Sigaba 99
Sembulo lesaniketwa ngaJoseph Smith umPhrofethi kuJohn Murdock, mhlaka 29 ngeNgci, ngemnyaka we-1832, eHiram, e-Ohio. Sikhatsi lesingetulu kwemnyaka, John Murdock bekashumayela livangeli ngesikhatsi bantfwana bakhe—labesebate unina emvakwekushona kwemkakhe, Julia Clapp, kuMabasa ngemnyaka we-1831—bahlala naleminye imindeni e-Ohio.
1–8, John Murdock ubitelwa kumemetela livangeli, futsi labo labamemukelako bemukela iNkhosi futsi batawutfola bubele.
1 Bukani, naku lokushiwo yiNkhosi encekwini yami John Murdock—ubitiwe kutsi uye emaveni lasemphumalanga uhambele likhaya nelikhaya, sigodzi nesigodzi, lidolobha nelidolobha, kute umemetele livangeli lami laphakadze kubantfu labahlala lapho, kuloko kuhlushwa nebubi.
2Â Labo labakwemukelako bemukela mine, futsi uyawukuba nemandla ekumemetele livi lami ngesibonakaliso saMoya loNgcwele wami.
3Â Futsi labo labakwemukela njengemntfwana, bemukela umbuso wami; futsi babusisiwe labo, ngoba bayawutfola bubele.
4Â Futsi loyo lokulahlako uyawulahlwa nguBabe nendlu yakhe; futsi uyawuhlanta tinyawo takho etindzaweni letifihlakele endleleni njengebufakazi lobumelene nabo.
5Â Bukani, nibone, ngiyeta masinyane kutawukwehlulela, kutawukholwisa bonkhe ngetento tabo letimbi labantentile ngekumelana nami, njengobe kubhaliwe ngami emculwini.
6Â Manje, ngicinisile ngitsi kuwe, akukafaneli kutsi uhambe ngaphambi kwekutsi bantfwana bakho baniketwe tidzingeko, futsi batfunyelwe ngekunakekelwa kumbhishobhi waseSiyoni.
7Â Futsi emvakweminyaka lembalwa, uma ufisa kimi, ungahamba nawe uye eveni lelihle, kute ube nelifa lakho;
8Â Kungenjalo uyawuchubeka nekumemetela livangeli lami ute utsatfwe. Amen.