Sigaba 91
Sembulo lesaniketwa ngaJoseph Smith umPhrofethi, eKirtland, e-Ohio, mhlaka 9 iNdlovulenkhulu, ngemnyaka we-1833. UmPhrofethi ngalesi sikhatsi bekamatasatasa ekuhumusheni liThestamente leLidzala. Ngesikhatsi afika kuleyo ncenye yemibhalo yasendvulo lebitwa ngekutsi yi-Aphokhrifa, wabuta eNkhosini wase utfola lomyaleto.
1–3, I-Aphokhrifa ihunyushwe ikakhulukati ngendlela lefanele kodvwa icuketse lokwengetiwe lokunyenti ngetandla tebantfu lokungasilo liciniso; 4–6, Isita labo labakhanyiselwe nguMoya.
1 Ngicinisile, naku lokushiwo yiNkhosi kini mayelana neAphokhrifa—Tinyenti tintfo leticuketfwe kuyo letiliciniso, futsi ihunyushwe ikakhulukati ngendlela lefanele;
2Â Tinyenti tintfo leticuketfwe kuyo letingasilo liciniso, letengetiwe ngetandla tebantfu.
3Â Ngicinisile, ngitsi kini, akudzingeki kutsi i-Aphokhrifa ihunyushwe.
4Â Ngako-ke, noma ngubani loyifundzako, akayicondze, ngoba Moya uyaliveta liciniso;
5Â Futsi noma ngubani lokhanyiselwe nguMoya uyawutfola inzuzo kuyo;
6Â Futsi noma ngubani longatfoli kukhanyiselwa nguMoya, angeke asitakale. Ngako-ke akudzingeki kutsi ihunyushwe. Amen.