Sigaba 46
Sembulo lesaniketwa ngaJoseph Smith umPhrofethi eBandleni, eKirtland, e-Ohio, mhlaka 8 ngeNdlovulenkhulu ngemnyaka we-1831. Kulesi sikhatsi sekucala kweliBandla, sibonelo lesifanako sekuchuba imihlangano yeliBandla besingakabi khona. Kodvwa, umhambo wekwemukela emalunga kuphela nalabasaphenya libandla ngenshisekelo emihlanganweni yesidlo seNkhosi, nakuleminye imibutsano yeliBandla bese kuyintfo lejwayelekile. Lesi sembulo sivakalisa intsandvo yeNkhosi mayelana nekulawulwa kanye nekuchutjwa kwemihlangano kanjalo nemyalo Wayo ngalokuphatselene nekwetama kutfola nekwehlukanisa tipho taMoya.
1–2, Babonisi kufanele bachube imihlangano ngekuholwa nguMoya loNgcwele; 3–6, Labafuna liciniso akukafaneli bakhishwe emihlanganweni yesidlo seNkhosi; 7–12, Buta kuNkulunkulu ufune netipho takaMoya; 13–26, Kubalwa kwaletinye taleti tipho kuyaniketwa; 27–33, Baholi beliBandla baniketwa emandla ekwehlukanisa tipho takaMoya.
1Â Lalelani. O nine bantfu belibandla lami, ngoba ngicinisile ngitsi kini leti tintfo takhulunywa kini kute nizuze futsi nifundze.
2Â Kodvwa nanoma kunetintfo letibhaliwe, bekusolo kuniketwe babonisi belibandla lami kusukela ekucaleni, futsi kuyawuhlala kunjalo, kutsi bachube yonkhe imihlangano njengobe bayaliwe futsi baholwa nguMoya loNgcwele.
3Â Noko niyaletiwe kutsi ningakhipheli namunye ngaphandle emihlanganweni yenu yawo wonkhe umuntfu, lebanjelwe phambi kwebantfu.
4Â Niphindze niyayaletwa kutsi ningakhipheli namunye ngaphandle longuwelibandla emihlanganweni yenu yesidlo seNkhosi; noko, uma kukhona lowonile, ningamvumeli atsatse sidlo ate ente inhlawulo.
5 Ngetulu kwaloko ngitsi kini, ningakhipheli namunye ngaphandle emihlanganweni yenu yesidlo seNkhosi labafuna umbuso ngekweliciniso—ngikhuluma loku ngalokuphatselene nalabo labangasibo belibandla.
6Â Ngetulu kwaloko ngitsi kini, ngalokuphatselene nemihlangano yenu yekucinisekisa, uma kukhona labangasibo belibandla, labafuna umbuso ngekweliciniso, ningabakhipheli ngaphandle.
7Â Kodvwa niyayaletwa kuto tonkhe tintfo kutsi nicele kuNkulunkulu, lonikana ngekwephana; futsi loko lokufakazwa nguMoya kini ngifuna nikwente ngebungcwele bonkhe benhlitiyo, nihambe ngebucotfo phambi kwami, nicabange ngemphumela wensindziso yenu, nente tonkhe tintfo ngemthandazo nekubonga, kute ningayengwa yimimoya lemibi, noma timfundziso tadeveli, noma imiyaleto yebantfu, ngoba leminye ngeyebantfu, kantsi leminye ngeyadeveli.
8Â Ngaloko-ke, caphelani funa nidukiswe, futsi kute ningadukiswa funani ngekweliciniso tipho letinhle kakhulu, nikhumbule njalo kutsi tiniketelwani;
9Â Ngoba ngicinisile ngitsi kini, tiniketwe kute kuzuze labo labangitsandzako nalabagcina imiyaleto yami, naloyo lofuna kwenta njalo; kute bazuze bonkhe labo labafuna noma labacela kimi, labo labangaceli sibonakaliso kute basicitse etinkhanukweni tabo.
10Â Ngetulu kwaloko, ngicinisile ngitsi kini, ngifuna kutsi nikhumbule njalo, niphindze nikugcine etingcodvweni tenu kutsi tiyini leti tipho, letiphiwa libandla.
11Â Ngoba akusibo bonkhe labaphiwa tonkhe tipho, ngoba tinyenti tipho, futsi wonkhe muntfu uphiwa sipho ngaMoya waNkulunkulu.
12Â Labanye baphiwa sinye, nalabanye baphiwe lesinye, kute bonkhe bazuze ngalendlela.
13Â Labanye baphiwa ngaMoya loNgcwele kute bati kutsi Jesu Khristu uyiNdvodzana yaNkulunkulu, nekutsi wabetselelwa tono temhlaba.
14Â Labanye baphiwa kutsi bakholwe emavini abo, kute nabo batfole kuphila lokuphakadze uma bachubeka nekwetsembeka.
15Â Ngetulu kwaloko, labanye baphiwa ngaMoya loNgcwele kutsi bati tindlela tekuphatsa letehlukene, njengobe kutfokotisa kuleyo Nkhosi lefanako, njengekufisa kweNkhosi, leyenta bubele bayo ngekwetimo tebantfwana bebantfu.
16Â Ngetulu kwaloko, labanye baphiwa ngaMoya loNgcwele kute bati imisebenti yemandla leyehlukene, kutsi yaNkulunkulu yini, kute tibonakaliso taMoya tiphiwe kuwo wonkhe umuntfu kute bonkhe bazuze nato.
17Â Ngetulu kwaloko, ngicinisile ngitsi kini, labanye baphiwa, ngaMoya waNkulunkulu, livi lekuhlakanipha.
18Â Lomunye uphiwa livi lekwati, kute bonkhe bafundziswe kutsi bahlakaniphe nekutsi babe nelwati.
19Â Ngetulu kwaloko, labanye baphiwa lukholo kute baphiliswe;
20Â Labanye baphiwa lukholo kute baphilise.
21Â Ngetulu kwaloko, labanye baphiwa kutsi bente timangaliso;
22Â Labanye baphiwa kuphrofetha;
23Â Labanye kwehlukanisa imimoya.
24Â Ngetulu kwaloko, kulabanye kuphiwa kukhuluma ngetilimi;
25Â Kulomunye kuphiwa kuhumusha tilimi.
26Â Futsi tonkhe leti tipho tivela kuNkulunkulu, kute kuzuze bantfwana baNkulunkulu.
27Â Kumbhishobhi welibandla, nakulabo Nkulunkulu layawubakhetsa aphindze ababeke kutsi bagadze libandla nekutsi babe babonisi ebandleni, bayawuphiwa kwehlukanisa tonkhe leto tipho kute kubete emkhatsini wenu lotenta waNkulunkulu kodvwa abe angasiye waNkulunkulu.
28Â Futsi kuyawukwenteka kutsi loyo locela ngaMoya uyawutfola ngaMoya;
29Â Kute labanye baphiwe kutsi babe nato tonkhe leti tipho, kute kube nenhloko, kute onkhe emalunga azuze ngato.
30Â Loyo locela ngaMoya ucela ngekwentsandvo yaNkulunkulu; ngaloko-ke kwentiwa njengobe acelile.
31Â Ngetulu kwaloko, ngitsi kini, tonkhe tintfo kumele tentiwe egameni laKhristu, nanoma yini leniyenta ngaMoya;
32Â Futsi kumele nibonge kuNkulunkulu ngaMoya nganoma ngusiphi sibusiso lenibusiswa ngaso.
33Â Kumele nente bucotfo nebungcwele phambi kwami njalo. Kunjalo nje. Amen.