាំនេះ ។
វិចារណកថា និង ព័ត៌មានសាច់រឿង
នីហ្វៃទី 3 30:1–2 ។ ការប្រមូលអ៊ីស្រាអែល
ប្រធាន ស្ពែនស៊ើរ ដបុលយូ ឃឹមបឹល បានបង្រៀន ៖
« ការប្រមូលផ្តុំនៃសាសន៍អ៊ីស្រាអែលរួមមានការចូលរួមក្នុងសាសនាចក្រពិត និង ការចេះដឹងពីព្រះដ៏ពិត ។… ហេតុដូច្នេះហើយ បើសិនជាបុគ្គលណាម្នាក់ដែលបានទទួលយកដំណឹងល្អដែលបានស្តារឡើងវិញ និង អស់អ្នកដែលឥឡូវនេះស្វែងរកការថ្វាយបង្គំព្រះអម្ចាស់ជាភាសារបស់ខ្លួន ព្រមទាំងជាមួយនឹងពួកបរិសុទ្ធនៅក្នុងប្រទេសដែលខ្លួនរស់នៅ នោះមានន័យថាបានអនុវត្តតាមក្រឹត្យវិន័យនៃការប្រមូលផ្តុំសាសន៍អ៊ីស្រាអែល ហើយទទួលបានមរតកនៃពរជ័យទាំងអស់ ដែលបានសន្យាចំពោះពួកបរិសុទ្ធនៅក្នុងថ្ងៃចុងក្រោយបង្អស់ » (The Teachings of Spencer W. Kimball ការបោះពុម្ពរបស់ អ៊ីវើត អិល ឃឹមបឹល [ ឆ្នាំ 1982 ] ទំព័រ 439 ) ។