Sigaba 92
Sembulo lesaniketwa Joseph Smith umPhrofethi, eKirtland, e-Ohio, mhlaka 15 iNdlovulenkhulu, 1833. Lesi sembulo siyala Frederick G. Williams, lobekasandza kubekwa njengemeluleki kuJoseph Smith, ngalokuphatselene nemisebenti yakhe eNkampaneni yeLubumbano (buka tihloko tetigaba 78 na 82).
1–2, INkhosi inika umyaleto mayelana nekwemukelwa ekubeni lilunga leluhlelo lwekuba munye.
1 Ngicinisile, naku lokushiwo yiNkhosi, ngininika luhlelo lwekuba munye, loluhlelwe ngekuvumelana nemyaleto loniketwe ngaphambilini, sembulo nemyaleto ngenceku yami Frederick G. Williams, wekutsi nimemukele kuloluhlelo. Lengikusho kumunye ngikusho kubo bonkhe.
2 [Futsi] Ngetulu kwaloko, ngitsi kuwe nceku yami Frederick G. Williams, uyawuba lilunga lelikhutsele kuloluhlelo; futsi nangabe wetsembekile ekugcineni yonkhe imiyaleto yaphambilini uyawubusiswa ingunaphakadze. Amen.