Sigaba 71
Sembulo lesaniketwa Joseph Smith umPhrofethi naSidney Rigdon, eHiram, e-Ohio, mhlaka 1 ngeNgongoni, ngemnyaka we-1831. UmPhrofethi bekachubekile nekuhumusha liBhayibheli naSidney Rigdon njengembhali wakhe kwate kwatfolakala lesi sembulo, lokwatsi ngaleso sikhatsi lomsebenti wabekwa eceleni kwesikhashana kute bakwati kugcina umyaleto labaniketwa wona kuso. Labazalwane bekufanele bahambe baye kuyawushumayela kute batsambise imizwa lengemihle lebeseyicubukile lebeyiphikisana neliBandla ngenca yekukhishwa kwetincwadzi lebetibhalwe ngu-Ezra Booth, lobesekahlubukile.
1–4, Joseph Smith naSidney Rigdon batfunyelwa kuyawumemetela livangeli; 5–11, Titsa talabaNgcwele titawehlulekiswa.
1Â Bukani, naku lokushiwo yiNkhosi kini tinceku tami Joseph Smith, lomNcane, naSidney Rigdon, kutsi sikhatsi sesifikile sekutsi kufanele futsi kudzingekile kutsi nivule imilomo yenu kumemetela livangeli lami, tintfo tembuso, nichaze kabanti ngetimfihlakalo tawo ngemibhalo lengcwele, ngekwesabelo saMoya nemandla latawuniketwa nine, ngekwentsandvo yami.
2Â Ngicinisile ngitsi kini, memetelani emhlabeni etifundzeni letisedvute, kanjalo nasebandleni, sikhatsi lesitsite, kute kwembulwe kini.
3Â Ngicinisile lona ngumsebenti wekufundzisa livangeli wesikhatsi lesitsite, lengininika wona.
4Â Ngaloko-ke, sebentani esivinini sami. Bitani bantfu basemhlabeni, nifakaze, nilungise nendlela yemiyaleto neyetembulo letitawufika.
5Â Manje, bukani loku kuhlakanipha; noma ngubani lofundzako, akacondze aphindze emukele;
6Â Ngoba kuloyo lowemukelako uyawuphiwa kube kunyenti, ngisho nemandla.
7Â Ngaloko-ke, hlulekisani titsa tenu; tibiteni kute nihlangane nato phambi kwebantfu bonkhe nangasense; futsi nangabe netsembekile lihlazo labo litawubonakaliswa.
8Â Ngaloko-ke, ababeke tizatfu tabo leticinile ngekumelana neNkhosi.
9 Ngicinisile, naku lokushiwo yiNkhosi kini—kute sikhali lesilolelwe kulwa nani lesiyawuphumelela;
10Â Futsi uma kukhona lophakamisa livi lakhe ngekumelana nani uyawubhujiswa ngesikhatsi sami lesifanele.
11Â Ngaloko-ke, gcinani imiyaleto yami; iliciniso futsi yetsembekile. Kunjalo nje. Amen.