Sembulo lesaniketwa Joseph Smith umPhrofethi, eNauvoo, e-Illinois, mhlaka 19 kuBhimbidvwane, ngemnyaka we-1841. Ngenca yekwandza kwekuhlushwa netinchubo letatingekho emtsetfweni letatentiwa tikhulu tembuso lowawuphetse kubo, labaNgcwele baphoceleleka kutsi bashiye eMissouri. Lomyaleto wekubabulala lowakhishwa nguLilburn W. Boggs, umbusi waseMissouri, wamhlaka 27 ngeMphala, ngemnyaka we-1838, wabashiya bete lokunye labangakwenta. Ngemnyaka we-1841, ngesikhatsi lesi sembulo siniketwa, lidolobha laseNauvoo, lelalisendzaweni yelidolobhanyana langaphambilini leCommerce, e-Illinois, beselakhiwe ngulabaNgcwele, futsi lapha bekumiswe inhlokohhovisi yeliBandla.