Sigaba 80
Sembulo lesaniketwa ngaJoseph Smith umPhrofethi kuStephen Burnett, eHiram, e-Ohio, mhlaka 7 ngeNdlovulenkhulu ngemnyaka we-1832.
1–5, Stephen Burnett naEden Smith babitelwa kutawushumayela kunoma nguyiphi indzawo labayikhetsako.
1Â Ngicinisile, naku lokushiwo yiNkhosi kuwe nceku yami Stephen Burnett: Hamba, hamba uye emhlabeni ushumayele livangeli kuto tonkhe tidalwa letita ngaphansi kwemsindvo welivi lakho.
2Â Futsi njengobe ufisa lotawuhamba nawe, ngitawukuniketa inceku yami Eden Smith.
3Â Ngaloko-ke, hambani nishumayele livangeli lami, noma kusenyakatfo noma kuseningizimu, emphumalanga noma enshonalanga, akusho lutfo, ngoba angeke nente liphutsa.
4Â Ngaloko-ke, memetelani letintfo lenitivile, futsi lenitikholwa ngekweliciniso, nalenatiko kutsi tiliciniso.
5Â Bukani, lena yintsandvo yakhe loyo lonibitile, uMhlengi wenu, ngisho Jesu Khristu. Amen.