Sigaba 65
Sembulo ngemthandazo lesaniketwa ngaJoseph Smith umPhrofethi, eHiram, e-Ohio, mhlaka 30 ngeMphala, ngemnyaka we-1831.
1–2, Tikhiya tembuso waNkulunkulu tibekwe kubantfu emhlabeni, nesimiso selivangeli sitawuphumelela; 3–6, Umbuso wasezulwini wemileniyamu utawufika uhlangane nembuso waNkulunkulu losemhlabeni.
1 Lalelani, futsi bukani, livi lelilaloyo lotfunyiwe lovela etulu, lomkhulu nalonemandla, lohamba aye emikhawulweni yemhlaba, yebo, lo livi lakhe liya kubantfu—Lungisani indlela yeNkhosi, nente imikhondvo yayo icondze.
2Â Tikhiya tembuso waNkulunkulu tibekwe kubantfu labasemhlabeni, futsi kusuka lapho livangeli litawugicika liye emikhawulweni yemhlaba, njengelidvwala lelahleshulwa entsabeni hhayi ngetandla liyawugicika, lite ligcwalise umhlaba wonkhe.
3 Yebo, livi lelimemetako—Lungisani indlela yeNkhosi, lungisani sidlo sakusihlwa seliWundlu, lungiselelani uMyeni.
4Â Thandazani eNkhosini, bitani libito layo lelingcwele, vetani imisebenti yayo lemangalisako emkhatsini webantfu.
5Â Bitani iNkhosi, kute umbuso wayo uchubekele phambili emhlabeni, kute bantfu labahlala kuwo bawemukele, futsi balungiselele tikhatsi letitawufika, lapho iNdvodzana yeMuntfu iyawufika ivela ezulwini, yembetse kukhanya kwenkhatimulo yayo, kutawuhlangana nembuso waNkulunkulu lomiswe emhlabeni.
6Â Ngaloko-ke, shangatsi umbuso waNkulunkulu ungachubeka, kute umbuso wasezulwini ufike, kute wena, O Nkulunkulu, udvunyiswe ezulwini nasemhlabeni, kute titsa takho tincotjwe; ngoba ludvumo ngelwakho, nemandla nebukhosi, phakadze naphakadze. Amen.