Sigaba 2
Incenye letsetfwe emlandvweni waJoseph Smith lokhuluma ngemavi engilosi Moroni kuJoseph Smith umPhrofethi, ngesikhatsi asendlini yababe wemPhrofethi eManchester, eNew York, ngekuhlwa kwamhlaka 21 iNyoni ngemnyaka we-1823. Moroni bekawekugcina kulelilayini lelidze lebabhalimlandvo labenta umbhalo manje lesewuphambi kwemhlaba njengeNcwadzi yaMormon. (Catsanisa naMalakhi 4:5–6; netigaba 27:9; 110:13–16; na 128:18.)
1, Elija utawukwembula buphristi; 2–3, Tetsembiso tabokhokho tihlanyelwe etinhlitiyweni tebantfwana.
1 Buka, ngitawukwembulela buPhristi, ngesandla sa-Elija umphrofethi, ngaphambi kwekufika kwelilanga lelikhulu nalelesabekako leNkhosi.
2 Uyawuhlanyela etinhlitiyweni tebantfwana tetsembiso letentiwa kubokhokho, futsi tinhlitiyo tebantfwana tiyawuphendvukela kuboyise.
3 Uma bekungasinjalo, umhlaba wonkhe ungacitseka ube lite ekubuyeni kwakhe.