Sigaba 130
Timfundziso ngetihloko letehlukene letaniketwa nguJoseph Smith umPhrofethi, eRamus, e-Illinois, mhlaka 2 kuMabasa ngemnyaka we-1843.
1–3, Babe neNdvodzana bangativeta bona lucobo lwabo kubantfu; 4–7, Tingilosi tihlala endzaweni yesilestiyali; 8–9, Umbuso wesilestiyali utawuba yi-Urimu neThumimu lenkhulu; 10–11, Litje lelimhlophe liniketwa bonkhe labangena eveni lesilestiyali; 12–17, Sikhatsi seKubuya kwesiBili sigodliwe kumPhrofethi; 18–19, Lwati lolutfolakala kulemphilo sivuka nalo eKuvukeni; 20–21, Tonkhe tibusiso tita ngekulalela umtsetfo; 22–23, Babe neNdvodzana banemitimba yenyama nematsambo.
1Â Ngesikhatsi achamuka uMsindzisi siyawumbona njengobe anjalo. Siyawubona kutsi ungumuntfu njengatsi.
2Â Futsi lobo budlelwane lobukhona emkhatsini wetfu lapha buyawuba khona emkhatsini wetfu lapho, ngaphandle nje kwekutsi buyawube sebuhambisana nenkhatimulo yaphakadze, leyo nkhatimulo lesite yona njengamanje.
3 Johane 14:23—Kuvela kwaBabe neNdvodzana, kulelo vesi, kutiveta kwabo lucobo lwabo; futsi lomcondvo wekutsi Babe neNdvodzana bahlala enhlitiyweni yemuntfu yinkholelo lendzala yemabandla, futsi ingemanga.
4 Kuphendvula umbuto lotsi—Ingabe kubala sikhatsi saNkulunkulu, setingilosi, sebaphrofethi, nesemuntfu, akuvumelani yini neplanethi labahlala kuyo na?
5Â Ngiphendvula ngitsi, Yebo. Kodvwa kute tingilosi letikhonta kulomhlaba ngaphandle kwaleto letingetawo noma letike taba ngetawo.
6Â Tingilosi atihlali kuplanethi lenjengalomhlaba;
7Â Kodvwa tihlala ebukhoneni baNkulunkulu, embulungeni lenjengelwandle lwengilazi nemlilo, lapho tonkhe tintfo tenkhatimulo yato tibonakala, tesikhatsi lesendlulile, samanje, nalesitako, futsi tiphambi kweNkhosi njalo.
8Â Lendzawo lapho Nkulunkulu ahlala khona yi-Urimu neThumimu lenkhulu.
9Â Lomhlaba, esimeni sawo sekungcweliswa nesekungabhubhi, utawukwentiwa ufane nelitje lelikhanya kubonakale ngale futsi ube yi-Urimu neThimimu kubantfu labahlala kuwo, lokuyawukutsi ngawo tonkhe tintfo letiphatselene nembuso longephansi, noma yonkhe imibuso yesigaba lesingephansi, iyawubonakaliswa kulabo labahlala kuwo; futsi lomhlaba uyawuba waKhristu.
10Â Bese lelitje lelimhlophe lokukhulunywe ngalo encwadzini yeSembulo 2:17, litawuba yi-Urimu neThumimu kumuntfu ngamunye lolitfolako, lokuyawukutsi ngalo tintfo letiphatselene nesigaba lesiphakeme semibuso tiyawukwatiwa;
11Â Futsi litje lelimhlophe liniketwa umuntfu ngamunye kulabo labeta embusweni wesilestiyali, lokubhalwe kulo libito lelisha, lelingatiwa ngumuntfu ngaphandle kwaloyo lolitfolako. Lelibito lelisha ligama lelisikhiya.
12Â Ngiyaphrofetha, egameni leNkhosi Nkulunkulu, kutsi kucala kwebumatima lobuyawudala kucitseka kwengati lenyenti ngaphambi kwekubuya kweNdvodzana yeMuntfu kuyawuba seSouth Carolina.
13Â Kungenteka buvele ngenca yenkinga yebugcili. Loku livi lakumemetela kimi, ngesikhatsi ngithandaza ngekucophelela ngaloludzaba, mhlaka 25 ngeNgongoni, ngemnyaka we-1832.
14Â Ngake ngathandaza ngekucophelela lokukhulu kute ngati sikhatsi sekubuya kweNdvodzana yeMuntfu, lapho ngeva livi lisho loku lokulandzelako:
15Â Joseph, ndvodzana yami, uma uyawuphila ute ube neminyaka lengemashumi lasiphohlongo nesihlanu budzala, uyawububona buso beNdvodzana yeMuntfu; ngako-ke loku akukwenetise, futsi ungabe usangihlupha ngaloludzaba.
16Â Ngasala ngikuleso simo, ngaphandle kwekwati kutsi ngabe loku kubuya kucondziswe ekucaleni kwemileniyamu noma kulokunye kuvela kwaphambilini, noma kufanele ngife bese ngenca yaloko ngibona buso bakhe.
17Â Ngikholwa kutsi kubuya kweNdvodzana yeMuntfu angeke kwenteke ngaphambi kwaleso sikhatsi.
18Â Noma nguliphi lizinga lelwati lesilutfolako kulemphilo, kutawuvuka natsi kuloko kuvuka.
19Â Futsi uma umuntfu atfola lwati nekwati lokunyenti kulemphilo ngekukhutsala nangekulalela kwakhe kunalomunye, uyawuba nenzuzo lenkhulu kulelive lelitako.
20 Kukhona umtsetfo, longeke ususwe lowamenyetelwa ezulwini umhlaba ungakasekelwa, tibusiso tonkhe letimiswe kuwo—
21Â Futsi uma sitfola noma ngusiphi sibusiso kuNkulunkulu, kungenca yekulalela lowo mtsetfo lesimiswe kuwo.
22Â Babe unemtimba wenyama nematsambo lobambekako njengewemuntfu; kanjalo neNdvodzana; kodvwa Moya loNgcwele ute umtimba wenyama nematsambo, kodvwa ungumuntfu waMoya. Kube bekungenjalo, Moya loNgcwele bekangeke ahlale kitsi.
23Â Umuntfu angamemukela Moya loNgcwele, futsi angehlela etikwakhe angahlali naye.