Sigaba 51
Sembulo lesaniketwa ngaJoseph Smith umPhrofethi, eThompson, e-Ohio, mhlaka 20 ngeNkhwekhweti, ngemnyaka we-1831. Ngalesi sikhatsi labaNgcwele labebatfutsa besuka etifundzeni letingasemphumalanga bacala kufika e-Ohio, futsi kwaba nesidzingo sekwenta emalungiselelo lacinisekisa kubatfolela tindzawo tekuhlala. Ngoba lomsebenti ikakhulukati wawucondzene nesikhundla sembhishobhi, umBhishobhi Edward Partridge wafuna umyaleto ngaloludzaba, wase umPhrofethi ubuta eNkhosini.
1–8, Edward Partridge ukhetfwa kutsi alawule kuphatsa nemphahla; 9–12, LabaNgcwele kufanele betsembeke lomunye kulomunye; 13–15, Kufanele babe nendlu yengcebo yembhishobhi futsi bahlele imphahla ngekwemtsetfo weNkhosi; 16–20, I-Ohio kufanele kube yindzawo yekuhlanganyela kwesikhashana.
1Â Ngilaleleni, kusho iNkhosi Nkulunkulu wenu, ngitawukhuluma encekwini yami Edward Partridge, ngitawumnika imiyalo; ngoba kunesidzingo sekutsi anikwe imiyalo yekutsi batawuhlelwa kanjani laba bantfu.
2Â Ngoba kunesidzingo sekutsi bahlelwe ngekwemitsetfo yami; uma kungenjalo, batawususwa.
3Â Ngaloko-ke, inceku yami Edward Partridge, nalabo lekabakhetsile, lengitfokota kakhulu ngabo, akanike laba bantfu tincenye tabo, wonkhe umuntfu ngalokulinganako ngekwemndeni wakhe, ngekwetimo takhe nangekwetifiso takhe kanye nangekwetidzingo takhe.
4Â Futsi inceku yami Edward Partridge, uma iyawunika umuntfu incenye yakhe, ayimnike lokubhaliwe lokutawucinisekisa kuye incenye yakhe, kutsi iyawuba yakhe, ngisho lelilungelo nalelifa ebandleni, ate one futsi angabe asatsatfwa njengalofanele ngelivi lelibandla, ngekwemitsetfo netivumelwano telibandla, kutsi abe ngewelibandla.
5Â Uma ona futsi angasatsatfwa njengalofanele kutsi abe ngewelibandla, angeke abe nemandla ekufuna leyo ncenye layinikele kumbhishobhi kute kuzuze labamphofu nalabeswele belibandla lami; ngako-ke, angeke asigcine sipho, kodvwa uyawuba nelilungelo lekutfola kuphela leyo ncenye laniketwe yona ngalokusemtsetfweni.
6Â Ngaleyo ndlela tonkhe tintfo tiyawucinisekiswa, ngalokuhambisana nemitsetfo yelive.
7Â Futsi loko lokukwalabantfu akuniketwe laba bantfu.
8 Mayelana nemali lesele kulabantfu—akubekhona sitfunywa lesikhetselwe labantfu, kutsi sitsatse lemali sibatfolele kudla netembatfo, ngekwetidzingo talaba bantfu.
9Â Futsi wonkhe umuntfu aketsembeke lomunye kulomunye, balingane, baphindze batfole ngalokufanako, kute nibe munye, njengobe nginiyaletile.
10Â Loko lokukwalabantfu akungatsatfwa kunikwe labo lababalelinye ligala lelibandla.
11Â Ngaloko-ke, uma lelinye ligala lelibandla lifuna kutfola imali kuleligala lelibandla, aliphindze likhokhe kuleligala lelibandla njengobe bayawuvumelana;
12Â Futsi loku kuyawukwentiwa ngembhishobhi noma ngesitfunywa, lesitawukhetfwa ngelivi lelibandla.
13Â Ngetulu kwaloko, umbhishobhi akamise indlu yengcebo kulelibandla; bese kutsi konkhe lokuyimali nalokukudla, lokungetulu kwalokudzingekile kwetidzingo talabantfu, kugcinwe etandleni tembhishobhi.
14Â Naye ngalokunjalo akatigcinele ngekwetidzingo takhe, nangekwetidzingo temndeni wakhe, njengobe uyawube abekelwe kwenta lomsebenti.
15Â Ngaleyo ndlela nginika kulaba bantfu lilungelo lekutihlela ngekwemitsetfo yami.
16Â Futsi nginikela kubo lendzawo kwesikhashana, ngite mine, iNkhosi, ngibalungiselele ngalenye indlela, ngibayale kutsi bahambe kulendzawo;
17Â Futsi lihora nelilanga alikaniketwa kubo, ngaloko-ke abachubeke nemphilo kulendzawo njengalabatawuhlala iminyaka, loku kuyawuba nemphumela lomuhle kubo.
18Â Bukani, loku kuyawuba sibonelo encekwini yami Edward Partridge, nakuletinye tindzawo, kuwo onkhe emagala emabandla.
19Â Futsi loyo lotfolakala angumphatsi lowetsembekile, lolungile nalohlakaniphile uyawungena ekujabuleni kweNkhosi yakhe, atfole lifa lekuphila lokuphakadze.
20Â Ngicinisile, ngitsi kini, nginguJesu Khristu, lotawubuya masinyane, ngelihora leningalicabangi. Kunjalo nje. Amen.