Sigaba 40
Sembulo lesaniketwa Joseph Smith umPhrofethi naSidney Rigdon, eFayette, eNew York, mhlaka 6 Bhimbidvwane ngemnyaka we-1831. Ngaphambi kwekubhala lesi sembulo, umlandvo wemPhrofethi utsi, “Njengobe James [Covel] alilahla livi leNkhosi, wabuyela emigomeni nakubantfu bakhe bangaphambilini, iNkhosi yanika mine naSidney Rigdon lesi sembulo lesilandzelako” (buka sigaba 39).
1–3, Kwesaba kuhlushwa nekunaka kwemhlaba kudala kulahla livangeli.
1 Bukani, ngicinisile ngitsi kini, inhlitiyo yenceku yami James Covel yayilungile emehlweni ami, ngoba wenta sivumelwano nami sekutsi utawulitfobela livi lami.
2 Walemukela livi ngenjabulo, kodvwa ngekushesha Sathane wamlinga; futsi kwesaba kuhlushwa nekunaka kwemhlaba kwadala kutsi alilahle livi.
3 Ngaloko-ke wephula sivumelwano sami, futsi sekukimi kutsi ngente kuye njengobe kubonakala kukuhle kimi. Amen.